◄◄..مرجع شامل لغاليات الرياض لكل مايخص الاثاث من تجاربك وتجارب الاخوات .. ►►

متابعة النقاش، صفحة 2

شاركي في النقاش

سجلي الدخول لإضافة تعليق.

التعليقات

220

  1. @rna_31

    صاحبة الموضوع
    المشاعل2
    فديتك أنا أبغى أأثث من الرياض .... ياليت تدلوني على أفضل المحلات المناسبة للعامة من المجتمع بس جديد وراقي بالموديل والصناعة ( سجاد وغرف نوم ومجالس , وكاتب , واكسسوارات البيت ) وشكرا لك


    هلا فيك حبيبتي..ان شاء الله البنات مايقصرون معاك بس في محلات اثاث بطريق خريص شوفيها يمكن تحصلين

    وفي محل اسمه الانصاري الظاهر بحي الورود قريب من اكسترا يمكن تحصلين لان قرايبنا مسوين اثاثهم عنده..:26:




    هلا فيك غلاتي..انا مثلك ادور عن ايطارات للمكيف وان شاء الله احد يفيدنا اكثر وباذن الله انا راح اسال عنها واجاوبك لو حصلت..:26:






    ياهلا فيك يالغاليه فديت قلبك ...

    اللي اعرفه في محلات اثاث معروفه بطريق خريص وفي محل اسمه الانصاري بحي

    الورود وعندك محلات يطريق صلاح الدين هذا اللي اتذكره حاليا وطبعا هوم سنتر

    وفي محلات اثاث بالروضه مفصله عندهم وشغلهم حلوو طبعا اغلبها تركي..

    وان شاء الله البنات يفيدونك اكثر..:26:

    ان شاء الله البنات يفيدونكم باللي يعرفونه وماارح يقصرون

    اعرفهم فيهم الخير والبركه..:26:

    نداء لمحبات الخير فقط..جابوا باللي تقدرون عليه لاتبخلون ولكم الاجر ان شاء الله اوعلى الاقل ارفعوا الموضوع فيدوا واستفيدوا..بارك الله فيكم..
    :26::26::26:


  2. @rna_31

    صاحبة الموضوع
    راح اطرح تجربتي من خلال ثاثيثي لدوره المياه الخاصه بالضيوف..والمطبخ..(البلاط)

    طبعا المحلات كثير وانا درت اغلبيتها هذا اذا مو كلها لكن الاماكن المخصصه للدورات المياه والمطابخ والصالونات والاحواش وغرف الاستقبال والخ

    واكثر من شهرين وانا ادور واقرر وبصراحه الشغله متعبه جدا ..


    1- مخرج 17 على طريق الخرج ..طبي واتخيري من انواع السيراميك والبورسلان بانواعها واشكالها وصناعتها

    ارجع للمحل اللي اخترت عنده بلاط الحمام المحل اسمه مكارم النخبه المحل كبير وعنده معارض

    وتضم اشكال وانواع وطبعا العرض حلو تشوفينه مركب على الجداران..ويعطيك افكار لو حبيتي فكره غير عن المعروض..

    وفي محل الملحم وايضا محل الانيق ماتذكر الاسم زين بس بتحصلونها كلها بنفس الشارع وهي

    ابرزها عشان المعارض اللي داخلها..واسعارهم تتفاوت بين المرتفع والمتوسط والغالي وكل فتره يغيرون المعروض عندهم..



    2- مخرج 9 ايضا يضم تشكيله رائعه من السيراميك والبورسلان وخصوصا محل اسمه فينوس

    بس غالي عنده اشكال تجنن لكن الديكورات يبعونها بالحبه توصل فوق 300- 400 ريال

    تنفع للي بتسوي بيت ملك وراح يكلفها كثير وطبعا عنده انواع ثانيه ممتازه بس اقل تكلفه..

    -----

    شي ثاني احب انبهكم وافيدكم ان شاء الله وهي التروبيه للي ترمم بيتها او تبني تنتبه للتروبيه اللي

    بالكتالوج غير عن الواقع من خلال تجربتي حطينا لون من الكتالوج مناسب يوم حطينها بالارضيه

    طلع بعيد جدا وشوه شكل الارضيه وعطاها شكل سئ حتى لون الارضيه تغير بسببها الشاهد اللي

    تبي تسوي تروبيه تاخذ من الكتالوج كم لون الكيلو بريال وتجربه على ارضيه زايده عندها من نفس

    الارضيه وتجرب الالوان عليها بعد ماتحطها بصحون بلاستيك معاها ماي شوي خليها شبه عجينه

    وحطي نقطه على البلاط الين تجف بالمرره وشوفي كيف يطلع لونها الاساسي واختاري

    عليها ..ونصيحه العمال لاتعتمدين عليهم خلك متابعه شغلك معاهم ..

    وهذا اللي عندي ومن خلال تجربتي حبيت اطرحها واتمنى استفدتوا..

تابعي تجارب أخرى من هذا القسم.