شاركي في النقاش

سجلي الدخول لإضافة تعليق.

التعليقات

2,006
  1. @ghyr_4

    لين 1980

    لا تجهدين نفسج بالشغل وآيد حرام عليج
    كل ما تسوين شي روحي انسدحي على ظهرج ولما تحسين انج احسن ردي كملي الشغل ..
    واذا بيت اهلج قريب .. خليهم يطرشون لج خدامتهم ..
    لا تعبين عمرج خصوصا اول 3 شهور

    الله يثبت حملج ان شاء الله
    ويتمم لج على خير يا عسل

    \\


    السندس

    لا تضايقين عمرج ان شاء الله خير
    استغفري ربج دايماً
    و ان شاء الله لين الاحد ربي ما بيضيع لج تعب يا عمري
  2. @ghyr_4

    ريج البنفسج
    غير أنت المفروض من تحسين بشئ بسيط تروحين الطوارئ ما تخلين عمرج واذا قالوا لج ولادة مبكرة اعتقد هم بروحهم بيعطونج أيها بس اذا لا أنت نبهيهم وحدة اعرف توها مربيه بتؤأم وجاها الطلق قبل ماتدخل التاسع عطوها أبر تأخر الطلق وعقب عطوها أبرة …
    ريج البنفسج

    زين قلتيلي ..
    تدرين انا المواعيد تقريبا كانت كل اسبوعين
    توني بس اخر موعد قالولي خلاص لا عاد تجين الا عقب 4 اسابيع ..
    ترى قالولي لازم تسوين اهم سونار في الاسبوع الـ20 عشان نشوف تشوهات الجنين ..
    بعيد الشر

    وعن مفارش زارا
    هي تلبيسات .. وانتي تركبينها مثل ما تحبين
    يبيلي بعد اروح لـ BHS اخذ الـابيض اللي يحطونه داخل مادري شسمه :42:
    احس جي اخف و انعم واحلى ..

    انتي تدرين لو رحت السعودية بـخلص تجهيزاتي كلها في اقل من اسبوع
    بس من يوديني يا حسره
    اصلا سفر السياره يقولج اخطر شي
    اعرف وحده من اهلنا راحت الحسا ويوم ردت على طول سقطت :44:
    خرعوني ..!
    بس احتمال خالاتي يروحون قبل العيد ان راحوا بـيريحوني والله
    حتى خوات ريلي امس يقولون بيسافرون يجهزون لي من الرياض
    عاد والله خاطري اروح ..!

    انتبهي لا تخلين جسمج ينشف لانه بيبدا يتشقق
    اسم الكريم افالون .. مكتوب عليه حق السترج مارك
    تحطينه على بطنج وصدرج و فخوذج
    و في حق الـشيسمونه اللي في صدرج كريم ثاني لونه بنفسجي بعد ماركة افالون
    مكتوب عليه NIPPLES CREAM
    و الاثنين احسهم صج اوكي لان على طول يخففون الحكه و الـجفاف ..!

    وانا بعد قريت عن المشد الاندونيسي
    بس شسالفته ومن وين يشترونه الله اعلم

    ENJOY مع ربعج وغيري جو , وسلمي عليهم :)
  3. { غير ~
    ريج البنفسج زين قلتيلي .. تدرين انا المواعيد تقريبا كانت كل اسبوعين توني بس اخر موعد قالولي خلاص لا عاد تجين الا عقب 4 اسابيع .. ترى قالولي لازم تسوين اهم سونار في الاسبوع الـ20 عشان نشوف تشوهات الجنين .. بعيد الشر وعن مفارش زارا …
    عادي اول محاولة في حمد دايما فيها غلط في الادوية انا عطوني جرعة زايدة بالعكس و لغوا العملية . اعرف شعورج و الثقل و النوم من تأثير الادوية و الحالة النفسية الزفت بعد من تأثير الادوية .. الله يعينج من حقج تزعلين لكن ايش في ايديج تسوين كملي معاها و لو ربي ما كتب اكيد خير و مالج نصيب فيه هالمرة .. و ابدي على طول الشهر اللي بعده بجرعة احسن ..:) ربي يكتبلج الخير وين ما كان .
    و على طاري الدكاترة الاقدم سعات الدكاترة الاقدم يتعاملون مع الامور ياستخفاف و خبرتهم تسويلهم شوية غرور في التعامل ..



    طبعا السالفة مادية لان كل وحدة حزت الطلق بتطلب قيصري :( انا شخصيا ما ارتاح الا في حمد على ان احيانا الروتين في تعاملهم يذبح و تميت اطلق على كرسي في الطواري ساعة و نص مافي سرير بس بعد احس ان خبرة حمد احسن و تمر عليهم حالات وايد يعرفون يتصرفون اكيد في استثناءات و في ممرضات و دكاترة اغبياء شوي بس بشكل عام الوضع احسن .. و بعدين انا دخلت الاهلي صوب غرف الولادة حسيت المكان شوي مهجور المستشفى ما عليها كلام حلوة و اللوبي كانه فندق بس داخل الغرفة ما ادري انا ما ارتحت لها بس في ناس تقول اوكي .
    تدرين انا اختي كانت ناويه على الاهل و استخارت لانها كانت مترددة شوي و سبحان الله اخر لحظة راحت حمد فانتي استخيري لو خيرة لج سبحان الله ربي بيسره لج .. الله يتمم لج على خير .


    أخواتنا الحوامل
    اعطيكم تجربتي في النشفان خخخخ انا حق البطن كنت احط كريم زبدة الكاكاو ( جربوا فازلين بالكاكاو روعة ).. بس اكتشفت ان المسألة مسألة طبيعية في ناس تطلعهم خطوط و ناس لا و انا بطني شوارع :42: بس الواحد ياخذ بالاسباب و ممكن الكريم يقلل .
    بالنسبة للصدر مهم جدا ترطبين الحلمة و تسوين مساج علشان يساعد على الرضاعة بعيدا فانا في حملي الاخير اتبعت نصيحة وحدة في المنتدى في الحمام الله يعزكم وقت السبوح عندي قطنة و زيت زيتون و امسح الحلمة طول الحمل ولين بعد الولادة ما شاء الله ما تشققت و لا تعذبت في الرضاعة الحمد لله .:)
    و كثروا ماي و سوائل حافظوا على بشرتكم .

    ربي يتمم لكم على خير و يرزقنا جميعا يارب .
  4. @ghyr_4

    تو الناس على الولاده ان شاء الله والله يسهل ويعدي هالايام على خير
    انا بعد اشوف ان مستشفى حمد خبره و ماره عليهم حالات اكثر هاللي يخليني ارتاح لهم اكثر

    ما احب منظر السترج مارك خصوصا عالصدر
    وانا الحين بدا يطلعلي بس من تحت مو واضح وايد بس انه يحك ..!
    وقالتلي وحده بعد ان على حسب طبيعه جسمج
    انا قبل يوم امتن واضعف شوي على طول يطلعلي في بطة الريل بس انه على خفييييف جداً ..
    الحين مادري شلون
    عشان جي احاول احط دايم ..
    انا استخدم فازلين الكاكاو على جسمي كله وماشاء الله وايد اوكي ويرطب ويدوم بعد
    و هاي افالون اللي حق الصدر تشمين فيه ريحة زيت زيتون
    وبديت هالفتره اهتم ببشرتي عقب ماخفت اللوعه شوي صارلي بارض اكثر من قبل

تابعي تجارب أخرى من هذا القسم.