السلام عليكم
اخواتي العزيزات انا عندي صديقة من اعز صديقاتي و نثق في بعض و نرتاح لبعض و تقول لي على همومها
و من فترة خطبها واحد مطلق وعنده بنت
ولما امها سألتهم عن سبب الطلاق قالو زوجته الاولى كانت تلف و تدور وغير واضحة و ما ااعطت تفاصيل
المهم صديقتي هذه ماكان عليها صلاة و ماقدرت تستخير قالت لأمها استخيري عني وانا باقول دعاء الاستخارهـ
امها اول يوم صلت الاستخارهـ وما حست بشي و نومها كان متقطع
ثاني يوم امها استخارت و حست بضيق بعد ماخلصت صلاتها بس كانت قبلها مهاوشة ولدها الصغير و قالت صديقتي يمكن الضيق لأنها هاوشت ولدها :confused:
راحت نامت الام و شافت رؤيا قامت منها من النوم غير مرتاحة
و صحت ام صديقتي من النوم وهي منزعجة مرررة و متضايقة و جسمها فيه قشعريرة و صارت تسبّح و تقول اعوذ بالله من الشيطان
و قامت تصلي الساعة 3 ونص وهي تصلي و صار جسم ام صديقتي يقشعر وهي تصلي :(
وصارت تصلي و راحت فتحت التلفزيون على صلاة الفجر هي حاسة انها شوي خايفة واولادها و زوجها نايمين و صارت تسبح و تذكر الله و تقرأ الى ان راحت القشعريرة و زال الخوف الحمد لله و لا إله الا الله <<< سمعت القصة و صرت اوسوس :44:
طبعا انا قلت لصديقتي تصرف النظر عن الموضوع الرؤيا واضحة ,,
بس هي الله يهديها تقول لا معليش خلينا نكمل و نشوف ايش يصير و يمكن اضغاث احلام و يمكن مدري ايش واذا صار شي ثاني مرعب خلاص راح ارفضه
ايش رايكم بنات ؟؟ انا متأكدة ان هذا الحلم دليل انه الرجال فيه شي مو زين
مدري انا احساسي صح ولا متأثرة بالنت والقصص الى اقراها في المنتدى على قولة صديقتي ؟!!!
بنات الله يوفقكم و يسعدكم ردو لأني اشوفها مندفعة لأنها نفسها تتزوج و ابغى اقنعها
"بنات انا مسحت الرؤيا بناء على نصيحة بعض العضوات لأنه المفروض اعرضها على مفسر ثقة والي تعرف مفسر ثقة تقول لي الله يوفقها و يسعدها "
شاركي في النقاش
سجلي الدخول لإضافة تعليق.
التعليقات
20- ممكن ليه لأ
بس لا تصرف نظر إلا بعد ما تعرف وش سالفة الرجل هذا ويا زوجته
لأنه مو من المنطق إننا نقدم أحلامنا في إتخاذ القرارات
يعني تستفسر أول
والله يقدم لها اللي فيه الخير - اول شئ
اختي ياليت تمسحي الرؤيا.. ليه تنزليها كاملة هنا
مايصير تطرح للتوقعات والتحليلات
البنات هنا مو متخصصات في تفسير الرؤى والرؤى على جناح طائر
خليها تطرحها على مفسر ثقة
وشئ ثاني مو شرط بعد كل صلاة استخارة رؤيا لا مو بالضرورة
اذا تسهل الموضوع بعد صلاة الاستخارة خلاص اعرفي انه خير
واذا صار تعطل او تعسير اعرفي انه الله يحب لها الخير وصرفه عنها
ومع الاستخارة يلزم السؤال عن الخاطب طبعا مو من اهله لانهم مستحيل يذكرون عيوبه
من زملائه في العمل ومن جيرانه واذا قدروا يوصلوا للطليقة ويعرفوا منها لكن بطريق غير مباشر
فهذا خير وبركة
وربي يسهل امورها وامورنا ويرزقنا ابالأزواج الصالحين والذرية الصالحة - الرؤيا لهادلاله على وضع زوجته االاولى ويمكن امه كانت مأذيتها وهي اللي لابسه اسود
افضل حل تتصل بزوجته الاولى وتسألها.. - وقف شعر جسمي تقشعرت وخفت من هالسالفه والله يخوف انا اقول تبعد عنه احسن..
الله يوفق كل من ردت علي و يفرج كربها و يرزقها ما تتمنى
ما ادري بنات حيرتوني ايش اقول لها
ان شاءالله بندور على شيخ مفسر و نقول له الرؤيا
يعني اذا كلموا الموضوع و اتفركش معناها مو خيرة لها
الله يختار لنا و لها الخير
مواضيع مشابهة
تابعي تجارب أخرى من هذا القسم.