ملف استشارة يوميه ...4

......

جبتيها ؟؟؟؟؟ بالهنا والشفا :42: (وبعدين معاك يا لسانى ) مبروووووك يا رشروش الف مبرووووك زعرطى يلى منتيش غرمانه :icon28::icon28:


اهلالالالالالالالالالالالالالالا ازيك يا رشا :42: لأ مفيش حاجة ان شاءالله خير بس التزموا يا بنات باللى قلتهولكم عشان خاطرى
بالنسبة للحامل موجود يا رشا الكبير والصغير وكمان لقيت الفيومى عارضه :icon28: هو تقريبا والله اعلم او استنى بكره الصبح اتأكدلك لانى رايحاله الصبح ان شاءالله واحتمال اروح كارفور فحتأكدلك هو كان يا ب 30 يا ب 25 يا ب 16 يا احسن بقى اشوفهولك بدل التخريف ده
اما بالنسبة للعتبه فأنا فيها ابيض يا ورد بس لما بحب اروح سوق فيها سمعت عنه بدخل المحل اللى بيبيع خامات الحلويات فيه راجل كبير قاعد دايما ادخل اسئله وهو بيوصفلى ماشاءالله عليه بالتفصيل

بالمناسبة يا رشا وكل البنات سمعتوا عن الخدمة الجديدة اللى دخلت فى الاتصالات ؟؟؟ لما تكونى عايزة تعرفى وصفه مكان او توهتى فى الشارع بتتصلى ب 140 دليل وهو بيفضل معاكى لحد مايشرحهالك وتوصلى المكان اللى عايزة تروحيه سمعتوا عنه ؟؟؟ مكتوب فى اهرام النهارده :42:

السلام عليكم ازيكم يا جماعه وحشتونى
انا هقولكم على الحاجات اللى انا معتمداها
اولا الفراخ البانيه انا بعملها ومن غير قلى وبتطلع حكايه اولا بغسل الفراخ واسيبها تتصفى شويه ووبعدين اجهز طبق فى دقيق وطبق تانى فيه بيض وع شويه فلفل اسود وشويه لبن والطبق التالت بقى هو الخلطة بحط فيه بقسماط ناعم وكورن فليكس وملح وفلفل وحبهان مطحون ولورا مطحون وملح وفلفلوجنزبيل وكارى وتوم بودره وبصل بودره وكبابه صينى وبهارات فراخ وشويه زيت عباد واعملهم فى الكبه الاول وبعدين اجيب الفراخ احطها فى الدقيق الاول وبعدين البيض باللبن وبعدين البقسماط مع الكورن فليكس واحطها فى صينيه بايركس وعلى الفرن وبتاخد 20 دقيقه تقريبا والله يا جماعه احلى فراخ بانيه خفيفه وسهله وحلوة لاولادنا ولينا عشان مش نتخن
اما البطاطس المقليه بقطعها صوابع واغسلها كويس وبعدين اغلى مايه فيها ملح وخل ونص ليمونه واسيب البطاطس غلوه وبعدين اصفيها وبعد كده احمرها
عند سلق الفراخ او اللحمة بكسر واحده كبابه صينى عشان الزفارة ومع الفراخ بزود حاجة اسمها مريميه موجوده عند العطار مش بتخلى زفاره خالص فيها
عند عمل الشوربة وانا بحمر الشعريه او اللسان عصفور بكسر واحده بس من المستكة عشان مش تممرر
عند عمل البطاطس بالصلصله بقطع معاها فلفل رومى بتدى طعم جميل معاها وبعملها كلها نى فى نى يعنى بقطه البطاطس والفلفل الرومى والبصل واحط الشوربه والطماطم المعصورة وفصين توم كله مع بعضه لحد ما يستوى البطاطس

صينيه فراخ بالبطاطس
تقطه الفراخ اربعه وتتبل بالح والفلفل والبهارات لورا وحبهان وكسبره وبهارات فراخ
اقطع البطاطس صوابع واتبلها ملح وفلفل وبهارات واقطع بصله وفص توم وجنزبيل وفلفل رومى وكبابه صينى واحط البطاطس فى الصينيه وفوقها الفراخ وادخلها الفرن لو احتاجت قليل من المايه اضيف لها بس اهم حاجة اسيب الفراخ لما يتحمر وشها فى الفرن وممكن اضافه معلقه سمن بلدى بتبقى محصلتش
طريقه الشاورما
بجيب البفتيك واقعه رفيع وبعدين فى شفشق الخلاط احط بصل مع طماطمايه واحده وصلصله طماطم وليمون وخل وملح وفلفل اسود ولورا وحبهان وكبابه صينى وسماق وبهارات لحمة وكسبرة وزبادى وتوم واضربهم مع بعض وانقع فيهم اللحمة تانى يوم اخد اللحمة بالسائل بتاعها واسويها على النار مع قطعه ليه وبعد ما تستوى اشعل فحمة وبعدين احط ورقه فويل فى الحله وفوقها الفحمة واطفيه بشويه زيت او سمن واغطى الحله بسرعة وبتتعمل سندويشات فى العيش اللبنانى بتبقى زى اللى بره بالظبط بس فى هنا تركة صغيرة علشان تطلع زى بره بالظبط وده بقى سر من اسرارى بس هقولكم عليه بعد ما اللحمه تستوى وقبل ما احط الفحمه بجيب طاسه فيها قليل جدا من الزيت واكون مقطعه بصل جوانح وفلفل رومى وبقدونس وافلبهم شويه وبعدين احطهم على الللحمة جربوها وقولولى