اغلى اثنين على قلبي وشريك حياتي ادعولي ضايق صدري

السلام عليكم يااخواتي الطيبات المشكله باختصار متزوجه من سنه وزوجي مايحب يسال عن ابوي وامي الله يحفظم ويطول بعمرهم اقصد مايكلمهم بالهاتف لاني في منطقه واهلي في منطقه واسافر لهم بالسنه مرتين انا وعيالي عجزت فيه وهم يابعد عمري ماتشرهوا عليه بس يحز في نفسي انه يسمعني اكلمهم اذا تعبوا واحاول فيه يتحمد لهم بالسلامه يقول مو لازم والله نفسيتي تعبانه من هالموضوع وانا الحمدلله اسال عن اهله واحبهم ادعولي واللي تشوف هالموضوع تافهه تحط نفسها مكاني وزوجها مايكلم اهله الا في الاعياد اللي مضايقني كل مااتذكر انهم ربوني وكبروني وزوجوني واحد مايسال فيهم ودمتم

21 تعليق 2,466 مشاهدة

شاركي في النقاش

سجلي الدخول لإضافة تعليق.

التعليقات

20
  1. @layzaagk_smty

    حبيبتي حاسه فيك
    بس يمكن هذا طبعه لاتتضايقين
    زوج اختي كذا مايسال على امي وابوي الا بالاعياد
    وابشرك مادخل بيته ابوي الا مرتين بس تخيلي وهم عندهم ثنين بس
    وامي مره دخلت بيتها بس
    هي تزورنا كل اربعاء
    حاولي تتكلمين معاه لما تكونون رايقين
    قولي له انا مالزمك كل يوم تكلمهم بس بين فتره كلمهم مو شرط كل عيد وبهدوه وكلام حلو ينحل المشكله
    وقولي له هذولي جدان عيالك وكم حلوه منك تلقين نتيجه ان شاء الله
  2. والله نفس المشكله طبعا اهل زوجي خارج السعوديه وماكان يكلمهم ابدا عدا اخته اللي في المملكه بس واهلي مايكلمهم يعني اذا كنت اكلمهم يقولي انا ماني موجود الا اذا اتصلوا عليه في جواله...
    بس مع الوقت شوي شوي تغير وصاار يكلم اهلي واهله:39:
  3. طيب أنتي إذا كلمتي اهلك قولي لهم زوجي يسلم عليكم ,, زوجي دايم يسالني عنكم ويسال عن اخباركم ,ويسال عن صحكتم , ويقول إذا محتاجين شئ ترانا بالخدمه وزي كذا من الهرج,,,يعني وصلي لاهلك ان زوجك معتبرك حلقة وصل بينك وبينهم علشان كذا ما يكلم ..

    أو إذا كلمتي ابوك او امك وزوجك موب بنفس المكان اللي انتي فيه قولي لهم لحظه ..
    وروحي لم زوجك اللي فالغرفة الثانيه وقولي له امي او ابوي بيكلمك او بيسلم عليك ووعطيه الجوال وبكذا انتي قدرتي تربطينه بهم

    اللي كاتبه تزيعل وما تزيعل الله يعافيك هي كاتبه مشكلتها علشان تبغى حل ,,ولاتبي يصير بخاطر امها او ابوها شئ على زوجها
    سبحان الله حتى اللي ودها تبر بامها وابوها شرهتوا عليها ,,الله يخلف عليكن اقول:o
  4. @am_alshk

    صاحبة الموضوع
    جزاك الله خير على ردك ياوش لي بالعمر
    انا ماتزيعل بس امي صار لها اسبوع تعبانه من ظهرها وحز في خاطري مايسال عنها بكلمتين بالهاتف مو اكثر
    اختي لايزعجك صمتي الله يسعد ايامك وحاولت معه بس مانفع الشكوى لله 
    اختي دلايلا جزاك الله خير

تابعي تجارب أخرى من هذا القسم.