كرهانة روحي ليش انا بيصير فيا هيك؟؟

الله يكون بعونك.. اربع أطفال صغار مسؤولية وضغط كبير جدا ..

بدي منك اول شي تقتنعي انه ما في شي اسمه حساسية من الأصوات ولا مشكلة مع الاصوات .. هاي مشكلة انت خلقتيها بنفسك لانك بدك هدوء وصرتي تعتبري أي صوت هو ازعاج .. يعني هاي ان شاء الله حلها في ايدك انت لما تقنعي حالك انهم أولا أطفااااال صغار ، لو ما طلع صوتهم ما رح يكونوا طبيعيين .. والاغاني والاناشيد بالعكس بتعلمهم وبتلهيهم عنك شوي ..

الكبير عندك 4 سنين يعني سن مدرسة ... دخليه روضة السنة الجاية بترتاحي من شوية تعب .. اما البقية خصصي الهم ساعة نوم في النهار خلال ما الكبير في المدرسة .. هيك صار عندك ساعة استرخاء ما تعملي فيها ولاا شي من الشغلات اللي بتكرهيها ..
مثلا اقعدي على النت او اشربي فنجان قهوة مع جارتك .. تفرجي على برنامج بتحبيه او أي شي في هالساعة بحيث انك تحسي انك عملتي شي لنفسك انت وبس .. والشغل والبيت والاولاد لاحقة عليهم ..

صدقيني لما تحسي انه صار في وقت مخصص الك لحالك رح تنبسطي وتتشجعي شوي ، يمكن في البداية ما تحسي هيك بس اعتبريها مكافأتك على تعبك المتواصل ليل ونهار

واهم شي دايما احتسبي الأجر .. وفكري انه اولادك ما رح يحبوك ولا يتطلعوا فيك لما تكبري لانهم ما رح يتعلموا منك الحنية والاهتمام هيك .. ما تزعلي مني هاي الواقع ..

كمان شغلة ، عمره ما كانت عصبية الاب وضربه سبب او مبرر لانك تعصبي على اولادك .. بالعكس المفروض انت جربت قسوة الأب وبتعرفي مرارتها اكتر من غيرك .. يعني انا متلك كتير انضربت وانا صغيرة الله يسامحه بابا و يطول بعمره .. لكن ما بضرب اولادي ابدا ولا بهينهم لاني عارفة اكتر من غيري شو هالحكي بيأثر في نفسية الطفل و شخصيته ...

موضوعك كله بده حزم وارادة وجلد واستعانة برب العالمين اولا وآخراً.. وسامحيني طولت عليك ..

هلا اختي


انا بنظري استخدمي اسلوب الثواب والعقاب مع نفسك ومع اولادك بمعني
كأفي نفسك لو قدرتي تسيطري على عصبيتك
وعاقبيها لو عصبتي على اولادك بأي شي .
ثاني شي فرغي كل شحنات الغضب والعصبية بأي شي بتنظيف البيت بطبخ باخذ شور(استحمام بموية باردة)او استرخاء .
وضعك عادي بحكم حجم الضغوطات اللي عليك بس بيدك الحل .

تقبلي تحيتي

مشكورات خواتي الله يسعدكم ولا يحطكم بضيقة

الله يشفيك ويريح بالك واقري قران وعليك بسورة البقره

وحاولي تهدي بالك وتمسكين اعصابك شوي لان اطفالك

مره صغار ويحتاجون منك الرعايه والحنان

وحطي ابالك مافيه شي احلى من صوت الاطفال

والله يهدي بالك

الله يكون بعونك أختي ،،، والله يشرح لك صدرك ،،،

صدقيني الدنيا يبيلها صبر وكل واحد مشغول بحاله لان هي الدنيا راحلة وليست دار مقر والآخرة هي القرار .

اللهم آتنا في الدنيا حسنة وفي الآخرة حسنة وقنا عذاب النار .