***تجهيزاتي لرمضان 1431 ***

@bryany_har

قد يحتوي هذا الموضوع على محتوى غير مناسب. عرض الموضوع


السلام عليكم ورحمة الله وبركاته

كل عام وأخواتي في عالم حواء بخير باقي على رمضان 29 يوم

بفضل من الله جهزت لي كم حاجه لرمضان وحبيت اوريكم اياها وافيدكم

يمكن تقولوا بدري بس انا ماراح اكون فاضيه في الايام الجاية عشان كذا جهزت من بدري

وعلى قولة فتافيت جهزي سفرتك النهارده وارتاحي بكره

بسم الله ابدأ


ماشاءالله تبارك الله لاقوة الا بالله




حمست كاستين جوزهند لتزيين الحلويات وللتمر



جبت ملفوف (كرنب)وحطيته في الفريزر كم يوم وبعدين خرجته ولما ذاب الثلج عنه قطعته بكل سهوله لمربعات وحطيته في علبه بلاستيك وعلى الفريزر





جبت كنافه وفرمتها وعلى الفريزر





جبت كيس توست وفرمته وفركته بسمن المراعي وعلى الفريزر طبعا استخدامه للكنافة الكذابه




سمبوسة قلي اجبان الحشوة مكونه من(جبنة بيضاء وجبن كرافت تشيدر وجبن موزاريلا وسماق وزعتر)




بشرت جزر




سمبوسه حلوه اصابع بالكيري والقرفه




خلطت قرفه وكاكاو بودره وسكر وذره فانيلا للسينامون وجبل القرفه





يتبع

1,297 تعليق 158,856 مشاهدة

0 0

شاركي في النقاش

سجلي الدخول لإضافة تعليق.

التعليقات

1,271

  1. @bryany_har

    صاحبة الموضوع








    بشرت جبنة موزاريلا




    وفرزنت القسم الثاني مثل ماهو








    وبشرت جبن قشقوان




    جهزت صلصة بيتزا
    جبت 3 طماطم وبصله وعلبه صلصه (مثل الي استخدمتها للكشنه) وفلفل رومي
    وطحنتهم في الخلاط وحطيت شوية زيت زيتون في قدر وصبيت الصلصه وخليتها تغلى لين تتكثف وتثقل ويصير لونها احمر نطفي النار ثم نضيف لها 2م ك كاتشب ونص م ك بهارات بيتزا او ريحان وزعتر بري للي ماعندهم بهارات البيتزا واخر شي نضيف الملح ونتركها تبرد تماما

    ووزعتها في علب بلاستيك







    وعلى الفريزر

    على فكرة التصوير ظالم الصلصه لانه لونها احمر مو برتقالي



    يتبع

  2. @bryany_har

    صاحبة الموضوع
    ونجي دحين للكشنة صورتها بالخطوات
    عشان تكون واضحه اكثر




    جهزي بصل وطماطم وقرون فلفل حار(حسب الرغبه)




    وقطعيهم ارباع ونحطهم في قدر كبير يساعهم كلهم
    اول البصل




    ثم الطماطم والفلفل

    ثم الصلصله انا حطيت بدل الصلصله العاديه هالشي



    صلصه مع حبات طماطم معلبه لانها اكثر فايده من الصلصه العاديه وتعطي طعم ألذ




    هنا لمن اضفت علبتين الصلصه شوفو حبات الطماطم مقشره



    نضيف زيت

    ونحطها على النار تكون عاليه في البدايه لين تبدأ تغلي نغطيها ونرخي النار ونتركها ساعه حتى تذبل الطماطم والبصل وتكون بهالشكل




    نتركها تبرد تماما



    يتبع

  3. @bryany_har

    صاحبة الموضوع



    نطحنها وهنا راح نلاحظ انها راح تتغير من اللون الاحمر للبرتقالي بسبب فرم البصل عشان كذا بعد مانطحنها نضيف لها صلصه ونقلبها تمام انا استغنيت عن هالخطوه




    ونوزعها في علب بلاستيك





    وعلى الفريزر




    وتستخدم هذي الكشنه للشوربات والكبسات والايدامات

    اخذت هالكشنه من الاخت مرة الدب المملوح الله يجزاها خير من يوم ماخذتها وانا ماستخدم غيرها لانها لذيذه :42:



    والحمدلله كذا خلصت يشهد الله اني ماتعبت كال هالتعب الا ابغى الاجر من الله تعالى ثم اني افيدكم ولو بشي بسيط


    الي استفادت من موضوعي تدعي لأمي وأبي وأخي بالرحمة



    اللهم بلغنا رمضان بصحة وعافية:26:

  4. @mlamh_taghyh

    بطله ماشاء الله تبارك الله ......................... الله يعطيك العافيه .................... ولا اروع ..........................

تابعي تجارب أخرى من هذا القسم.