ملف don لجميع حلويات العيد المصرية

تسلمى يا ست الكل وكل سنة وانتى طيبة وعيد سعيد عليكم وبرافو عليكى انك حسستيهم بالعيد لانه بيبقى له طعم تانى فعلا مع الكحك وخلافة وتسلم ايديكى وعايزينك تشاركى معانا على طول فى ملف الاكلات المصرية :)

انتى بتشكرينى انا لية ؟؟؟مش انتى اللى عملتيهم بايدك يبقى تسلم ايديكى انتى وبالف هنا وشفا على الاسرة وعلى ماما وبوسيلى راسها وقوليلها كل سنة وهى بالصحة والعافية يارب وبعد العيد لو عايزة لماما اى حاجة معينة خفيفة قوليلى يا غرام وانا حبقى اكتبلها حاجات خفيفة :)

ازيك يا شيرين بقالى كتير ما شفتلكيش مشاركات عموما كل سنة وانتى طيبة ونورتينا بصى يا شيرين ماينفعش يتعملوا بالسمنة لكن ممكن تعمليهم بالعلبة الخضراء اللى اسمها الثلاث بقرات الحلوب وفية منها عندكم فى الكويت يا شيرين انا كنت فى السالمية وكانت موجودة وممكن تعملى بالمارجرين
وبالنسبة للماكينة طيب معندكيش قمع ؟؟؟؟تعملى بية ؟؟؟ممكن تعملى بالقمع بتاع بلح الشام اللى بيبقى مع الكيس وحقولك حاجة بس ماتضحكيش انا لما كنت اول سنة فى السعودية وملقتش اشكال اعمل بيها رحت نازلة المكتبة وكان بيتباع قالب بلاستيك فية اشكال جميلة كان بيتباع مع الصلصال ( عارفة الصلصال اللى الاطفال بيلعبوا بية ؟؟؟انا اشتريت الصلصال مع القالب وغسلت القالب واستخدمته وطلع البسكوت جميل والله جربى كدة ولو عندك اى سؤال انا حاضرة معاكى يا شيرين

حبيبتى دموع قهر الله ينور عليكى انك عرفتى فين العيب ودة كان ردى عليكى امس علشان كدة قلتلك ان العجينة خمرت قولى وقلتلك الصاج اللى تخلصية دخلية بسرعة الفرن بس تسلم الايادى وتاكدى ان اللى بيغلط فى حاجة بيتعلم منها كتير يعنى انتى حتبقى استاذة فى بسكوت النشادر المرة الجاية وتسلم ايديكى واحنا اخوات لو عندك اى اسفسار اسئلينى على طول :)

طبعااااا لازم نشكرك دا انتى كاتبه كل حاجه حلوه علشان كده الحاجات طلعت حلوه وطبعا ماما بتقولك يا ريت الحاجات الخفيفه ومقاديرها علشان اجازه العيد خلصت وهتروح الشغل وانا هنزل الجامعه فمحتاجين حاجات خفيفه وحلوه يا قمر