السلام عليكم حبوبات..
للحين صامدة ما ولدت.. ومثل ما وعدتكم راح اخبركم قبل ما اروح المستشفى.. امس الصراحة ما كان لي خلق اروح من تعب الشفتات اللي مريت فيه, قلت خلني اصبر واريح شوي... وامس ما ظل احد من البنات اللي كانوا وياي ولا اللي اشتغلت وياهم الا واتصلوا فيني ما ولدتين ما رحتين حق الطلق.. وفي الاخير كلهم زفوني على اني ما رحت ان شاءالله بعدين اروح السلمانية وانشوف اخر التطورات..
ام الميرز:
مشكورة خيو على الدعوة والله يسمع منش ان شاءالله.. اني مو مستعجلة على الولادة بس موعد ولادتي على حساب الدورة المفروض تاريخ 4/7/2010 وشوفي اليوم 15 وللحين ما ولدت.. الشي الثاني ان ما شاءالله بطني يربي النونو بسرعة.. فدكتورتي خايفة انه يزيد حجمه اذا انتظرت وعلى طول يسوون لي عملية.. فالطلق الصناعي بيكون بأذن الله اهون من العملية..
ام حورية:
اهلين وسهلين.. وتسلمين حبوبة واكيد تحبيني واحبش مو احنا خوات؟؟
وان شاءالله لما يجي دورش تولدين ولادة السلامة بدون طلق صناعي ولا غيره..
ومشكورة لأنش باركتين ليي صدقيني واجد فرحانة بالتخرج لأني احس الحين بالاستقرار... والوظيفة لاحقة عليها...
وزين انش حصلتين وظيفة هالفترة.. صدقيني بتنطغطين شوي لكن في الاول وفي الاخير ما بتحاتين واجد الولادة وبسرعة الايام بتمشي.. وان شاءالله تالي بتفرحين بالكتكوتة وياش..
ام علاوي:
الحمدلله على سلامتش ويالكتكوت..
واهم شي تعدلت نفسيتش وان شاءالله ترجعين مثل اول واحسن..
والله يساعدش صدق الوحدة اول ولادة ليها صعبة كل شي ما تعرفه (( ترى الاول ماارضى اقوليكم هالكلام عشان تتشجعون بروحكم)).. الحين كلما بتمر الايام بتصير الاشياء بأذن الله اسهل عليش..
جافالوف:
ما عليه خيو.. سامحناش عفر..
كله اكتبي لينا فوق ولا تزعلين ههههههههههههههههههههههههههههه..
والله لا يغير على اولادش ان شاءالله ما يغارون من بعض والله يهديهم..
اني ولدي واجد واجد غيور.. ومن الحين يحس اني بجيب احد على راسه.. كله يقول لي انه ما يبى دادو.. وبعد هالأيام صايرة مشاعره رقيقة.. لو ازعل عليه طاحت دموعه.. وما يرضى ياكل الا في حظني.. ماادري وش بيسوي اذا رقدوني.. ادعي لينا خيو..
يالله بنات مشكورين كلكم على فرحتكم ليي بالتخرج.. والله خليتون فرحتي تصير فرحتين.. ادعوا لي وراي ولادة..
وطمنونا على صبرك يا قلبي, وملاك واحب التطريز ليهم فترة غايبين عنا..
((بنات البحرين)) تعـالوآ نفيد ونستفيد
متابعة النقاش، صفحة 256