شاركي في النقاش

سجلي الدخول لإضافة تعليق.

التعليقات

1,514
  1. @ampamp_ord_albhrynampamp

    السلام عليكم حبوبات..

    للحين صامدة ما ولدت.. ومثل ما وعدتكم راح اخبركم قبل ما اروح المستشفى.. امس الصراحة ما كان لي خلق اروح من تعب الشفتات اللي مريت فيه, قلت خلني اصبر واريح شوي... وامس ما ظل احد من البنات اللي كانوا وياي ولا اللي اشتغلت وياهم الا واتصلوا فيني ما ولدتين ما رحتين حق الطلق.. وفي الاخير كلهم زفوني على اني ما رحت ان شاءالله بعدين اروح السلمانية وانشوف اخر التطورات..

    ام الميرز:
    مشكورة خيو على الدعوة والله يسمع منش ان شاءالله.. اني مو مستعجلة على الولادة بس موعد ولادتي على حساب الدورة المفروض تاريخ 4/7/2010 وشوفي اليوم 15 وللحين ما ولدت.. الشي الثاني ان ما شاءالله بطني يربي النونو بسرعة.. فدكتورتي خايفة انه يزيد حجمه اذا انتظرت وعلى طول يسوون لي عملية.. فالطلق الصناعي بيكون بأذن الله اهون من العملية..

    ام حورية:
    اهلين وسهلين.. وتسلمين حبوبة واكيد تحبيني واحبش مو احنا خوات؟؟
    وان شاءالله لما يجي دورش تولدين ولادة السلامة بدون طلق صناعي ولا غيره..
    ومشكورة لأنش باركتين ليي صدقيني واجد فرحانة بالتخرج لأني احس الحين بالاستقرار... والوظيفة لاحقة عليها...
    وزين انش حصلتين وظيفة هالفترة.. صدقيني بتنطغطين شوي لكن في الاول وفي الاخير ما بتحاتين واجد الولادة وبسرعة الايام بتمشي.. وان شاءالله تالي بتفرحين بالكتكوتة وياش..

    ام علاوي:
    الحمدلله على سلامتش ويالكتكوت..
    واهم شي تعدلت نفسيتش وان شاءالله ترجعين مثل اول واحسن..
    والله يساعدش صدق الوحدة اول ولادة ليها صعبة كل شي ما تعرفه (( ترى الاول ماارضى اقوليكم هالكلام عشان تتشجعون بروحكم)).. الحين كلما بتمر الايام بتصير الاشياء بأذن الله اسهل عليش..

    جافالوف:
    ما عليه خيو.. سامحناش عفر..
    كله اكتبي لينا فوق ولا تزعلين ههههههههههههههههههههههههههههه..
    والله لا يغير على اولادش ان شاءالله ما يغارون من بعض والله يهديهم..
    اني ولدي واجد واجد غيور.. ومن الحين يحس اني بجيب احد على راسه.. كله يقول لي انه ما يبى دادو.. وبعد هالأيام صايرة مشاعره رقيقة.. لو ازعل عليه طاحت دموعه.. وما يرضى ياكل الا في حظني.. ماادري وش بيسوي اذا رقدوني.. ادعي لينا خيو..

    يالله بنات مشكورين كلكم على فرحتكم ليي بالتخرج.. والله خليتون فرحتي تصير فرحتين.. ادعوا لي وراي ولادة..
    وطمنونا على صبرك يا قلبي, وملاك واحب التطريز ليهم فترة غايبين عنا..
  2. @ahb_alttryz

    السلام عليكم ورحمة الله

    ورد انا موجوده موجودة

    اليوم كان عندي موعد و الحمد لله كل اموري تمام

    وموعد ولادتي الاسبوع الياي وربي يسهل
  3. @sbrk_yaklby_1

    سلام شخباركم

    مشكووورين كل اللي سألوا عني
    انشغلت ويه علاوي وزواج حماي وزوجي اجازه عشان جي ماادخل واجد
    اني الحمدالله بخير وعلاوي بعد زوين

    ام حوريه:
    مبروووك الوضيفه

    ام علاااوي:
    حبيبتي تحطين كريم ميبو على الحلقه عشان تطيح
    مو عقب ماتطيح تحطين
    كل مره تبدلينه حطي له فوق الحلقه كريم ميبو او زيت زيتون
    غريبه الدكتور قال لكم ماتحطون له شي
    اني شرح لي بالضبط شسوي
    قال لي احط فوق الحلقه كريم ميبو وااااجد او زيت زيتون
    واذا بسبحه قبل مااسبحه احط له كميه لانه يحجب الماي
  4. @am_aalaaaaaaoy_1

    هلا وغلا كروشات
    شخباركم وشخبار النونوات الي عندكم والي منتظرينهم
    يارب الي عندكم الله يخليهم ذخر لكم والي ببطنكم الله يسهل لكم فيهم

    كل ما ابغي اكتب قصة ولادتي احس روحي أكتئب واهون مره ثانيه
    ما اقدر اذكرها مره ثانيه بس الله يساعد كل وحده بتولد ويسهل عليها
    بحق مواليد أبطال كربلاء

    اني الحمدلله اموري هاليومين اشوفها احسن من قبل بفضل رب العالمين
    يعني حالتي النفسيه احسها بدأت شوي تستقر عن قبل الحمدلله رب العالمين

    وعلى الرضاعه ولدي ما يرضع الا من صدر واحد وبعد الحمدلله
    قبل ما كان يرضع خير شر الحين بالنسبه لي نعمه انه رضع حتى لو
    بس من صدر واحد

    وبالنسبه للتطهير للحين ما اشوف الحلقه طاحت الدكتور قال لي
    بتطيح خلال ثلاث الى خمس ايام والحين اليوم رابع ولا اشوف
    عليها اثار توحي انها بتطيح واني للحين ما استخدمة لها شئ لان
    قال لي الدكتور لا تخلين عليها ولا شئ لا زيت زيتون ولا غيره
    بس شكلي من الحين اذا بغير له بحط له زيت زيتون عليها جان
    تطيح وعندنا موعد معاه يوم الاحد والله يسوي الي فيه الخير
    والصلاح ان شاء الله

    كلكم بنات وحشتوني وفجيتون عليي والله يسهل عليكم كل عسير ياارب
    بحق ام البنين

    ورد البحرين لا تتاخرين اكثر على البيبي ترى بتضرينه
    اني اتاخرت اسبوع و المستشفى هم الي عطوني المهله
    واني ولدي اسملى عليج بغى يموت ويروح مني خساره
    لكن الحمدلله بفضل الله واهل البيت ع حفظوه لي

    احب التطريز الله يسهل عليج ان شاء الله
    ولاتنسين صلاة الليل كل ليله بما ان قرب
    موعد ولادتج والصدقه بنية تسهيل الولاده

    صبرك حبيبتي والله مدري عنه هالدكتور
    قال لي لاتخلين عليها ولا شئ بس ان شاء الله
    الليله بخلي عليها زيت زيتون لان ما اشوف الحلقه
    تغيرت لو تزحزحت وان شاء الله خير ياااربي

    جافا لوف الله يعينج حبوبه هذا انتي عمليه يعني
    اصعب من وضعنا حاليا بالشيل والحطاط الله يعينج
    انتي متنفسه في بيت اهلج لو في بيتج؟؟
    اذا في بيتج وعدج بعد ياهل صج الله يعينج


    دعاكم يا بنات لاتنسونا الليله في الماتم

تابعي تجارب أخرى من هذا القسم.