ملف don لجميع حلويات العيد المصرية

دنــــــــــــــــــــــدونه يا قمر ربنا يخليكى ليا انا عارفه انى بتعبك معايا يا حياتى لكن تحملينى

انا يا ستى فى الهرم ولو كتبتى لى عنوان فى المريخ هروح له على الطول طالما انتى الى كاتبه العنوان ليا

السلام عليكم
كل عام وانتم جميعا بخير
جزاك الله خيرا ابله دون
انا عملت الفايش وطلع تحفه
الحمد لله
بس طبعا مقدرتش اضحى واعمله فى فرن البيت فعملته ووديته فرن الفينو جنب البيت
الحمد لله
وكنت بلغت اموله تقولك لانى منعتنى ظروفى انى ابلغك اول ما عملته
ربنا يكرمك يا رب
ام باسل

اسمحيلى ابله دون ارد على الاخت دموع قهر
حلوانى توينكى فى الهرم رائع
وهو على شارع الهرم العمومى بجانب بيتزا بلس
ارجو اكون قدرت اساعدك

السلام عليكم يا ام باسل وتسلم ايديكى على الفايش وبألف هنا وشفا سبحان الله الفايش دة مزاج لبعض الناس زى مامتى لو مكنش عندها يبقى ناقصها حاجة
بالنسبة للحلوانى اللى كتبتى لدموع قهر يا ام باسل هو حلوانى عادى ؟ ولا زى طلبها ؟؟؟؟هى عايزة اللى بيبيعوا مستلزمات التورت ومحسن الدقيق والصوانى والقوالب المخصوصة بالحلويات وما شابة زلك هل اللى كتبتيهولها كده ؟؟؟؟؟
وبالنسبة ليكى يا دموع القهر برضة حسئلك ام ياسمين لانها ساكنة قربك وهى عندها فكرة على ما اعتقد ..انا عايزة حد قريب منك وعموما لحد مايردوا علينا حيبقى اقرب حاجة ليكى هى درب البرابرة فى العتبة كلهم بيبيعوا كل كل شىء لعمل الحلويات وفية 2 فى ميدان الجامع فى مصر الجديدة على نفس الصف بتاع كل شىء فى ممر وفى مدينة نصر فى شارع مصطفى النحاس على شريط المترو امام نصر مول
وانتظرى لما نعرف محل قريبلك اكتر وفية فى شبرا برضة حسئلك موتى

السلام عليكم ورحمة الله وبركاته
كل سنة وانتم طيبين ياجماعة وتقبل الله منكم جميعا
دون اسمحيلي ارد على قهر الدموع لاني ساكنة في اكتوبر ولما باحب اشتري زواق التورتات ودقيق العجينة الاسفنجية وكمان الحاجات اللي بتستعمل في تزيين التورتة من شيكولاتة واشكال وحاجات زي كدة باشتريها من محل في الجيزة
بصي ادخلي من ميدان الجيزة من جنب محل الجندول مكان اوركو القديم وافضلي ماشية لحد ماتوصلي للاسكندراني بتاع العصير وهناك اسالي على محل بيع حلويات التورتات على طول هيكون ادامك
يارب اكون افدتك