صباح الخير
بصراحه في موضوع مره مضايقني هما وهو لهجوم على البنات في المنتدى :44:
طبعا اقصد البنات الي يكتبون موضوع يتمنون الزواج او متضايقين من تاخر زواجها ومو شرط تكون كبيره عشان تتمنى يعني لو بنت 23 او 25 قالت ابي اتزوج وش فيها حرام؟؟؟؟؟؟؟؟ تراها حاجه مشروعه وغريزه بكل انسان ليش تنكرون وتكابرون :mad: كل يوم والثاني وحده منزله موضوع تتفلسف وتنتقد ليش شي ممنوع؟
ليش كل هالهجوم يعني مااظن بتموتين لو واسيتيها او دعيتي لها دعوه حلوه بينقص من عمرك شي والا لازم الفلسفه؟ والمشكله ماتتفلسف الا المتزوجه واقص يدي لو مو معظم الي يتفلسفون كانو ميتين عالزواج اكثر من كل البنات هنا:09: وطبعا لو كانت مكان البنت كان كلام ثاااااااااااني
يعني ابي افهم ليش تتضايقون من هالمواضيع؟ ايش فيها شي يضايق والا ينرفز ؟ مع انه في مواضيع في المنتدى قمه قمه قمه في التفاهه ومن جد ترفع الضغط ولااحد يعلق عليها حاطين حرتكم فينا البنات كله كوم والي متفشله مننا عشان زوجها كوم ثااااااااني
ترى ملينا من هالكلام الزواج قرف الزواج تعب كان ماتزوجتو طيب ! عارفين ان الحياه مافيها راحه وعند الاهل كمان في مشاكل وفي سلبيات بس هذي حاجه فطريه وكل مرحله من حياتك لها طعمها بلذتها ومتاعبها يعني في وحده لو تقدملها عريس زين بتقول العزوبيه حلوه ماابي اتزوج؟ والا متزوجه بتقول ماابي العيال عشان الامومه تعب ومسؤوليه وسهر والا بتقول ابيها بحلوها ومرها ؟:icon33:
لا والي تقول الزواج مو كل شي واحنا انخلقنا للعباده مو للزواج :mad: هذي كيف تفهمينها انا اقولها لا تاكلين ولا تشربين ولا تدرسين لانك انخلقتي للعباده مو لهالاشياء وش رايك؟ ترى الحياة دين ودنيا
ياناس راعو شعورنا وكفايه استهزاء ماقلنا شي عيب ولا حرام وانا ماالوم البنات لاصارو بالعشرينات وتمنو الزواج احنا في زمن الفتن :44: وين ماتطلع تشوف نظرات الشباب ومعاكسات وبلاوي ومهما كانت مؤدبه وتخاف الله حيترك هالشي اثر في نفسها وراح تتمنى تلقاه بالحلال فمافيها شي لو تمنت تعف نفسها بالعكس شي حلو ولا انها تسوي زي غيرها وتمشي في الغلط لاسمح الله رجاء الي بتنتقد تصرفات الناس تحط نفسها مكانهم بعدين تتكلم ادري بتقولون الي تبي تدعي في نفسها ولا تكتب في المنتدى انا اقولكم المنتدى متنفس اشياء كثير الواحد يعاني منها مايقدر يقولها لاحد فالكتابه هنا متنفس وتريح شوي :44:
وفي النهايه اقول الشكوى لغير الله مذله
الموضوع مغلق