للذكيات اللي عندهم اسلوب ادخلو علموني بحل ..قربت اطرد مرة اخوي

قد يحتوي هذا الموضوع على محتوى غير مناسب. عرض الموضوع
بسم الله الرحمن الرحيم

كل عام وانتم بخير يا حريم حواء

حبيت استشيركم في موضوع ..وهو اخوي متزوج من 6 سنين ..وزوجته فيها طبع شيييييين وتحملناه كثثير عشان ما نبي القطيعه والمشاكل لكن وصلت معنا والله ...سلمكم الله مرة اخوي كل شي تسمعه مننا تروح تقوله لاخوي على طوووول يعني مره من المرات ابوي كلمها عن البنطلون لانها تلبس قدام ابوي بنطلون ضيييق مره ومسكين ابوي اسلوبه حلو يوم كلمها وقال لها يا بنتي ترا هاالبس موب لنا وابوي كبير فالسن مره حسبة ابوها يعني ..المهم راحت وعلمت اخوي على طوول .. ومره ابوي قال لولدها اللي هو حفيده سبه وعلى طووول راحت قالتها لأخوي وكبرتها ودخلت اهلها فا السالفه وسكتنا وطنشنا ..
واذا جت وانا نايمه وما قابلتها على طوول تروح تقول لاخوي اختك ما قابلتني مع أن امي تكون عندها وانا ماني فاضيه لها وراي اشغال ودوام ...المهم يا بنات كل شي يصير تعلم اخوي فيه ليين كرهناها ولا صرنا نحبها تجي
فقلت لنفسي عندنا حلين الاول يا انا نطنشها مره يعني اذا جت ما احد يقابلها لين تصير ما عاد تجي يا اننا نصارحها بها الطبع ونقول لها انه مو زين مع العلم اننا نشوف اشياء كثيره منها ولا نعلم اخوي ابد يعني يا ليتها اذا ضايقها شي تكلمنا حنا وتعاتبنا مو تدخل اخوي بالسالفه لان هذا اعتبره تشويه صوره لنا قدام اخوي .....

شوركم يا بنات اصارحها عن طبعها والا افك راسي من المشاكل واطنشها وما عاد اتعامل معها ...

68 تعليق 5,945 مشاهدة

شاركي في النقاش

سجلي الدخول لإضافة تعليق.

التعليقات

62
  1. @alaml_althamy


    اذا قلتي لها بتقول لاخوك واخوك بيقول لو ماانتم غلطانين ماتزعلون اذا قالت لي

    طنش تعش تنتعش ولا تسوين شي غلط وبكيفها تقول اللي تقوله اذا ما غلطتوا وش عليكم منها خل تعلمه


  2. @kdaah

    صاااااااااارحيها
    وقولي تبين نقول لاخوي اذا شفنا منك شي

    وذكريها ان الدنيا دواره

    والله يعينكم ويهديها
  3. @grh_sdykh

    الله يعينك زي اسلوب زوجة اخوي

    بس لاتستكين لهااا اذا شفتوا شي منها قولا لاخوك

    احنا كنا نسكت مانبي المشساكل واهى تخبرها بكل شي مع الزيادة طبعا لما صار يصدفها

    والحين لما طفح الكيل تكلمنا بس صار مايصدقنا لان من زمان اهى تقول واحنا ساكتين

    نصيحه ياختي لاتستكين لهالاشكال والحين احنا نادمين اشد الندم

    مع العلم اخوي له 10 سنوات متزوج يعني كفت ووفت بكل شئ مع الزياذة

    يعني شوفى يعدين لما يصيير لهم 10 سنوات كيف اخوك يعاملكم فانتبهوا اذا اي شيي سوتها قولوا لاخوك
  4. @am_aabdalrzak_m

    صباحكن الله بالخير
    اللهم بارك لنا في يومنا وافتح لنا يارب وبلغنا رمضان


    اصبحنا واصبح الملك لله..اللهم اني اسالك خير هذا اليوم فتحه ونصره ونوره وبركته
    يارب ارزقني من واسع فضلك ياكريم


    الحمد لله رب العالمين
    اسأل الكريم ان لا يرد لك دعوةً وان يهبني و كل اخواتي في الله زوجاً صالحاً وذريةً طيبه في خَلقها وأخلاقها آمين يارب

    زوجة الآخ وما ادراك ماهي آآآآآآآآآآآآآآآآآآآآه بس

تابعي تجارب أخرى من هذا القسم.