وقفة:لنستبدل نيتنا(بالحرق)اثناء العلاج بنية(الدعوة)فقد نكون سبب في إسلامهم وخروجهم

جزاك الله كل خير، وسبحان الله انا عندي تجربة في هذا الموضوع، اثناء الرقية تخاطب العارض اللي فيني مع الشيخ، الظاهر انو كان ملازمني من الصغر ورفض يخرج، رحت البيت وكنت حزينة وحسيت بالظلم والقهر، في اليوم التاني قررت اسمع محاضرة عنوانها (عفا الله عما سلف)، بالجد كانت محاضرة حلوة، قررت بعدها انسى الماضي واسامح كل من ظلمني وابدا من جديد، لما رحت الجلسة اللي بعدها صار اللي فيني يبكي، وقال للشيخ انا بطلع وسامحوني، وسبحان الله فعلا طلع، في نهاية الجلسة سالني الشيخ ايه اللي سويتة قبل ما اجي الجلسة، وكلمته عن المحاضرة اللي سمعتها، قال لي سبحان الله هم يسمعون اللي تسمعونه ومنهم اللي يعاند لما تعاندوا ومنهم اللي ضميرة يانبه..... سبحان الله

انصحكم بتنزيل تفسير سورة الفاتحة والجن والرحمن واسمعوا التفسير في الوقت اللي يناسبكم قبل اي رقية، وممكن تنزلوا الرقى اللي بدايتها نصح للجن وتذكيرهم بالله سبحانه وتعالى، والمحاضرات الدينية مفيدة للغاية، انا استفدت منها كثير والحمد لله مواظبه على سماعها

وربنا يكتب الشفاء للجميع

والله أنا جربت بطريقة الدعوه ولكن الله يحرقهم عذبوني ابيهم يتعذبون مثل ماتعذبت

ياعزيزتي حتى الشيوخ يغلطون لكن يفضل انه الواحد مايروح الا لراقي خبرة لإنه مر عليه اشكال وألوان من الحالات والإصابات وعرف وش الصفات العامة المشتركة لهذه الابتلائات وكيف يتعامل مع الجن والشياطين الغير مسلمين وغيره
ياعزيزتي في مثل يقول كل دقة بتعليمة وممكن هذه النقطة مو كثير ينتبه لها وانا صراحة الموضوع هذا منزلته مو انتقادا للشيوخ لانهم خبرة اكثر مني اكيد ولو انه المثل يقول ا سأل مجرب ولاتسأل طبيب
لكن حبيت الفت النظر لنا احنا المبتليات الي نعالج نفسنا وللي توها مستجدة بالموضوع ماعندها خبرة للأمر هذا انه ومو على طول تحط في بالها إنه عشان تطلع البلاء الي فيها على طول تبدأ تحمل وتسمع وتقرأ رقية الحرق؟ لا في امور قبلها والحرق آخر الحلول مو أولها
ربي يشفيك ويشفينا يارب ويعافي المبتلى منا




****************************


وإياك عزيزتي أسأل الله لي ولك ولاختك ولكل مبتلى العافية والشفاء الذي لايغادر سقما

صدقتي حبيبتي وبرضو الشيخ المتمرس والخبرة يعرف متى يستخدم الحرق ؟ اكيد راح يستخدمها بعد مايستنفذ كل الحلول المتاحة
انا من الناس الي عانيت من وانا طفلة عمري 8 سنوات ليومك هذا الي اكتب لك فيه الرد وانواع الاذى مابين سحر وحسد وعين وطبعا السحر ا نواع والشياطين يجوني اشكال والوان وديانات وشخصيات يعني بهدلة مايعلم فيها غير ربك والحمدلله على كل حال

جزاك الله خير والله تجربتك خير برهان على مااقول
انا بعد عندي تجارب مو تجربة وحدة هي الي خلتني أتأكد من الشي هذا واجرنا على الله