عندك بنوتة ..تعالي هنا ملف العناية بشعور بنوتاتنا للعيد نتبادل تجاربنا وخبراتنا ..

قد يحتوي هذا الموضوع على محتوى غير مناسب. عرض الموضوع
السلام عليكم ...


غسلت شعر بنتي ... وجنني ينفش ...
وووووفكرت مابقى شيء على العيد ان شاء الله :time:

حبيت أفتح هالتجمع لبنوتاتنا ..نهتم بشعورهم قبل العيد
ووونحمس بعضنا فيه ..


كل وحدة تقول كم عمر بنتها ..وايش طريقتها لللاهتمام فيه ...وش لاحظت عليه ....


نبدأ على بركة الله ..

129 تعليق 27,412 مشاهدة

شاركي في النقاش

سجلي الدخول لإضافة تعليق.

التعليقات

124
  1. @ltrooozgt_1

    صاحبة الموضوع
    ابدأ انا

    بنتي عمرها 3سنوات ...
    شعرها قليل ويلتوووووي
    اذا جاه ماء ينفش ....مرررررة

    جربت لها المحلب والنارجيل
    من فترة لفترة استخدم لها الحنة ....


    ابغى شيء يكثر الشعر ....طفشني شعرها فيه فراغات ...
  2. @body_byoty

    المحلب يطبخ بعدين يخلط بالحنا ينعم الشعر

    وشحم الحيوان وبالذات الخروف بعد مايذاب طبعا يخلط مع الحنا تغذيه ونعومه

    محبتكم مندوبة سماهر بالرياض ام عبد العزيز
  3. @ghtaryf

    بسم الله انا معاك وودي يسير برنامجنا لبناتنا بشره وشعر وليس شعر فقط
    انا استخدمت انواع زيوت كثيره مع الحنا لبناتي الثلاث بس كل وحده لها نوع شعر مختلف عن الثانيه
    المشكله في الوسطى شعرها ينفش وشعرته ناعمه لكن جافه وتطير كان خفيف مره استخدمت لها زيت وكنت انقع فيه ثوم لما كان عمرها سنتين كثر بس بدا يخشن من الثوم فوقفته لاني حرقته من كثر الثوم وقصيته ولادي مررررررررره واستخدمت خلطة الماسكه والسابله وساق الحمام جيده فقط واخيرا
    استخدمت زيت اللوز والنارجيل والخروع وابضيفله الكيشور مع الحنا طبعا مع الحنا باستمرار احيانا بالاسبوع مرتين واحيانا بالشهر مرتين حسب النفسيه والضغط
    خلال السنتين الماضيه شعر بنتي للآن خشن بس كثر وطال تحت الاكتاف وانا اقصه باستمرار من اسفل بس بسم الله عليها اذا استشورته حللللللو لو ما اقصه كان طال اكثر بس انا ابيه صحي وبناتي الثانيات ما شاء الله شعورهم حلوه وبالعنايه تهبل واعتني فيهم مع اختهم والنتائج معهم احلى لان طبيعة شعورهم اكثر واحلى واتمنى اني فدتك وفدت اخواتي
    اما انا ابي برنامج عنايه معروفه ومعتمده لبشرة بناتي ودي تلق بشراتهم ويجزاها خير اللي بتكتب برنامج بناتها تعبت من الجليسوليد وما شفت فرق
  4. @ltrooozgt_1

    صاحبة الموضوع
    غطاريف

    بالنسبة للجسم انا استخدم لعيالي مجموعة جونسن رووووووعة

    والشعر الحنة مخلصة عندي

    ان شاء الله بشتريه

    انا هالحين نفاااااااااس بطلع الاسبوع الجاي
    ومشغوولة بالتجهيز

    ارجع لبيتي ان شاء الله وووووووواتسنع صح
  5. انا بنتي عمرها ثلاث سنوات نفس نوعية شعر بنتك جافة وينفشششش كان لحد متنهاا واذا نامت وقعدت عينك ماتشوفهاا كدش حتى ابوها يبوز لا شافهاا يقول ليه مافي عناية قلت النعومة من ربك <<< قالت قصة حياتهاا

    المهم ماخليت زيت ماستعملتة لهاا زيت النارجيل مع المحلب ... زيت اللوز والخروع .... زيت دابر املا الاخضر .... الحناء مع الرشااد ......... موية القهوة وكني احطها بالقااع مانفع

    وفكرت وفكرت قلت اكيد البلااا من الشامبوو وغير عن جونسون ونونو بشامبو رخيييص 10 ريال اسمة جهينة مابه مواد كيميائية بالمرة استخدمة لغسيل عباتي ههههههههههههه المهم هجد شعرهااا


    ولا هومعب ابوها بالمررة اخذها للحلاق وقصها سبايكي وارتحت منها ومن كوشتهاا

    هالحين لا سبحتهاا احط لهاا تونيك الفازلين على خفيف او كرستال زيت الحية ويطلع يلمع وشكله حلوو

    رااح كل تعبي بغمضة عين قصه ... بس الشعر المجعد ماله الا القص عشان شكلها يطلع مرتب اذا كانت صغيره بالعمر
    وانا متابعه معكم نفسي اخلي شعرها لحد متنهااا وخاصة انها تحب الرقص وتلفح ياقلبي بالهواا

تابعي تجارب أخرى من هذا القسم.