خووواتي.. انا في مشكله .. واحس باكتئاب...
زوجي ما يبي الخدامه ويبي يسفرها... لانها ما تفهم.. وعقلها صغير كانه عقل ولد عمره سنتين..
بس الصراحه مريحتني في غسيل المواعين وتنظيف البيت..
لان بيتي كبير وعندي عيال صغار اصغر بنت 11 شهر ومتعبتني.. صياااااااااح ودلع يعني ما اقدر اشتغل
ولما اخلي البنت عند الخدامه لازم البنت تتعور لان الخدامه عقلها صغير وما تعرف تتصرف.. عشان كذي زوجي عصب وقال بيسفرها وما يبي خدم.. بس كله بيطيح على راسي .. لانه رافض يجيب خدامه غيرها..
قلت له ما اقدر لين ما يكبروا العيال شوي.. صدق احس اني ما اقدر اوفق بين بيتي وعيالي وزوجي.. خصوصا اللي عياله صغار ومب معتمدين على انفسهم...
ساااااعدوني شو اسوي؟؟؟
شاركي في النقاش
سجلي الدخول لإضافة تعليق.
التعليقات
22- ماتقدرين
اذا تبين تعيشين حياتك حلوه وتقومين وانتي مروقه جيبي شغاله
خصوصا عندك بنت رضيعه
انا في شقه وعندي بنت وولد ابو شهرين وماعندي شغاله وتعبت هلكت ومافي احد يقدر تعبك يبغون كل شي يكون بيرفكت
اذا ماعندك شغاله لابد تقصررين في شي الا اذا كنتي سوبر ومن
اذا عندك بنت كبيره وزوجك حنون ويساعد ممكن لكن غير كذا لا
انا زهقت وجاني اكتئاب نفسي اقوم مروقه بسمالله من اقوم وانا اركض ركض وما انام الا 5 ساعات بس ان شاء الله بجيب شغاله
وادعي لي الله يرزقني الشغاله الصالحه اللي تخاف الله فينا
وترى مو كل الشغالات سيئات انتي ادعي واستخيري والله يكتب لك اللي فيه الخيررر
قلبــــــي معـــــــــاك - الله يعينك
اشري غساله ملابس اتومتيك وكمان غساله مواعين اتومتيك ومنشف حراري وكوايه بخار
مايبقى عليك الا ترتيب البيت واشري المكنسة العجيبة للسيراميك
والله مافي احلى من الرااحة النفسية
بيتك تحت يدك لاسرق وخراب ولا دمار
وبنتك ماشاء الله تعدل نومهاا الحين
لا تشيلين هم بس لو يخليها لمواعين رمضان وبعدها سفريهااا
وربي لتنحفين وتزين نفسيتك من الشغل
وكل شي تعرفينة بيتك وفلوس شغالتك راتبها الشهري حطية بيدك ومتى ماتعبتي اشري من المطعم
هالحين الاجهزة الكهربائية تعوضك عن احسن شغاله - رفع لعيونك
- الله يبعدنا عنهم ويكفينا شرهم
- اذا تبين تعيشين يااختي الشغالات مايجي منهم الا وجع الراس ومااحلى الوحده اذا قامت بشغلها
وخصوصا ان زوجك مايبيها خلاص ماله داعي تخلقين مشاكل بينك وبين زوجك تعودي مدام اولادك صغار
انا والله مالي نيه اجيبها الا علشان وقت ولادتي ماابي اعذب الوالده الله يطول بعمرها بس موقته وبعدها خلاااااااااااااص
احب انا اشتغل ببيتي لاحالي مااحب الشغالات والله من كثر مصايبهم وانتي فكري الله يسخرلك الصالح وتقبلي مروري
ادعي لي الله يرزقني بطفل معافا ويهون ولادتي ....
مواضيع مشابهة
تابعي تجارب أخرى من هذا القسم.