انهرت وحاولت اكسر سياره زوجي
السلام عليكم ورحمه الله بدخل في الموضوع مباشره انا متزوجه من اربع سنوات تقريبا وعندي بنت وولد الله يحفظهم وزوجي غامض جدا احياتا احس اني فاهمته واحيانا احسن انه انسان اول مره اتعامل معاه احبه اكثر من اي شي واغار عليه بجنون بقولكم موقف صار معاي امس انا كنت عند اهلي جلست اسبوعين ويوم قلتله بجلس اسبوعين عند اهلي اهلي بمنطقه ثانيه توقعته مايوافق بس صدمني ووافق على طول الموهم بعد مارجعت فتشت بجواله ولقيته داق على رقم من برا ودقيت على هالرقم لقيته الخط الساخن (المكالمات الجنسيه) ولقيت ارقام دقيت عليهم مغلق واجهته وقال الرقم اللي من برا هم داقين علي ودقيت بشوف من وسكرت على طول وش معنى رقم جواله بس اللي يدقون عليه اكيد انه داق عليهم وبعدين انا مجنون ادق عليهم وبعدين انا مااسمح لك تشكين فيني وكم مره قلتلك لاتفتشين بجوالي عجزت اصدقه هنا يابنات شميت ريحه خيانه احس من عيونه انه يكذب علي يابنات نام وتركني صحيته من النوم الساعه ثلاث الفجر قلتله ودني بيت اهلي وصرت ابكي وقلت اذا ماوديتني بكسر كل شي قالي كسري وسوي اللي تسوين والله يابنات طلعت وصرت ارمي السياره بالحجر ابغاها تتكسر وانا داخل البيت بس الباب مفتوح من حمد ربي مافيه احد الشارع انا والله ماني مصدقه شلون سويت كذا فجااه صرت مجنونه مقدر اتحكم بنفسي جاني قالي بكرا اوديك بس هالحين هدي وصرت ابكي بس والله يابنات ردت فعله عكس اللي توقعت توقعت بيعصب ويزعل من اللي سويته طلع بالعكس مستانس وقام يبوس راسي ويقولي هدي نفسك الموضوع مايستاهل وشوي ويتشقق من الوناسه وقلتله ماراح اهدا حتى تحلف انك ماخنتني وصار يقول المفروض تثقين فيني وماتحلفيني واصريت الا يحلف عالمصحف وحلف بس عجزت ارتاح عجزت ارتاح اقسى شعور لما تحسين بخيانه الزوج وانا ماعندي دليل وماادري شلون اتاكد هالحين رجعت المياه لمجاريها بس عجزت ارتاح نفسي اخليه انسان عادي علشان لاسمح الله وجاء منه موقف مانهار ويصير فيني مثل مااصار فيني امس