ما تأثيرك في الدعوة ؟

جزاك الله خير

جزاك ربي الجنة ولا حرمك الأجر وجعلنا وإياك ممن يحملون هم الدعوة وأثابك المولى يالغلا
وربي يحفظك ويثبتنا الله وإياك والمسلمين أجمعين على الحق ويعيننا على طاعته آمين ..
من جد موضوع في غاية الأهمية ,,
اسمحيلي يالغلا بنقله لبعض المنتديات
وكذلك أبغى أسألك سؤال ماشاءالله تبارك الله واضح عليك من ذوات الهمة العالية في الدعوة
كيف اجعل همتي دايم عالية في الدعوة ؟
كيف أدعو الناس وخصوصا أقرب الناس أهلي أخواني أخواتي صديقاتي ؟؟<< لأنهم مايعطوني مجال علطووول خلاص عارفين انه هذا الشيء كذا
مما يحبط همتي ..<< أنا أعرف المثل الأعلى سيد البشر وخيرهم رسولنا الكريم تعرض لأكثر من ذلك
تدرين مرة وحدة من البنات قالتلي ترى أسلوبك أبد أبد مو دعوة منفر ماتصلحين بالدعوة ومن يومها كل ماجيت بدعي أحد أتذكر كلامها أحسه رسخ في عقلي ..
تدرين ليش قالت كذا ..؟
اللي حصل ياطويلة العمر جابت وحدة من البنات كتاب رواية واعطته لوحدة من صديقاتي عاد أنا كنت متضايقة حدي من هالروايات قلت للبنت شفتي لو أنك جايبة كتاب لشيخ محمد العريفي أو أي كتاب مفيد بدال هالرواية اللي مامنها فايدة ويوم توقفين يوم القيامة مستغربة من حسناتك وتسألين ويقولون انها من الكتاب الفلاني اللي ذاك اليوم وش قد بتفرحين ... على هالحسنات طبعا قلتها ومبتسمة شوي
ضحكت البنت شوي وقامت صديقتي تقولي ترى ماتنفعين أبد وماأدري وشو شفتي كيف فاجأتي البنت
رغم ان صديقتي مرة أقول تنصحني ومرة ماأدري ايش بالضبط ؟؟؟<<بس لازم نحسن النية
آسفة يالغلا طولت عليك بس كنت بحطك بالصورة لأني بجد محتاجة أحد مثلك ينهض همتي للدعوة
طيب سؤال أخير وش الكتب اللي تساعد على الدعوة رغم أني ماأحب القرآة أبد لو بمسك نفسي وبقرأ أقرا 3 صفحات وخلاص وعليها تمر شهور ولا أرجع للكتاب
حاولت كم مرة أني أقرأ مافاد ماادري ليش .؟؟ أقرأ في النت ولا أقرا كتب
ايه أبغى كمان مواقع حلوة ومفيدة للدعوة ؟؟
وآسفة حبيبتي والله عارفة أدوشت رأسك من كثر الهرج أكرر آسفي
أنتظرك يالغلا وربي يجزاك كل خير ويوفقنا وإياك لما فيه الخير والصلاح يارب

بارك الله فيكم
وجعلنا واياكم ممن يسعى لخدمة هذا الدين بماله ونفسة وكل مايقدر عليه

زادني الله واياكم علما ونورا وهدى