حلو الحمام المغربي جدا حلو
بس يا بنات ترى والله حرام
اولا ما يجوز شرعا وكلنا نعرف هالشيء لانه انتِ مو مضطرة لمرض او غيره عشان تنكشفي قدام واحده حتى لو كانت مؤدبة وغيره الموضوع بحد ذاته حرام (وما بني على باطل فهو باطل) وربنا مستحيل يبارك في شيء فيه حرام يعني يمكن هالشي بسبب انه حرام بدل ما يفيدك يضرك بعد فترة كعقاب من ربنا على التعري حتى لو عليكِ شورت
وحتى في حديث عن النبي صلى الله عليه وسلم ما اذكره بنصه لكن بما معناه انه الواحده ما يجوز تغير ثيابها وتشيلهم في غير منزلها
ثاني شيء بلاش طيب الحرام وما حرام
لكن هل تضمنين مافي كاميرات تصوير تخلي نفسك يصورونك ومافي اي مكان في الدنيا مأمون تخيلي بعد فترة لقيتي صورك على البلوتوث تنتشر!!!! بتكون كارثه
صدقوني انا مو ملتزمه دينيا لكن في حدود الواحد ما يتعداهاااااااا يعني في حدود لازم الواحد يفكر فيها الف مره
ثم انه بالسعوديه الحمام المغربي مبالغ بالسعر فيها كثير بالامارات ارخص بكثير صراحه نصب صراحه هالاسعار بالامارات في ارخص بالف مره من كذا
وبهالسعر جيبي الادوات كلها والصابون والطين وما يكلفك قيمة حمام مغربي واحد وبخري الحمام بماي حار وسكري الباب او جيبي جهاز السونا وسوي نفس الخطوات وبالنسبة لظهرك هو المكان الوحيد اللي ما تقدر الواحده توصله نادي زوجك وخليه يفرك ظهرك لك ومافيها شيء انا دايم افرك لزوجي وزوجي يفرك لي ودايم اسوي حمام مغربي بحمام شقتي :)
واذا مو متزوجه البسي شورت طويل وغطي صدرك من قدام ونادي لاختك او امك تفرك لك ظهرك عشان هو المكان الوحيد اللي ما تقدر الواحده توصله صح او جيبي الليفه الطويله اللي لها حبلين من الجهتين وافركي ظهرك او بالفرشايه الطويله وافركي زين
واسفه اني دخلت غير بالموضوع بس والله من خوفي على اخواتي في الله
وهي نصيحة تقدرون تاخذون فيها او تقلبون عن ردي
والله يهدينا جميعا للخير ويبعد عنا الضر والغلط
جربت الحمام المغربي عند اوباجي
متابعة النقاش، صفحة 4