:44: كنت متررده جدا جدا اكتب مشكلتي العويصه
راح اعطيكم نبذه مختصره عنها لاني مافضل اخش بالتفاصيل :44: اتالم وانا اكتب
ابوي يابنات انسان غريب عجيب مايحبنا نكلم احد او يصير بينا وبين احد علاقه
قطع علاقته بخوالي وعمامي مالنا احد حتى اذا احد من جيرانا عزمنا مايرضى نروح يقول اجلسو ببيتكم
مره حضرنا زواج وجانا الساعه 11.30 مالنا الا ساعه داخلين يقول ماله داعي السوالف والجلسه والمشكله الجواز لوحده من صاحبات ماما
مانطلع كثير من البيت واذا طلعنا بالحسره والمنه طبعا رافض يجيب لنا سواق والسواقه عندنا ممنوعه
لما فكرت ادخل تحفيظ قران رفضوا يقولون احفظي بالبيت انا يابنات طفشت ابي اشوف العالم كل شي ممنوع
وحتى الوظيفه لما اقدم اشوف تعجبهم او لا مالنا اي شخصيه هو الي يقرر وحنا ننفذ
ماعندهم اهلي بشكل عام الا التحطيم اذا تفائلت قالوا بلا خرابيط واحلام خلك واقعيه
ذاحين شريت كتب وبديت اقرا وهات ياتعليقات من وين نزلت الثقافه عليك
بنات تعبت المشكله ان مشكلتي من اغلى الناس علي كيف راح اثق بالبشر اذا كدا ابوي
حتى زواج رفض يزوجني بحكم خواتي اكبر مني ماتزوجوا المشكله ينخطبون خواتي بس يرفضون وناس اكفاء
انا ايش ذنبي الحمد الله على كل حال لكن صدري ضايق ومخنوقه
واختي الكبيره طويله لسان ومره تكلمت علي كلام مو كويس تقول اني قليله ادب وصايعه ولما قلت لها ايش شفتي مني قالت قلتها لان غيره انك تنخطبي وحبيت اشوه سمعتك عشان ماتتزوجي
مشكلتي مشكله يابنات ادعوا لي ان ربي يفرج همي وربي همي كبير
واذا في وحده بتتريق علي ماراح ادعي عليها
لكن بقولها مايحس بالنار الا واطيها
ولاحول ولاقوه الابالله
شاركي في النقاش
سجلي الدخول لإضافة تعليق.
التعليقات
20- :44::44::44:
- مااشوفها مشكلة ابوك يخاف عليكم بزيادة واغلب الاباء نفس الشيء طيب لية اخواتك مااشتكوا؟؟؟
ليه أنتِ بالذات؟؟
عموما هذا قدرك ...تحملي ولاتحسسين نفسك انك مكبوتة او ناقصك شيء علشان ماتتجهين لامور
يزينها الشيطان لك
ارضي بواقعك وحياتك عيشيها بالطول والعرض بس بإطار والدك هو اللي يحددة...
اهم شيء لاتعصينة واذا جلستي معاه حاورية بهدوء واذا الحوار مانفع انسي الموضوع - الله يعينك
- الله يعينك ويسهل امورك
- ترى والله اغلب الاباء فيهم حنيه خصوصا على البنات
اقتربي منه و قوليله سم ولبيه يبه و دائما روحي عنده
قولي يبه محتاج شي تبيني اخدمك بشي وحبي على راسه
كل مايجي ...صدقيني اي طلب راح تطلبيه منه ان شاء الله يوافق
ترى كبار السن يحب اللي يراعيه دائما ...
مواضيع مشابهة
تابعي تجارب أخرى من هذا القسم.