السلام عليكم ..
شحالكن شخباركن ؟؟
أنا عندي خواتي الصغار وحده عمرها 3 و نص والثانيه 7 سنوات ..
شعورهن خشنه واااايد فقلت خلني أهتم بشعورهن ..
وطبعا يلست أحوووس فقسم الشعر لين ما رسييت على بر الامان والحمد لله ..
حصلت خلطه عجبتني وااايد فقلت لازم أجربها ..
والله ماذكر البنت اللي حطتها الله يجزيها ألف ألف خير .. كانت ناقلتنها من منتدى ثاني
والنتيجه كانت روووووووووووعه ماشاء الله تبارك الله ،، نعووومه من أول مرة كيف لو استمريت عليه !!
هيه يا حريم دخيلكم أذكرو الله ترى العين حق
واللي تعطي عين تُعتبر من الحساد والأهم أنها تأثم وحسناتها كلها تروح
والله يابنات سارت لعبت فالحر كرة قدم تعرفون جونا طبعا مووووووت
رجعت شعرها هب مثل كل مرة نافش ، بس كمن شعره طايرة ماشاء الله ..
ومقادير الخلطه :
1م حلبه مطحونه
1م سدر
1م كمون
1م قرفه مطحونه
1م مايونيز
1م زبده
1م خميره
فنجان زيت ( أي زيت أنا حطيت زيت عافيه )
الطريقه :
1. أول شي جيبي الحلبه و حطيها فقدر على نار هادئه مع كوب ماء لمده 10 دقائق
2. بعد ما تنتهي المده حطي الخميرة وهو حار وخليه يبرد
3. وعقب تعالي حطي الزيت و الزبده والمايونيز و السدر والقرفه والكمون
4. حطيها فالخلاط وحطيها على الشعر ولفيها بنايلون لمده ساعتين الى ثلاث
طبعا أنا قررت اني أستمر عليها مع خلطه حنا ***** الله بجربها اليوم وبخبركم
والله يابنات جربوها رهيبه ، نعوووومه من أول مرة
في أمان الله
عندك بنوتة ..تعالي هنا ملف العناية بشعور بنوتاتنا للعيد نتبادل تجاربنا وخبراتنا ..
متابعة النقاش، صفحة 10