أيام وليالي زاحفة إلينا بين ثناياها إشراقات
فأيامه بركات ..؛ ولياليه ركعات
وساعاته دعوات
وقرآن وصيام وصلوات
[إنه رمضان]
بلغك الله هذا الشهر
وأجرى فيه حسناتك ~مجرى النهر
وأسعدك .. وفرج كربك مدى الدهر
بالبداية احب اقول لكل اخواتي في عالم حواء كل عام وانتم بخير ومبارك عليكم الشهر ...
طبعا من العنوان واضح موضوعي انا زوجي يدوام في رمضان لان دوامه شفتات وتجي اوقات يصادف الدوام وقت الفطور .
ومسوين دورية فطور علية وعلى اخوياة وتعرفون الحوسة وخصوصا اذا صار الفطور مو بالبيت يعني كل شي لازم سفري وحوسة وتغليف وانا لوحدي ماعندي احد يساعدني
وهم مجموعة يعني فوق العشرة ماشاء الله
وابغى منكم بعض الاكلات والطبخات اللي يقدر ياخذة معة الدوام لان بعض الشغلات تنكب بالسيارة وتخرب قبل لايوصل وخصوصا انة احنا ساكنيين في الدورالثاني يعني معاناه :09: واحنا ننزل الاكل
واذا فية افكار حلوة تنفعني واكلات وحلويات اسويها قبلها بيوم بس اهم شي ماتسيح ولاتنكب لاني دايم اتعب بس يخرب الشكل على ماتوصلهم
اتمنى تكونوا فهمتوا علي واللي عندها اي اضافة اوفكرة تساعدني غير المعجنات والسمبوسة والشوربة
وخلونا نستفيد من افكار بعض يمكن فية كثير ازواجهم يدوامون ومحتاجين افكار ..
والله لايحرمنا اجر افطار صائم ان شاء الله وان شاء الله كل وحدة تساعدني لها الاجر باذن الله
وكل عام وانتم بخير