اللي زوجها يداوم في رمضان وياخذ معه فطور للدوام تدخل هنا الله يجزاها خير











أيام وليالي زاحفة إلينا بين ثناياها إشراقات
فأيامه بركات ..؛ ولياليه ركعات
وساعاته دعوات
وقرآن وصيام وصلوات
[إنه رمضان]
بلغك الله هذا الشهر
وأجرى فيه حسناتك ~مجرى النهر
وأسعدك .. وفرج كربك مدى الدهر



بالبداية احب اقول لكل اخواتي في عالم حواء كل عام وانتم بخير ومبارك عليكم الشهر ...



طبعا من العنوان واضح موضوعي انا زوجي يدوام في رمضان لان دوامه شفتات وتجي اوقات يصادف الدوام وقت الفطور .

ومسوين دورية فطور علية وعلى اخوياة وتعرفون الحوسة وخصوصا اذا صار الفطور مو بالبيت يعني كل شي لازم سفري وحوسة وتغليف وانا لوحدي ماعندي احد يساعدني


وهم مجموعة يعني فوق العشرة ماشاء الله


وابغى منكم بعض الاكلات والطبخات اللي يقدر ياخذة معة الدوام لان بعض الشغلات تنكب بالسيارة وتخرب قبل لايوصل وخصوصا انة احنا ساكنيين في الدورالثاني يعني معاناه :09: واحنا ننزل الاكل


واذا فية افكار حلوة تنفعني واكلات وحلويات اسويها قبلها بيوم بس اهم شي ماتسيح ولاتنكب لاني دايم اتعب بس يخرب الشكل على ماتوصلهم


اتمنى تكونوا فهمتوا علي واللي عندها اي اضافة اوفكرة تساعدني غير المعجنات والسمبوسة والشوربة

وخلونا نستفيد من افكار بعض يمكن فية كثير ازواجهم يدوامون ومحتاجين افكار ..



والله لايحرمنا اجر افطار صائم ان شاء الله وان شاء الله كل وحدة تساعدني لها الاجر باذن الله




وكل عام وانتم بخير

18 تعليق 10,751 مشاهدة

شاركي في النقاش

سجلي الدخول لإضافة تعليق.

التعليقات

18
  1. @nor_ody

    الشوربة والجريش حطيها بالحافظات
    وخليه يحطها بالسيارة تحت عند الرجلين
    ولايسرع عشان مايمسك فجأه وينكب الاكل

    اما الحلويات سويها بصحن واحد واعطيه صحون بلاستيك
    اذا وصل يقطعها ويوزعها

    اما السمبوسة والكبة كمان رتبيها وغلفيها مثل المحلات
    وتقعد مرتبة لما يوصل ويفكها ان شاء الله
  2. @rawiah_1

    انا فكرت اسوي له حلا العلب اسهل واحسن
    واحط الشوربه في حافظه واحط قصدير بعدين اغطيها

    واسوي معجنات
    ورولات التوست وانصاف القمر الاصابع وسبرنغ رول

    والله اني اشيل هم بس ربي يكتب لنا الاجر
  3. @am_naanaa

    مثل ماقالت الاخت سوي ملوخيه وحطيها في حافضه وسوي رز ابيض وحطيه في حافضه
    سوي بسبوسه وقطعيها صغير ورتبيها في صحن التقديم وغلفيها وسوي صينية مكرونه بالباشميل وقصدريها وهما بعدين يقطعونها سوي صحن تبوله او فتوش
  4. تسلمين اختي موضوعك حلو انا زوجي كمان يجلس يوم كامل بالشغل ولازم يجيه ايام انا اسوي لهم الفطور
    شوربه وثريد صينيه التوست والحلا اذا فيه جالكسي وحوسه ياخذه في حافظه فيها ثلج واذا وصل يوزعه
    وسمبوسه بالبيض والجبن واللحم وبسسسسسسس
  5. @lazlt_athkrhm

    عندي لك فكره المعجنا صفيها بتبسي زي حق الذبايح يجي صغير
    شكلها حلوة وفخمه والرجال يوزعونها بكيفهم في الصحون

    أو هاتي لك كرتونه وصحون بلاستيك
    وحطي في كل صحن أنوع المعجنات اللي مسويتها وغلفيها بسلوفان ثم الكرتون أسهل وأرتب لك ولهم


    الحلويات فيه علبه صغيره أشكال وألوان طايحن فيها هاليومين برضو صلحيها في علب وفي كرتونه

    لاتتتعبين نفسك الرجال مو زينا يحبون البساطه ^^


    الله يسهل أمرك

تابعي تجارب أخرى من هذا القسم.