حبوبة والله ماادري ايش اقولك
ولااعرف ايش هي تفاصيل مشكلتك والا كان بودي اساعدك
لكن اللي عرفته ان اغلب مشاكل مع زوجك بسبب اجتماع خواته وبناتهم ببيتكم اللي هو بيت اهله
شوفي يالطيبه اني اعطيك امل ان الوضع يتغير ويخروجون من البيت او تخف زياراتهم واعطيكم من هالكلام الحلو
اللي يخدر المشاعر ويسكن المشكلة مؤقتآ احس إني لو قلت لك كذا بكون لئيمة معاك ومانصحتك بصدق وامانه
مساله اصبري وطولي بالك وطنشي ومن هالكلام اللي نسمعه من الناس هذا بعد مو حل
طيب الى متى نصبر ..؟؟اللين يصيبنا ضغط وسكر وامراض نفسيه من كثرت الكبت والقهر
اللين يصيبنا انهيار عصبي والا تجينا جلطات ؟؟ وساعتها محد بينفعنا ولااحد بيقول والله من كثر ماذاقت ..؟؟
حبوبة حطي عقلك براسك ووقفي عن السلبيه ووفكري بعقلك مش بعواطفك
عواطفك الان هي اللي تحكمك وهي اللي مخليتك بمظهر الضعف هذا والانكسار
والا لو كنتي تحكمين عقلك ماتخلين مشاكلك مع الناس تخرب بينك وبين زوجك
الا زوجك مايقربووووووووووووووونه مهما وصلت المواصيل بينكم زوجك لايظهر له شيء
حتى لو هم اشتكوا له ودخلوه بالسوالف حاولي تظهرين معاه بمظهر طيب
لايحدونك الحريم عالغلط معاه ولايطلعونك من طورك وتخسرين زوجك
بالعكس اظهري معاه بمظهر البراءة والطيبه واظهري له الضعف مش القوه
حتى لو هم الغلطانين ترى المعادله هنا صعبه ومالها حل
لان خصمك اهله مو احد غريب ..
تحاشيهم يالغلا خير شر
اجتماعهم ببساطه لاتحضرينه
تعمدي تخرجين من البيت في يوم جمعتهم لشيء يسليك ويشغلك ..
ولاتظهرين لزوجك ان هذي نيتك ..
خليها وكانها شيء بالصدفه ومومرتب له ..
ولو ماحصل لك خرجه ..أجلسي بغرفتك ..ولاتطلعين ..
ولاتعتذرين عن خروجك ولاشيء ..أنتي حره ببيتك ..
سلمي وادخلي غرفتك ..وبس ..بدون إعتذار ولاشيء ..
لاتظهرين لهم إنك غايبه عن جمعتهم ..لأنك مريضه والا مشغولة ..
لأ عادي خلهم يحسون أنك موراغبه تجلسين معاهم ..ومالك مزاج ..
ولو تكلموا أو تشرهوا ..أو أرسلوا زوجك ..قولي له ..أبدآ بس كنت تعبانه ..
لأنه لو بتشرحين له من هنا للسنه الجايه ليش ماطلعتي لهم ماراح يفهمك ..
مسالة تناقشيهم او تتفاهمين معاهم او حتى تطنشيهم ماراح تجيب نتيجة
لكن خروجك من حياتهم هو الحل الامثل
لايدرون ايش سبب ابتعادك حتى لو سالوك اظهري ان الموضوع مجرد صدفه
وهم بنفس الوقت لايفرحون بحضورك وبشوفتك
تواجدك معاهم وانتم غير متوافقين بالطباع ومابينكم تفاهم ولااحترام هذا مدعاه ان المشاكل تكبر بينكم
وموكل مره تسلم الجره والضحيه الاكبر انتي وعيالك
سالفة انهم يطلبون من زوجكبكيفه دام هو راضي بالطقااااااااااااااااااق
ولاتناقشينه بهذا الموضوع ولاتكلمينه متى ماطفش منهم هو راح يتكلم
والله لو يخلونه سواق لهم وصرافه لاتقولين له ليش
خليييييييييييه ومصيره يتعب ويمل
وانتي خذي حقك كامل منه ولاتقصرين على نفسك والباقي ماعليك منه
عيشي معاهم ببيتهم بجسدك فقط
اما عقلك وحياتك وروحك خليها مع عيالك ونفسك ومجتمعك الخاص
كوني لك علاقات بعيده عن وسطهم وبيئتهم
( زوجات اصدقاء زوجك ..صديقات ..جيران ..قرايبك )
اشغلي نفسك عنهم يالغلا وصدقيني بتقولين حره قالت لي
المهم لاتعيدين وتزيدين بالماضي
ولاتنشين المشاكل القديمه وقفلي على كل اللي صار ,,
وحسسي زوجك بهالشيء وابدأي باظهار النيه الطيبه له واثبتي له بالافعال
انك مستعده تفتحين صفحه جديده مع اهله وسايسيه للآخر ..وأن رضاه عندك أهم من كل شيء ..,
وأنك مستعده تسوين كل شيء يرضيه ..ولأجل خاطره وعيونك مستعده تتحملين كل شيء ..
الرجال ياقلبي مايجي الا باسلوب الإستعطااااااااااااف ..والإنكسار ..
أما النقاش والأخذ والعطا ..مايجيب معاه الا وجع الراس ..
لأنه مايفهم الا هذول أهلي لاتغلطين عليهم ..
وصدقيني المكسب الوحيد هو حبك لزوجك وحبه لك وسعادتك معاه
يشهد ربي خراب بيتي من ايديهم
متابعة النقاش، صفحة 20