شاركي في النقاش

سجلي الدخول لإضافة تعليق.

التعليقات

183
  1. @alhmdllh_4

    حبوبة والله ماادري ايش اقولك

    ولااعرف ايش هي تفاصيل مشكلتك والا كان بودي اساعدك

    لكن اللي عرفته ان اغلب مشاكل مع زوجك بسبب اجتماع خواته وبناتهم ببيتكم اللي هو بيت اهله

    شوفي يالطيبه اني اعطيك امل ان الوضع يتغير ويخروجون من البيت او تخف زياراتهم واعطيكم من هالكلام الحلو

    اللي يخدر المشاعر ويسكن المشكلة مؤقتآ احس إني لو قلت لك كذا بكون لئيمة معاك ومانصحتك بصدق وامانه

    مساله اصبري وطولي بالك وطنشي ومن هالكلام اللي نسمعه من الناس هذا بعد مو حل

    طيب الى متى نصبر ..؟؟اللين يصيبنا ضغط وسكر وامراض نفسيه من كثرت الكبت والقهر

    اللين يصيبنا انهيار عصبي والا تجينا جلطات ؟؟ وساعتها محد بينفعنا ولااحد بيقول والله من كثر ماذاقت ..؟؟


    حبوبة حطي عقلك براسك ووقفي عن السلبيه ووفكري بعقلك مش بعواطفك

    عواطفك الان هي اللي تحكمك وهي اللي مخليتك بمظهر الضعف هذا والانكسار

    والا لو كنتي تحكمين عقلك ماتخلين مشاكلك مع الناس تخرب بينك وبين زوجك

    الا زوجك مايقربووووووووووووووونه مهما وصلت المواصيل بينكم زوجك لايظهر له شيء

    حتى لو هم اشتكوا له ودخلوه بالسوالف حاولي تظهرين معاه بمظهر طيب

    لايحدونك الحريم عالغلط معاه ولايطلعونك من طورك وتخسرين زوجك

    بالعكس اظهري معاه بمظهر البراءة والطيبه واظهري له الضعف مش القوه

    حتى لو هم الغلطانين ترى المعادله هنا صعبه ومالها حل

    لان خصمك اهله مو احد غريب ..

    تحاشيهم يالغلا خير شر

    اجتماعهم ببساطه لاتحضرينه

    تعمدي تخرجين من البيت في يوم جمعتهم لشيء يسليك ويشغلك ..

    ولاتظهرين لزوجك ان هذي نيتك ..

    خليها وكانها شيء بالصدفه ومومرتب له ..

    ولو ماحصل لك خرجه ..أجلسي بغرفتك ..ولاتطلعين ..

    ولاتعتذرين عن خروجك ولاشيء ..أنتي حره ببيتك ..

    سلمي وادخلي غرفتك ..وبس ..بدون إعتذار ولاشيء ..

    لاتظهرين لهم إنك غايبه عن جمعتهم ..لأنك مريضه والا مشغولة ..

    لأ عادي خلهم يحسون أنك موراغبه تجلسين معاهم ..ومالك مزاج ..

    ولو تكلموا أو تشرهوا ..أو أرسلوا زوجك ..قولي له ..أبدآ بس كنت تعبانه ..

    لأنه لو بتشرحين له من هنا للسنه الجايه ليش ماطلعتي لهم ماراح يفهمك ..

    مسالة تناقشيهم او تتفاهمين معاهم او حتى تطنشيهم ماراح تجيب نتيجة

    لكن خروجك من حياتهم هو الحل الامثل

    لايدرون ايش سبب ابتعادك حتى لو سالوك اظهري ان الموضوع مجرد صدفه

    وهم بنفس الوقت لايفرحون بحضورك وبشوفتك

    تواجدك معاهم وانتم غير متوافقين بالطباع ومابينكم تفاهم ولااحترام هذا مدعاه ان المشاكل تكبر بينكم

    وموكل مره تسلم الجره والضحيه الاكبر انتي وعيالك

    سالفة انهم يطلبون من زوجكبكيفه دام هو راضي بالطقااااااااااااااااااق


    ولاتناقشينه بهذا الموضوع ولاتكلمينه متى ماطفش منهم هو راح يتكلم


    والله لو يخلونه سواق لهم وصرافه لاتقولين له ليش

    خليييييييييييه ومصيره يتعب ويمل

    وانتي خذي حقك كامل منه ولاتقصرين على نفسك والباقي ماعليك منه

    عيشي معاهم ببيتهم بجسدك فقط

    اما عقلك وحياتك وروحك خليها مع عيالك ونفسك ومجتمعك الخاص

    كوني لك علاقات بعيده عن وسطهم وبيئتهم

    ( زوجات اصدقاء زوجك ..صديقات ..جيران ..قرايبك )


    اشغلي نفسك عنهم يالغلا وصدقيني بتقولين حره قالت لي

    المهم لاتعيدين وتزيدين بالماضي

    ولاتنشين المشاكل القديمه وقفلي على كل اللي صار ,,

    وحسسي زوجك بهالشيء وابدأي باظهار النيه الطيبه له واثبتي له بالافعال

    انك مستعده تفتحين صفحه جديده مع اهله وسايسيه للآخر ..وأن رضاه عندك أهم من كل شيء ..,

    وأنك مستعده تسوين كل شيء يرضيه ..ولأجل خاطره وعيونك مستعده تتحملين كل شيء ..

    الرجال ياقلبي مايجي الا باسلوب الإستعطااااااااااااف ..والإنكسار ..

    أما النقاش والأخذ والعطا ..مايجيب معاه الا وجع الراس ..

    لأنه مايفهم الا هذول أهلي لاتغلطين عليهم ..


    وصدقيني المكسب الوحيد هو حبك لزوجك وحبه لك وسعادتك معاه
  2. صاحبة الموضوع
    @الحمدلله@
    حبوبة والله ماادري ايش اقولك ولااعرف ايش هي تفاصيل مشكلتك والا كان بودي اساعدك لكن اللي عرفته ان اغلب مشاكل مع زوجك بسبب اجتماع خواته وبناتهم ببيتكم اللي هو بيت اهله شوفي يالطيبه اني اعطيك امل ان الوضع يتغير ويخروجون من البيت او ت…
    صادقه ياقلبي

    كل كلامك على راسي

    خاصه اني اكون عنده بمظهر البراءه والطيبه

    هذي نقطه مهمه توي انتبهت لها

    لاني كنت اول مثل الكتاب المفتوح مصدقه ان الزوج صديق ومتفهم

    لكن فعلا مايوقف كيد الحريم الا الكيد

    ومثل ماتفضلتي ماتعرفين تفاصيل حياتي

    قلتي اطلعي من البيت وقت جمعتهم وهم اربعه وعشرين ساعه البيت مفتوح لهم

    يعني انا 24 ساعه برى البيت:(

    مو معقوله اصير مشرده وانا ام اربع اطفال

    ومساله انهم يطلبون منه او يخدمهم

    انا مايضايقني انه يفرج لهم وش بنحصل الا الدعاء الطيب

    لكن بكل وقت

    بتمشيتنا بروحتنا للسوق في السياره

    بس ماسك الجوال
    يرد على هذي تبي سوالف واخبار
    وهذي زعلانه من زوجها
    والثانيه تبي فلوس
    واللي تقول انا في البيت تعالو نشوفكم وجيبو معكم عشاء

    اقسم بربي كرهت الطلعات بسبتهم
    وفوق هذا كله يتكلم بالالغاز معاهم لاني غريبه مايبي اسمع او افهم شي


    يعني مثل الاطرش في الزفه
    شي يجيب الهم والشيب

    حتى اذا اجتمعو هم تعودوا اني طيبه ودايم معهم ولو اقصر او ماطلع لهم

    سوى لي زوجي مشكله اطلعي لهم ياانطاوئيه ياغيوره
    احيانا اسلم واصرف نفسي وياليتني افتك
    ادور لي مليوون عذر للصده

    ماصارت حياة ولاعيشه

    الله يفرج لي من عنده وكل مسلمه:44:

تابعي تجارب أخرى من هذا القسم.