يابنات انا اكررررررره الاعمال المنزليه وكسوله جدا جدا ... الخ
والله لو اعلمكم وش اسوي ماتصدقون
متزوجه لي اكثر من سنتين ولا اسوي ذاك الشغل يانت ياتلفزيون يامنسدحه
المكنسه ماعمري مسكتها الا مرات معدوده ماشغلها الا نادرا يمكن طول هالسنتين شغلتها عشر مرات
دايما اعتمد على الخدامه حقت اهلي او اهل زوجي اخلي بيتي حووسه وتجي الخدامه تمسح وتكنس وتنظف
حتى المواعين من تزوجت ماعمري غسلتها اجمعها اسبوع عشره ايام وتجي الخدامه تغسلها اعوذ بالله ماحب اغسلها وش ذا الكسل ياناس
والله تعفن وتطلع ريحتها وانواع الفطريات باول الزواج بعدين تطورت صرت احطها بقدر فيه مويه عشان ماتعفن عشان مانتسمم
حتى زوجي اذا بغى يشرب مويه او شي مايلاقي صحن او كاسه نظيفه
ودايما يقول غسليها واقول طيب ولا اغسلها تى يقول ريحه المطبخ زززباله :(
وغسل الملابس ماغسلها الا مره طبعا ملابس زوجي وغتره بالغسال لكن انا اغسل الملابس الداخليه
ولا ارتبها بالدولاب اخليها بالمنشره لمن يستخدمها كلها
واحيانا يدور فنيله يصير كلها وسخه حتى مره اضطر ياخذ فنيله من االغساله مانغسلت :(
وهو يحب النظافه بس اضطر يلبسها وهو ماخذ بخاطره علي :44:
والدواليب ماهي مرتبه ولا عمري طويت الملابس كلها فوق بعض لمن افتح الدولاب تطيح
ومحوسه يعني مس مافي دولاب للملابس الداخليه ودولاب للشراب لا كلها مع بعض المكياج مع الشراب مع الملابس احيانا الاقي ملعقه بالغلط
الفرن حالته حاله ولو تشوفون صورته تقولون له 30 سنه مو حقت ناس توها متزوجه
والثلاجه حالتها حاله ومعفسه
هذا كله يهون اكثر شي يضاقيني المطبخ اففف
والحمام ماعمري حطيت فيه فلاش الا مره من يوم تزوجنا
عاد الي يشوفني يقول عندي درزن عيال وانا لسى توني
من يووم تزوجت ماعمري سويت له عشاء انام واخليه وهو يطلب معجات او مشويات يوميا العشاء من برا مره قال سويلي اندومي عشاء وسويت وانا معصبه لانه ماطلب لكن ماوضحت له طبعا
الفطور اسوي له سندويش بيض ذبحته فيه اذا بغير سويت جبن
الشي الوحيد الي اسويه غدا ومو دايما ثلاث مرا بالاسبوع
ماعمري سويت بخور بس هو قد قالي كذا مره ولا لو ماقالي ماسويت
هو يحب الترتيب والنظافه وطفش مني واحسه يتضايق بس مايبين لي
الحين راح ينام وقلت له بنظف المطبخ ضحك وقال سمعتها كثير ولا عمري شفتك منظفته
والحين دخلت النت وخليت المطبخ وشكلي بنام ومانظفته كالعاده فيه صحون لها كذا يوم مانغسلت
شجعوني ابي اصير نظيفه وسنعه
اذا بيعزم احد قلت له اعزمه بمطعم مو عندي عشان ماتعب واحط العشاء < كسوله مره
ساعدووووووووني
الموضوع مغلق