شاركي في النقاش

سجلي الدخول لإضافة تعليق.

التعليقات

212
  1. @bh_or

    انا سويت الربط بعد ثلاث شهور ونص والعمليه سهله جدا ولا تخافي من الم ولا من اي شي
    بس راح تحسي بألم خفيف اذا بغيتي تجلسين لأن شي جديد عليك ويمكن على حسب ايد الدكتوره انا عن نفسي سويتها بالمستشفى السعودي البريطاني عند دكتوره اسمها فايزه المطري استشاريه هناك وشششاطره وحبوبه بعد
    ومن ناحيت المويات انا خفت منها لأنها صارت تنزل مني كثثير وترطبني بعد ولما رحت سوت لي تحليل للمويه وقالت انها مو من مويت الجنين الحمد لله
    ومن ناحيت الراحه لازم ترتاحي ع الاخر لأن انا سوت لي ربط تقليدي يعني ربطين مو ربط واحد لأن كنت بسقط وعندي قصر شديد بعنق الرحم واقولك لا تخااافي ياقلب
    بس انا عندي سؤال..؟
    انا وقت فك الربط تقول لي الدكتوره بتفكه بتخدير كامل لأن الربط قووي بسبب الارتخاء والقصر ابي اعرف وقت فك الربط تقدر الدكتوره تفكه حتى لو ماجاني طلق لأنها تقول بتفكه بعد ما ادخل الشهر التاسع بأسبوع واحد بس وودي تولدني لأن ما اقدر عمليه تخدير كامل ثم ولاده من بكره :(
    ردوا علي يعطيكم العافيه ؟؟؟
  2. بح ـور
    انا سويت الربط بعد ثلاث شهور ونص والعمليه سهله جدا ولا تخافي من الم ولا من اي شي بس راح تحسي بألم خفيف اذا بغيتي تجلسين لأن شي جديد عليك ويمكن على حسب ايد الدكتوره انا عن نفسي سويتها بالمستشفى السعودي البريطاني عند دكتوره اسمها فايزه المطر…
    ايه مو لازم فيك طلق عشان تفكه...خلاص اذا اخذتي من التاسع اسبوع تفكه..
    وممكن تولدين بعدها ع طول او تقعدين الين تخلصين التاسع على حسب..
    انا سويت ربط 3 مرات اول مره ولدت بعد فك الربط باسبوع.
    والمرتين الاخيره فكيت الربط وخلصت التاسع وماولدت الا بطلق..

    الله يتمم لك ويهون عليك يارب..:26:
  3. السلام عليكم ورحمة الله

    انا عملت الربط في الاسبوع 12 وثلاث ايام لاني اعاني من ضعف بعنق الرحم واجهضت قبلها على الشهر الخامس

    عملتها عند الدكتوره محاسن محجوب بسعد والحمد لله على كل حال
    دخلت المستشفى الفجر على الساعه 5 وعملتها على الساعه 10 وفوقت من البنج على 12 تقريبا العمليه سهله ماخذت وقت بس البنج والافاااقه هو اللي طول


    بعد العمليه جاني نزيف شوووي اول مارحت الحمام وانتم بكرامه بس بعدها ولله الحمد وقف وسالت الدكتوره قالت عادي هذا دم العمليه نفسها

    وبعدين اخذت يوم تنزل على دم خفيف وبعدين وقف والحمد لله

    وموعدي بعد اسبوع طبعا عشان الربط وعشان ابرة التثبيت
  4. @aamalbdr

    مرحبا انا سويت عملية ربط لان عندي قصر في عنق الرحم وكنت حامل بتوأم والسبب اللي اكتشفت الدكتورة ان كانت عندي ولادة مبكره في اربع شهور ونص في حملي الاول ولما حملت مره ثانيه على طول كشفت لي عنق الرحم .. العملية زي ماشرحوا لك البنات يوم واحد في المستشفى وبعدها على طول البيت نوم في السرير انا ظليت على هالحال لين الولادة في بيت اهلي وعطوني اجازة مرضية عن الدوام فترة الحمل وكنت اتعب من الجلسة كثير واما سالفة الحمام وانت بكرامة حدث ولاحرج على نقطة دايم تحسين بإمتلاء حتى لو المثانة فاضية .. وعدت شهور حملي وان قلق وخوف لين انفتح عندي كيس الماي في نهاية الثامن وصارت عندي ولادة مبكره بس الحمد لله على كل حال الله اكرمني وعوضني بتوأم بنات ماشاء الله تبارك الله .. عشان كذا عندي فكرة الحمل متعبه لو اني افكر فيها من طول المدة لاني كنت اعد الايام يوم يوم .. بس الحمد لله لااعتراض على قضاء الله ..

تابعي تجارب أخرى من هذا القسم.