الله لايحرمكم الاجر بنات محتاجتكم ضروري

انتي اخذتي مبلغ كبير علي قولتك
وتحملتي مسؤليه الطباخ وهم معتمدين عليك
حرام تعطينهم اكل بايت المفروض زي ماتطبخين لكم
ولاولادك تسوين كميه كبيره وترسلين لهم الاكل مع اللموزين
او السواق قبل الافطار بساعه
يعني ممكن محاشي وكبسات وفطاير ويخنات وصالونات
وحتي حلويات لانهم صايمين ونفسهم في كل هلشغلات زيهم زي الكل
الله يوفقك ويعطيك علي قد نيتك

الله يساعدك عزيزتي ..
تحياتي ..

الله لايحرمك الاجر حبيبتي
انا من رايي تشترين سبرنج رول وتزيننه بحشوة الدجاج وشوفي هايبر بنده والعثيم عنده عرض على السبرينج رول تبع السنبله
تشتري اربعه يجي وحده معهم ويجون بكرتون مع بعض خوذي لك اكثر من كرتون وزيني لك حشوة دجاج وحشيها وفرزنيها

ايضا كبة التوست مره سهله
وكذلك الي اشوفه اذا انت مزنوقه كحل انك تروحي لمحل مخابز مشهور عندكم يكون نظيف وتاخذي منه اشياء تفرزن لان بعض المخابز يكون عندها كذا مثل اقماع بوريك سبرنج رول كبة وقسميها على ايام بكذا تكونين اختصرت لان الوقت ضيق

كذلك اذا تبي تزينين مثلثات السميد وتفرزينها

الشوربات نوعي مره شوربه عدس مره شوفان

صحيح الوقت ضيق لكن صدقيني مادام انك احتسبت الاجر ربي راح يعينيك واعطيك نصيحه تساعدك وتخفف عنك اكثري من قول لاحول ولاقوة الا بالله فهي تحمل الاثقال وانتي تشتغلين اكثري من قول سبحان الله والحمدلله ولا اله الا الله والله اكبر له مفعول عجيب


واذا جيت تنامين لاتنسين التسبيح 33 والتحميد 33والتكبير 34
تغنيك عن خادم كما اوصى الحبيب صلى الله عليه وسلم ابنته

والله اقولك هالاشياء وانا محتاجتها وانسى اسويها لكن الان تذكرت حبيت اذكرك


الله يعينك وييسر امرك