ملف استشارة يوميه ...4

صباح الخيرات وحشتوني والله رمضان كريم يا حلوين


حنان

حمد الله على السلامة يا جميل عود أحمد ومحمود وحامد كمان

المحاشي كلها عادي اعمليها بالأسبوع في التلاجة وسوي بعد كده بس بشرط ما يجيش عليها مية خالص مالص





انا شفتها في منتدى تاني بتتباع ب 250 جنيه بس في واحدة كانت بتقول انها بتعمل صغير مش كبير زي بتاع الراجل يعني

المهم بقى ما قلتكمش اني رحت المنيل على عينه كارفور يوم الجمعة ويا ريتني ما رحت

الأسعار غالية زي برة
الناس بقى زي ما تكونوا طلقتوهم بمدفع رشاش كنت رايحة الساعة 12 بالليل وفاكرة مفيش حد وهاجيب اللي عاوزاه براحتي

قطيعة ما حدش يقول كده في مصر تاني ابدا

لو كانوا بيوزعوا الحاجة ببلاش والله ما كانت الناس عملت كده ايه ده

أرفف بحالها فاضية ممسوحة زي ما يكون اعصار عدى على المكان وشفط الحاجة كلها

المهم جبت نص اللي عاوزاه ومشيت

بس باقول لكم بقى اكتشفت محل جزارة حلو قوي واسعاره حلوة

يعني بيبيع الدوش كندوز ب 40 جنيه سمين واحمر ب 42 طبعا السعر ده ولا في الأحلام

اخت منه للمفروم هايل بصراحة

ده فين ده المحل يا أم أبيها؟

عندك حق و الله الناس اتسعرت على الأكل
كأن رمضان أكل و بس

ده غير ارتفاع الاسعار حسبي الله و نعم الوكيل

كل سنه وانتي طيبه ربنا يبلغنا واياكم رمضان
ممكن من فضلك عنوان محل الجزارة وجزاكي
الله خيرا .

كل سنة وانتم طيبين ربنا يبلغنا ليلة القدر فيه ان شاء الله

المحل في حلمية الزيتون جنب محطة المترو اسمه جزارة بدر