لصاحبات الخبره والسفر ,,, متى تسافرين مع طفلك

يابنات الله يعطيك العافيه والله ما قصرتوا كلكم
انا بنتظر لحد ما يهدا واشوف
لان من كلامكم حسيت انه على حسب شخصيتك وحسب طباع البيبي
والمكان اللي بتروحين له
الله يعين عليهمويخليلكم بيبيلتكم ولا يحرمكم منهم اميييييييييييييييييييييين

أنا سافرت بعبادي كم مرة من لما كان عمره شهور
وهو يجنن بلد وأكثر شي أحاتيه الطيارة جنني فيها
بس أنا ماعمري ترددت في السفر عشانه
بالعكس أستمتع معاه مع أنه مزعج جدا
خليني أقول لكم شوية من تجاربي وشوية من نصايحي<===عاملة نفسها أم العريف
حاولي ما تخلينه ينام لحد ماتركبوا الطيارة عشان ينام فيها ومايفضحكم فيها
وأنا كنت أطلب منهم 3 بطانيات وأحطها فوق بعض وبعدين فوقها فرشته هو الخاصه
لأني ضامنة نظافتها وأحطه عند رجولي تحت..هم بيقولون لك لا وبيجبون لك سرير من عندهم بس لا ترضين وأصري صدقيني أريح لك وله..
وأنا عكس الأخت رسيل اللي كلنت بصراحة نصايحها حلوة بس أنا عكسها في الدراجة..لازم تكون كبيرة مو صغيرة لأانه أنتو برا طول اليوم.. والصغيرة ما تمتد بس حق القعدة..بينما الكبيرة يقدر ينام فيها وهو مرتاح وتظللين عليه وسلتها الكبيرة توسع أغراضه كلها.. أنصحك بماركة كارقو هي صحيح غالية شوي بس تستاهل ..كبيرة ومريحة وتنتطوي بسهولة بالضغط على زر وسلتها كبيرة وفيها مكان لشرابك ولشرابه..والله نفعتني في كل سفراتي.. وماتتغير ممكن تستعملينها لكل عيالك لوحافظتي عليها..
الشنطة يكون مجهز فيها كل أغراضه.. مجهزة الحليب في علبته الخاصة مكيول وخالص..والزجاجات تكوني صبيتي فيها ثلاث أرباع الكمية ماء عشان يفتر..ومعاكي دلة ماء صغيرة فيها الماي المغلي تصبين على طول المغلي على الفاتر وتعملين له الرضعة وترضعينه على طول بدل ما تحتاسين وتقعدين تبردين وما أدري شنو..
أتمنى أني فدتك.. ولو عندك سؤال محدد أنا حاضرة.. وسافري وانبسطي

نسيت أقول لك شي مهم
لا تنسين مقياس الحرارة
وتحاميل الحرارة
خليها معاك

لاااااااااااااااااااااااااااااااااااااااااااا لا تسافرين وطفلك بعمر الشهور
نصيييييييييحة طلعت دبي قعدت اسبوع كرهت نفسي
هذا وبنتي هاديه وش حليلها
استنكرت المكان وماتنوم الا اذا صحى اللي بالاوتيل كلهم
صرت اسهر معاها وزوجي يطلع يسهر
وانام بالنهار ما استفدت اطلع بعد المغرب وارجع 10 كل الاماكن
تقفل بدري
ياتاخذين الشغالة ولا اقعدي الين يكبر
حطمتك صح
ازين ماتتحطمين وتتوهقين هناك
وماينفع الندم