السلام عليكم
ازيكم يا اجمل ملكات وحشتونى اووى
كيفك زينه الطبائع والله فعلا زى ما بيقولوا عندنا فى مصر
القلوب عند بعضها
والله انا افتقدتك انتى وكل الملكات ويعلم ربى
معلش اول يوم رمضان انتوا فاهمين لسه الواحد بينظم نفسه وبيرتب افكاره والوقت ضيق
كل سنه وكلكم طيبين ربى يبلغنا جميعا ليلة القدر وينولنا نورها وخيرها وبركتها اللهم امين
ده برنامجى لرمضان باذن الواحد الاحد هو مختصر وبسيط لان ده شهر العباده قبل اى شىء كل شىء
شاور الصبح بصابونه البابايا والشامبو للشعر بيبى جونسون اجلت شامبو السدر للمرحله التانيه لضيق الوقت فى رمضان
بعده ترطيب للجسم بزبدة الشيا والشعر تونيك الفازلين
ترطيب الايدين بزبده الشيا او الجليسوليد او كريم من اوريفليم بيعجبنى فيه انه مش دهنى
ترطيب القدمين من فوق بزبده الشيا
وبعد الفطار
ترطيب الشفايف بزبدة الشيا
وقبل النوم ترطيب القدمين كاملتين
الوجه غاسول وتونر ومرطب
يوم الاسبوع تقشير للجسم بمقشر جاهز من اوريفليم
يوم فى الاسبوع حمام للقدمين وبعده الحجر للقدمين وبعده مقشر لقدمين جاهز من اورفليم وبعده ترطيب
ويوم فى الاسبوع تقشير للشفايف بفازلين وبعده زبده الكاكاو
الايدى اى يوم اغسل الاطباق بعدها ليمون لليدين وغسلها وبعدين ملح +زيت زيتون او سكر +زيت زيتون وماسك لليدى بعدها عسل +حليب وترطيب بالكريم
الاسنان بعد الفطار والسحو معجون كلوس ا وبعده مضمضه بى فريش
داخليا
بانتوجار بعد الفطار والسحور
الفطار والسحور يتضمن سلطه
بعد الفطار كوب بردقوش وبعده بحوالى تلات ساعات حلبه بالحليب
بعد السحور علبتين زبادى او اكتر
ما بين الفطار والسحور لازم لازم لازم 2 ليتر ماء
وكمان تلات ساعات رياضه فى الاسبوع فى الجيم
روحانيا ونفسيا
الاستغفار 1000 مره يوميا مقسمه
ذكر الله من تكبير وتهليل وحمد وتسبيح
قرأة القران يوميا وسوره يس بقرئها يوميا من رمضان السابق(كنز)
وطبعا خير الاعمال الصلاه على اوقاتها
ده برنامجى قولولى رأيكم فيه
كنت ناويه اضم السدر كشامبو للشعر وكمان خلطه سدر+حليب بودره للجسم يوميا نص ساعه بس اجلتهم للمرحله الثانيه ان شاء الله
اذكروا الله يذكركم
لا اله الا الله عدد ما كان وعدد ما يكون وعدد الحركات والسكون
سبحان الله وبحمده سبحان ربى العظيم
ღ ღ إذا كنتي تبحثين عن حياة جديدة ادخلي قروب الملكات المتألقات الفاتنات الجميلات ღ ღ
متابعة النقاش، صفحة 107