اللهم بلغنا رمضان التجمـع 15 لأحلى مواليد أكتوبر نوفمبر ديسمبر

مساء الورد
شخباركم بنات ؟؟
انا من دخلت الثامن وانا بس اتسدح لاني صرت ثقيله بشكل مو طبيعي
الدكتوره قالت لي بطنك كله ماء وغازات هههههههه
ووزن البيبي بس كيلو و600

المهم الله يهون علينا يارب ويسهل ولادتنا
حنين يالدبه وحشتيني
فوفو وام حنونه ودلع من زمان عنكم مشتاقه للقروب والله
ان شاء الله بدخل باقرب وقت

انا امس سويت تخطيط حق الطلق وطلع فيه طلق خفيف قالتلي حقت الطوارئ تعالي اكشف من تحت ممكن الرحم مفتوح قلتلها لا مدام قلب البيبي كويس وطلق مو قوي مابي تكشفين وبعدين انا توني بالثامن قالت على العموم ممكن بأي وقت تجيك الولاده انتبهي النفسك :( مدري ليش جاني الطلق والله مااجهد نفسي الصحن مااشيله :( ..
عاد هي تجلس تخربط علي تقولي وزن البيبي عندك كويس حتى لو ولدتي يمكن مايحتاج حضانه بس انا ماش قلبي ناغزني :(

عقب كلامج ياعسل .. اقنعتيني 100% اني استخدمهااا

واستخدم بعد الكبووو وقت مااحس بالطلق .. بس مااضمن ارجع البيت بعد ماتقولي فيه ولاده

لان انا ببكري نزلت علي السداده فجر الخميس .. والجمعه بدتني المغوص مو مره قويه بس تزيد لاوقفت .. وعقب الفحص الداخلي خلاص زادت مره ودخلوني ولاده الجمعه ولاولدت الا فجر السبت يعني طلق 11 ساعه :44:

مره تعبت وانهد حيلي :09:..لان طلقي كان بارد وحطولي طلق صناعي .. انا بأول فحص كان فاتح 4سم تقريبا كانت الساعه 6ونص المغرب .. وعقب الطلق الصناعي ومعاناتي فحصتني الساعه تقريبا 1 او 2 لقته 6 سم تخيلي معاناااه كم ساعه ومافتح الا شوي .. مع اني ماااااااااخليت شئ ماشربت من اعشاب وخرابيط ..لكن هالمره ان شالله بستخدم الحلتيته باخذها معااي للمستشفى ومن تقولي ولاده بخليهااا :26: :42:

والله يسهل لنا ان شالله

بس ماقلتلي وش مقادير الكبو .. مره قريت انه قشور بصل .. وكمون .. مدري هو صح او لا ..

وقريت مره عن كبو الكمون لحاله يسوي مفعول .. والله العالم

ياليت تفيدونا وش نتكبى فيه وقت الولاده

لان احنا مانستخدم الكبوو ابد



الله يسلمج ياقلبي

هههههههههههه شفتي كيف بس .. ربج ستر

الحمدلله ان البيبي بخير .. اتحمل الالم والطلق الكاذب وكل شئ بس اهم شئ البيبي مايصير فيه شئ ان شالله

والله يتمم لنا بخير و نولد بالسلامه



هلا وغلا فيج ياعسل

وانتي من مواليد يناير التجمع الي بعدنا مو هالتجمع ياقلبي

هذاهوو

http://forum.hawaaworld.com/showthread.php?t=2521240



شفتي بس هالذكاء الخارق

شكله يوم اروح مابعد يفطر خخخخخ استغفر الله رفع ضغطي

وانا مثلج قلت بشتريهااا واخذها معاي وقت الولاده والله يسهل لنا يارب



هههههههه لا انتي قبلي اكيد .. انا ببكري عوشرت يومين الله يستر هالمره كم بعوشر خخخخخ

عساني اولد بموعدي ولا اعوشر يارب

وان شالله بجربها من تنزل السداده او من تقولي ان فيني ولاده ان شالله

وهالدكتور حدددددددده رفع ضغطي.. لا والي يقهر زود اني رايحه مع زوجي .. وعقب كلام الدكتور قالي ايه سوقيها علي طلق والم والدكتور يقول مافيج شئ :42: قهرني زود خخخخخخخ

قلتله مايهمني الالم اهم شئ اني تطمنت ان البيبي بخير وهذا اهم شئ ويارب بلغنا شوفة عيالنا بخير وعافيه



هلا ياعسل

حتى انا ساعات احسه ومنتظم ولا ادري وش هو يمكن فقعات من ماء الجنين لاتحاتين



حياج الله ياقلبي




هلا ياقلبي

كلنا نشتكي من الدوخه بس يارب لك الحمد والشكر هانت ان شالله

والشر مايجيج .. هذا شكله توه جديد اصلا اول مره اشوفه او اسمع اسمه ولا شكله اخصائي شكله دكتور عام ساااق علي تصريفه وسكتني .. اجل وزن وموعد ولاده مايعرف يطلعه من الشاشه ..!!
اهم شئ بس طمني عالبيبي والله يبلغنا شوفتهم بخير يارب



هلا ياقلبي

بسم الله عليج .. لاتحاتين عادي ياعسل..اهم شئ رييييييييحي عالاخر .. وانسدحي وارفعي رجولج

انا مرت اخوي من اخر السابع وهي طلوق حتى بالتخطيط ولاتولد ماشالله الا بموعدهااااا ماشالله تبارك الله

يعني لاتخافين ان شالله خير

والله يبلغنا شوفة عيالنا بخير وعافيه