ღ ღ إذا كنتي تبحثين عن حياة جديدة ادخلي قروب الملكات المتألقات الفاتنات الجميلات ღ ღ

مسز رورو موفقة ...
بخصوص النقط الي بالرجل يقولون انه في ليزر يشيلهم ان شاءالله الخوات يفيدونج اكثر ....:26:

خواتي أنا من خلال عنايتي بنفسي
تعلمت تجارب معينه ومن اهمها
-اني التزم بوقت لوضع الخلطه او الكريم
-مثلا احط خلطة الزيوت في وقت معين اخصص كم ساعة ممكن اقلل الوقت اذا كان وقتي ضيق
-ماحكم على اي خلطة الا اذا مرت مدة شهر كامل على الأقل ...
-ما احط شيء في جدولي اذا ماكنت مقتنعه فيه علشان ماضيع وقتي على الفاضي
-قبل لا استخدم شيء لازم اسوي عن سيرج او اسال ناس فعلا مجربين هالشيء
خواتي نصيحة اذا كنتي تعانين من مشكلة معينة سوي سيرج اقري المواضيع واثبتي على الخلطة الي انتي مقتنعة فيها
وقادرة تلتزمين فيها ...
-حطي في بالج نحن نصعد السلم خطوة خطوة لاتتوقعين اليوم اعتنيتي بنفسج باجر بتحصلين اروع النتائج
لازم صبر وطولت بال واهم شيء حبي وقت عنايتج بنفسج لا تحسسين نفسج كانه عبء ثقيل
دائما تخيلي انج وصلتي لنتائج المرجوه ....
انا لسبب حطيت فالبداية ان نحن راح نمشيء على مراحل المرحلة الأولى هي تعودين نفسج على نظام معين
وبعدها في المرحلة الثانية تدخلين مستوى ثاني والمرحلة الثالثة تدخلين مستوى ثالث والمرحلة الرابعة هي مرحلة
المحافظة على النتائج .... يعني فالمرحلة الرابعة كلنا بنكون وصلنا اعلى درجة فالسلم ونتعهد ان مانزل ولا درجة ودائما نكون فالقمة ....
خواتي خلن الكسل على جنب كم وحده قالت اريد انزل وزني ومرت سنوات وهي بعدها تعيد نفس الاسطوانه
كم وحده تريد تعالج بشرتها او التصبغات الي فيها او تريد تفتيح المنطقة الحساسة وهي مكانك سر !!!!
؟؟
انتي واقفة في مكانج كم يبالج لين ما تستوعبين انه اذا انتي ماساعدتي نفسج محد بيقدر يساعدج ...
بدون مجهود وتعب ماراح توصلين لنتائج المرضية
مثلا وحده جميلة ولكن جسمها مترهل وهذا يشوه الجمال
بدون لا تتعب وتضغط على عمرها وتبذل مجهود وتعمل تمارين وتشد جسمها ابدا ماراح ينشد جسمها ابدن
اي وحده فيها ندب في وجها بدون لاتتعب وتسال وتدور وتروح عند دكتورة جلدية وتقرا وتبحث عن مواضيع تفيدها
وتلتزم ببرنامج معين ابدا ماراح تعالج بشرتها وتصفيها
التعب مطلوب بدونه انسوى شيء اسمه نتائج ....
انا ابدا ماقتنع انه مافي علاج لندب ولا اقتنع انه اليزر هو العلاج الوحيد
ولا اقتنع انه مافي علاج لسيلولايت
ولا اقتنع انه مافي شيء يكبر الصدر غير عمليات التجميل !!
ولا اقتنع انه الوحده الي وزنها فوق 200 مابتضعف الا اذا سوت شفط !!
اقتنع بانه ببذل المجهود والعمل ضمن خطة واضحة كل شيء ممكن يتحقق ويصير ولا ننسى فالبداية التوكل على الله قبل كل شيء ...
ومب شرط الوحده تدفع الاف مؤلفه ....
اهم شيء يكون في داخلج روح التغير للافضل واصرار قوي ...

مثلا الي بطنها مترهل اول خطوة اعملي تمارين بطن 10 مرات اذا قدرت تعملينهن كفووو عليج
اليوم الي بعده سوي بس 15 مره والي بعده 20 والي بعده 25 والي بعده 30
بعد اسبوع بتكون عضلات بطنج الخامله تتعود على التمرين شوي شوي .... راح تحبين تسوين تمرين البطن لانج
تعرفين في قرارت نفسج انه الكرش يشوه مظهرج الخارجي وحتى اذا بتكشخين تكون كشختج ناقصة ....
وبعد نفس الشيء علامات التمدد سواء القديمة والجديدة مهما كنتي جميلة هذه تشوه جمالج
عشان تتخلصين منهن يبالج تثقين انج راح تتخلصين منهن
في خطوط ممكن تختفي بعد 4 شهور في بعد 6 اشهور في ممكن بعد سنة !!!! الله يعلم ولكن اهم شيء انج بذلتي مجهود وماتركتي نفسج تحت رحمة الكسل الي مامنه فايدة

السلام عليكم

<< ول جيتي متأخره بس الغرض نفيد ونستفيد
بصراحه كل تجاربكم ونظامكم ممتاز

حبيت بعد اقوولك عن كريم بيتادين رااائع للمنطقة الحساسه وفيه من يستخدمه للأبط
وزبدة الكاكاو بعد رائعه للخطوط البيضاء

بس حبيت أسأل الاخت زينة الطبايع
نيفيا ونسكافيه << وشلون يعني ذي مافهمتها

واذ1 يمدي وفيه وقت مجال اسجل معاكم حابه ذ1 الشي لجل
اكتب لكم عن انظمتي وخلطاتي
والغرض والله الفائده للجميييييييييع

السلااام بنات صح انا جيت متأخر


بس حبيت اقولكم عن صابونه نيتروجينا وانا استعملتها وفي فرق وبنات خالاتي وبنات عماتي

هي لحب الشباب

بنات حبيت احذركم انتبهوا لا تشترون ولا صابونه معطره ويقولون لحب الشباب لانها تزيد الحبوب:)

اي صح نسيت اقولكم ان نيتروجينا مو معطره