اصلا الطبيعي ان ما تحسين بشي يعني اللي تحمل تحس بش من نص الشهر انتي كانج وحدة في نص الشهر او بعد نص الشهر بشوي عادي و الهرمون ما يتركز الا بعدين و لما يتركز تظهر الاعراض و الترجيع اول يومين يمكن من التعب او نفسي او من الابرة التفجيرية لان الاجنة ما تثبت الا بعد ٤ او ٥ ايام و بعدين يبدا الهرمون يفرز شوي شوي ....و الم الصدر اكثره من المثبتات و حتى الام البطن اغلبها من البروجسترون اللي في المثبت هو يلخبط الدنيا اللي يقطعه بس شر لابد منه ..
و الم المبايض لان المبايض كانت متهيجة و متضخمة من التنشيط و اللحين بدت تنكمش .. تاخذ شهراواكثر علشان تنكمش مسكينة معذبينها معانا :)
الله يرزقج يارب و يثبت اجنتج .
سواد الرقبة خليه عالجيه بعد الحمل ان شاء الله لان ما اعتقد يشونلج شي اللحين بعد الحمل سوي تقشير و اصلا يتخف الخطوط من نفسها عقب فترة و الباقي شيليه بالتقشير ..
فالج طيب ..التاسع بروحه تسع شهور خخخ الله يبلغج التاسع يارب بصحة .
شوفي مسألة الاطباء مسألة نسبية و مسالة قناعات يعني انا ارتاح لدكتور انتي ما ترتاحين له .. انا مثلا اشوف ان عمر بو زينب ما شاء الله فاد وايد ناس في المقابل انا جربت عدنان و اعرف ناس جربوا عدنان و صراحة ضرهم مب بس ما فادهم و عدنان نفسه في خشمه و متفلسف و كل حد دخل عنده قال انا قطري و الله العظيم عرفنا خلصنا ..
لكن الدكاترة في النهاية بشر يمكن غلط معاج او غيرج لكن المسألة نسبية
و على فكرة فعلا علاج التكييس حبوب منع الحمل صح لكن ممكن اللي عندها تكييس شديد تحمل .. الدكتور يشخص الحالة لكن الارزاق بيد رب العالمين هو اللي يقرر في حالات الطب ييأس منها لكن رب العالمين يتكفل فيها ..انتي حملتي عند عدنان انا اعرف ٤ تعالجوا عند عدنان و وحده سببلها مشكلة و ما حملوا فشوفي شلون المسألة نسبية و الطبيب بشر ..
المهم في النهاية انتي وين ترتاحين لان جزء كبير من العلاج نفسي ..
ربي يرزقج و مبروك الخمسين مشاركه .
عادي انا في التجمع هني و ناس تروح و ناس تجي .. كل واحد ربي يسره ..
اصلا في دراسات تقول ان الراحة الزايدة تسوي نتيجة عكسية و تقلل فرصة الحمل ..و انا ما اراتح و حملت في ولدي عادي بس اهم شي لا تشلين شي ثقيل هذا حتى الاجانب يحذرون منه و الا المشي من المطبخ للغرفة مسافة وايد بسيطه ان شاء الله خير و علشان يصير في سيولة في الدم احسن للرحم .. :)
ربي يرزقج يارب .. هذي اول محاولة ؟؟
ملف المقبلات على اطفال الانابيب والحوامل في دولة قطر (التجمع الثــــامن )
متابعة النقاش، صفحة 130