بيت أحلى حبيبات مغتربات في ألمانيا

السلام عليكم
جيزانية المفروض تكوني مبسوطة علشان قرب سفرك الله يسهلك امورك ان شاءالله

موني كيفك اعملي ورق عنب وشيش طاووق شكله بيكون كثير حلو عالسفرة ودجاج مشوي واحشيه رز او بصل زي ما بتحبي ورز بالخلطة وشوربة وفتوش ومخللات والحلو اعملي كنافة او قطايف ان شاءالله يكون عجبك اقتراحي:)

كلارا عاد انا بحب محشي الباذنجان اكثر من الكوسى وغالبا انا اللي باكله :)ومحشي الجزر بنعمله كثير زاكي بس هان طبعا مش موجود الجزر

معناه رح نطبخ الاتنين وانا ببعتلك الباذنجان وانتي ابعتيلي الكوسا خخخخخخ
والله مشتهيتوا الجزر الاحمر وما عمل لاقي
اكتبي طريقة الشيش طاووق كيف بتعمليه


الله يفك الكرب ادعي الدعاء لفك الكرب اكيد بتعرفيه وان شاء نفسيتك ترتاح
ذكرتينا بالتيراميسوا ههههه




والله مريحة راسك ام نور اسهل شى الصواني بالعزايم
متل ما قالتلك ربوش هي كبة بصينية وهي اسهل انواع الكبة يعني اكلة بسيطة وبتبيض وش وما بيعرفوها غير اهل بلاد الشام
وخلص تكرم عينك بطلت نزل صور لاخر رمضان
السلام عليكم يا صبايا
كيفكن كلكن سلامة قلب ولادكن
مشتاقة والله
اليوم أريح يوم عندي والله كل يوم بعد الفطور بصلي وبعدان بلش بالتنضيف
ما بيوصل وقت صلاة العشاء الا وانا هلكانة
وولادي بيمرضوا بالدور
اول رمضان مرضت بنتي هي صحت لحقها اخوها
يقبرني اتصلوا فينا من الكندا جارتن لان استفرغ
كل النهار تعبان وحرارته عالية.

بتشكركن عن سؤالكن عني

ام نور كيف الامورات
يا ست ام نور هيدي كبة بالصينية الي منزلتها كلارا
اذا بتتذكري صورتها عندي عالفاسبوك يومها عجبتك.

كلارا ما شاء الله عنك
الكبة بالصينية بتشهي تسلم دياتك.

باقي الصبايا بيهاند وموني وبلو وباغيت والام الحنونة سلامات
جيزانية واحساس
الله يسهل لكن يارب وتوصلوا بالسلامة
سلمولنا عالاهل بالسعودية

موني ميشان العزيمة
المصريين بيحبوا الاكل تبع لبنان وسوريا والاردن كتير
لانه مختلف عن الاكل المصري
كان عنا جيران مصريين بيجبوا كتير اكلنا
متل الشيشبرك والملوخية الورق مش المفرومة والفتوش
الكبة بالصينية كتير طيبة وسهلة التحضير اذا بتعرفيها
متل يلي بالصورة تبع كلارا
اذا ما بتعرفي منعطيكي الطريقة

صينية دجاج وبطاطا بالفرن
كمان سهلة
بهري قطع الدجاج بالبهارات الي بتحبي متل الكاري، بهار اسود، زنجبيل وقطعي البطاطا شرحات سميكة شوي بعدان اخلطيهم كلهم مع بعض مع التوم والحامض وشوية زيت نباتي. وقدمي معهم سلطة.
سلامتن ولادك رورو (ربوش ) الله يحميهم اصعب شى مرض الاولاد والصيام الله يشفيلك اياهن
وتسلمي حبيبتي انا بحب لما يجي ضيف اعمله اكلات ما بيعرفها غريبه عليه لانه انا كمان بحب اتعلم الاكلات من كل المطابخ الاكلات الطيبه بس

كبة بالصينية


المقادير : 1 كيلو لحم بدون أي شحم – 1 كيلو برغل ناعم ويفضل اللون الأسمر- أربع بصلات مفرومة ناعم – ملح –بهار حلو – – فلفل اسود .
لحشو الكبة : نصف كيلو لحم مفروم – 3 بصلات مفرومة – مقدار نصف كوب صنوبر – ملح وفلفل وبهار وكمون – سمن أو زيت نباتي .
الطريقة : انقعي البرغل بعد تنظيفه جيدا حوالي ساعة – اعصري البرغل جيدا من الماء – الآن اخلطي مقادير الكبة وهي البرغل المنقوع واللحمة والبصل المقطع والملح والفلفل –اخلطيهم وافرميهم في فرامة الكبة الناعمة جيدا مرتين أو إلى أن يصبح الخليط شكل العجينه المتماسكة
الآن اقدحي الزيت وضعي البصل المفروم وقلبية جيدا – أضيفي اللحمة المفرومة والبهارات والملح وقلبي الخليط حوالي عشر دقائق – اقلي الصنوبر واضيفية إلى الحشوة –
الآن تحتاجين إلى صينية مستديرة أو مستطيلة وافردي عجينه الكبة بسمك خفيف – ضعي فوقها طبقة الحشوة – ثم مدي مرة أخرى طبقة من عجينه الكبة – سوي السطح بعناية ولا تتركي أي مسامات – الآن قطعي الكبة على شكل بقلاوة أو مربعات –اعملي حفرة صغيرة في الوسط وضعي قليل من السمن – أضيفي قليل من الزيت على سطح الصينية وادخليها الفرن حتى يحمر السطح – قدميها ساخنة مع سلطة الروب وبالهناء والشفاء

كل عام وأنتم بخير
كيفكم أخواتي
بدي أستشيركم في شغلة
بنتي مخلصة التوجيهي دي السنة ونسبتها بفضل الله عالية ، وجاتها بعثة على ألمانيا في الطب ، فعشان كدا بدي أسألكم كم شغلة
منها:
إذا بتعرفوا ، بأي لغة راح تكون دراستها ؟ أنا سمعت إنها مو بالإنجليزي ، فمعناته راح ترجع البنت وهي مو عارفة تتفاهم مع الناس وتكتب الوصفات
وكمان كيف الوضع عندكم مع المسلمين والحجاب
والدراسة أكيد مختلطة ، بس هل بيكونوا جنب بعض ولا منفصلين الألاد مع البنات
معليش حاسة نفسي زودتها ، بس ما أعرف ألجأ لمين عيركم

تسلم هالايدين يا كلارا .. ان شالله رح اعملها يوم العزومه