السلام عليكم
هذى أول مرة اشارككم ... لكني أتابعكم منذ سنين
كل عام وانتم بخير .. وإن شاء الله تكون أموركم تمام ..
والله يبعد عنكم كل مكروه ..
انا جدا مقهورة ومتوترة لدرجة لاتوصف ..
والسبب ................. زوجي؟
زوجي رجل عاقل جداااا بشهادة الجميع
يسافر يسهر لكنه جدا عاقل
بعيد جدا عن العلاقات والتعارف .. ودايم يردد ان هذا الشي غلط . جدا واضح وصرييح معي لابعد الحدود ..
ولكن بعد ست سنوات زواج .. وبعد ولادتي الاخيرة .سافرت لاهلي ورجعت ..
وليتني مارجعت...
متغير في كل شي .صوته . اسلوبه . نظرات عيونه
شكيت واساله فيك شي متغير .. يقول لا .. اجابته كلها تررد عيونه تكشفه.
جواله مقفل .. وكان ابدا مايقفله . سالته غريبه مقفل جوال قفلته وانتي مسافره عشان مااحد ياخذه وانا اعرف زوجي الكل يحترمه ولااحد يمس اغراضة ؟ برضو شكيت
لقيت ايميل ثاني . سالته لمين ؟؟ عطاني مليون اجابة وعرفت انو كذاب ؟
فتحت سجل المحادثات وآآآآآآآآآآآآآآآآه ياقهري كلام حب وشوق وعتاب جميل وفي الاخير يحلف انها يحبهاا وعنده اكثر من وحدة مسوي معاهم تعارف
مت من القهر قومت الدنيا ولاقعدتها بكيت صرخت خاف علي لحظتها وباس الايادي
واقسم انو مافي شي تغير باقي يحبني وانا الاولى والاخيرة وكل هذا لعب
قال اتركيني على راحتي مصيري لك وانا بين يديك بس خليني اتسلى
انا محتارة ومقهورة ليش تغير
ماكان كذا؟؟؟ وش الجديد؟
ماابغى اخسرة ولاابغى اتركه يتمادى
بالله عليكم انصحوني نصيحة عاقل ؟؟ لاني عاقلة ولاابغى اتهور
شاركي في النقاش
سجلي الدخول لإضافة تعليق.
التعليقات
17- الله يعينك والله مدري وش اقولك بس ماحبيت اطلع ولا ارد ان شاء الله البنات يفيدونك
- الله يهديه ويسخره لك حبيبتي
حاولي معاه بالتحاور بكل هدؤ وبدون صوتك مايرتفع
لاتتركينه الحاله حسسيه بالاهتمام وشوفي يمكن انتي مقصره معاااه
الرجال مايدور براء بيته في اغلب الاحيان الا اذا وجد اهمال من زوجته
واذا ماكنتي مقصره معااه معليش كلميه حاوريه بحب ولطف وذكريه
ان الي يسويه مايرضى الله عز وجل وما يرضيك وخوفيه من العواقب
وان شاءالله الله يهديه - الله يهديه ويصلحه
الاستغفار الاستغفار
قال الرسول صلى الله عليه وسلم من لزم الاستغفار جعل الله له من كل همٍفرجا ومن كل ضيق مخرجاً ورزقه من حيث لا يحتسب - الله يعينك والله مدري وش اقول الرجاجيل مدري وش بلااهم انهبلو تالي عمرهم يبون يصغرون نفسهم بالقوه
- الله يكون بعونك ويهدي زوجك
حاولي انك تتقربي منه اكثر وتشوفي هواش يحب من ناحيت العلاقه الحميمه والله يوفقك
مواضيع مشابهة
تابعي تجارب أخرى من هذا القسم.