
المهم انا يوم كنت توي في بدايه ريعان شبابي
توي بديت اصير انثى حسب نظرة المجتمع و غطوني اهلى

تقريبا لما كنت توي مخلصه اول متوسط غطوني اهلى لانى طويله بالنسبه لاقراني
لا عاده الله من طول اللى الان احس انهم ظلموني
<< ما عليكم منها تحب تعيش نفسها في تراجيديا حزينه المهم امي جلست معى جلسة ام مع بنتها و تبي توعيها بالدنيا << وجع انت وياه وش تفكرون فيه

و الظاهر انها يا انها شاكه في اخلاقي لانه رات بوادر انحراف او انها رات بوادر خباله و فهاوه
و الارجح انها الثانيه
امي جالسه معي و وجهها يتصفق من الروعه يقالك اني كبرت و خايفه علي << هين الا خايفه اكبرها في عيون الناس

و اخيرا بدات بالكلام : يا بنتى انتى كبرتي و لازم تعرفين ان الدنيا مو زي اول لعب
و سعه صدر انتى الحين حرمه و لازم تصيرين هاديه و عاقله و لا تصيرين مطفوقه
و تفشلينا زي يوم سويتي بالمدرسه وقت الطلعه تركضين بالعبايه على راسك وسط الساحه لين تركبين مع ابوك << الله يسامحك يمها جرحتى مشاعري
ليش ما قلتي لي ان اللى تلبس عبايه تمشي شوي شوي و الحين انتى لازم تخافين من الرجاجيل تراهم ذئاب بشريه << عاد ما معها حق امي الا اليفين وش فيهم خخخخخخخخ <<
لازم ما تخلين اي رجال يلمسك و لا تسلمين عليهم زي اول بيدك و لا تكلمينهم الا للضروره
قلت يمه طيب اذا لمسني وش يصير قالت تصيرين حامل
تخيلوا حامل ايه انت و ياه اللى قريتوه صح حامل انا هنا خفت و ارتعت روووعه الله لا يوريكم يعنى وش ترجون من وحده ما عندها خبره بالحياه
صرت امشي في الشارع و انا مباريه الساس عشان لا تصير فيه فرصه يلمسوني لو بالغلط
و يجي ذاك اليوم لا عاده الله من اااااااااخ بس

و اروح بشتري شريط سونى رعب << كنت من هواة هاللعبه
و اقول للهندي طبعا كان وقتها معى اخوي اللى عمره 8 سنين و اقول له اسئله
عن الاشرطه قال اسئليه انتى قلت لا انت << بلاي خايفه من الحمل ياااا قلبيه على عمري انرحم
المهم سئله اخوي و طلع لنا اجدد اشرطه رعب الا جاز لي واحدن منهم و اقول لاخوي ابي ذا قال تقلعي قولى له انا بروح اشتري عصير
انتم تخيلوا رهبه الموقف عقب كلام امي و انا مع هندي بلحالنا و ابي الشريط و اخوي راح عني و غدر بي << قايله لكم تحب التراجيديا

و اضطر مكرهه اكلمه لانه للضروره زي ما قالت امي
و انا اعطيه الشرريط و يال الكارررررررررثه لمس اصبع يدي بالغلط و انا اللى انتفض
و تطير عيوني حتى الهندى قال ماما وش فيه تعبان قلت لا بس هات الشريط و انا افكر باللى في بطنى الحين بيصير ذا الرجال زوجي و اللى ببطني ولده لاااااااااااااا << نكته و ربي خخخخخخخخخ
المهم مد الكيس قمت اناظره بكره طبعا هو السبب في الكارثه و اقول له حطه عالطاوله و احط فلوسه عالطاوله و اخذه و امشي
او اجلس افكر اقول لامى و الا لا اقوول لها و الا لا
قلت خل اصبر لين اشوف بطنى اذا كبر قلت لها وقتها << عاااهه مو بنت خخخخخخخ
و اجلس لين اسبوعين انتظر البطن يكبر ما كبر و كل يوم اويق عل بطني الا ما كبر
و اقعد ادعي يا رب ارحمني انت داري انه غصب عني
كل هذا و انا مصدقه يعنى وش تنتظرون مني امي قايله لي و هي الله يسامحها عارفه اني دجه
المهم عقب شهر من الالم و العذاب انا ما قدرت اصبر قلت
بصارحهم و اللى فيها فيها قمت ناديته امي لغرفتي و قلت لها
يمه انا بقول لك شي خطير و ابيك تفهميني و لا تعصبين
انا غلطت عارفه اني غلطانه بس ابيك تسامحيني و توقفين معي
و امي اللى ترتاع و تقعد تزاعق ليش وش سويتي ؟
قلت هدي يمه و لا تخافين انا بقول ك لك وش صار
قالت بتقولين و الا كيف
قمت قلت لها عالموضوع و هي اللى يصير وجهها كذا
انا ارتعت ليش تضحك قمت اصيح يمه يعنى انا حامل يعنى بتزوجوني زاهد الهندي << امحق زاهد اسم على غير مسمى
لا يمه و الله لاتوب و لا عاد اتعوده و لا عاد ابي اشرطه سوني
يمه خل نسقط الولد قبل نروح للدكتور و لا تقولين لاحد و تمووت السالفه تكفين
يمه ارحميني
قامت امي ارتاعت على لا يزوغ عقلي
و هي اللى تضمني و تقول لي يا بنت انتى منتيب حامل و لا شي
و انا اللى اسفهل و اتشقق و خطرن ارقص من الفرحه
قلت طيب و الكلام اللى قلتيه قالت انا قلته عشااان تخافين منهم
بس واضح عليك بنيتي انك عاقله و سمعتى كلامي قلت اعلمك الصدق << لا و الله كثر خيرك
المهم عدت السالفه و الحمد الله مرت سنين عقب زاهد و لا حملت و لا شي << للحين ماثره عليها السالفه
مصدقه عمرها
ما يستفاد من الموضوع /
1- مو كل اللى يقولونه امك و ابوك صح احيانا لازم تصير انت شجاع و تقول لهم انتم غلطانين
2- لا تخلووون اهلكم يغطونكم بدري <<لا هذي تدعو للفتنه و العياذ بالله
3- لا تصيرون مسبه مثلى و تعيشون بازمه و اخر شي تصيرون عايشين بفقاعه صابون << قايله لكم تحب التراجيديا
نقلته من ايميلي