السلام عليكم حبايبي اليوم مريت بموقف خلني افجر كل مافيني واتكلم تعبت اكتم تعبت امثل اني قويه والناس ماقصرت ع بالها انا جامد مالي احساس ومشاعر
لما كنت بعمر22 تزوجت من شخص وربي مالومه اللوم ع اهله مريض نفسي بس طيب ومن النوع اللي يقدر المراءه بس تعرفين وش مريض نفسي يعني يحكي يضحك يسوي ع نفسه مايحس وحسب ماسمعت انها عين قويه من اهو صغير
تزوجته وامه واهو جوا شافوني ووافقوا وربي لاانا ولااهلي كن نعرف استمريت معه 5 شهور اكتشفت خلالها مرضه وصعب العشره معه وبخل اهله وتسلطهم لاني عايشه معهم اجي من الجامعه اطبخ الغداء وهذي لحد بكرا مافي الا شاي وقهوه لاعشاء ولاحلى ولاشي وربي كنت اموت جوع وراتبه مع ابوه لو ابي ريال يساءلونه ليش وش تبي وربي احراااااااااااااااااااااااااااااااااااااااااااج خصوصا كنت اول وحده من اخواتي تتزوج ماعرف شغل الحموات والحموله غير ان لو بقى غداء يبيت لبكره ويسخن كذا بلا لحم ولادجاج وربي سمرت ونحفت بشكل ملحوظ كله كوم واخته المتزوجه كوم تخيلوا ماتسلم الا مصافحه والباقي لابوس وانا لا حقران لي لي حماة او سلفه طاردينها وماتجتمع معهم ابداااااااااااا لانها خبرت ناس يخطبون منهم ان ولدهم مريض فزعلوا وطردوها واهي كانت بتبري ذمتها لما ساءلوها
بعدها تطلقت الحمد لله
جلست لحد ماصار عمري 26 تزوجت متزوج عمره اااااااااااااااااااااااااااااه 58 لاتقولون ليه قدر وربي كاني مسحوره يوم تزوجته بس نصيب وش اقول نذل حيوان حقير اناني مستغل دينه واهو ابعد مايكون ع الدين الدين مو لحيه وثوب قصير الدين معامله اخلاق واهو من جنبها مع الناس ومعي
البيت شبه ماثث لامطاعم ولاسفر الا 4 ايام نكد علي وقلت خلينا نرجع وزوجته وعياله من 15 رمضان للعيد بمكه وا نا مرميه عند اهلي لاعدل لامصروف مثل زوجته وعيالها حتى الكلمه الحلوه مافيه اسمي اسمي يقول تموتين ماقوله طبعا يخاف يغلط فيه عند الاولى ويجرح مشاعرها حتى وقت الفراش مافي مداعبه ولا لمسه ولاضم ع طول يبداء ويخلص وينام ويقول بارده وين بارده وانت ماتذوب واعذروني ع كلامي
المضحك الاولى لها بنت متزوجه متزوج يعني ترضى لبنتها وبنات الناس لاطبعا ماتحملت وطلبت الطلاق
بعد كم شهربدخل28 كل جماعتي بعمري واصغر عيلوا وانا راح عمري انتظر طفل اشمه ابوسه اضمه ابي زوج ملكي انا نطلع نتمشى ارقص واكشخ له ازعل عليه بدلع ابي بيت ومطبخ ارتبه انظفه اعطره وابخره مابي اعزب لو مطلق ارمل معه طفلين اربيهم وربي لاحطهم بننة عيني اللي انظلم مايظلم
مابي شي ماحلمت بحلم مستحيل ابي بس بيت زوج وطفل يعني امومه وستر واستقرار
يمكن دعوه منكم تنفتح لها السماء وتستجاب
وماقول غير حسبي الله ع اللي ظلموني وجرحوني وكفى
شاركي في النقاش
سجلي الدخول لإضافة تعليق.
التعليقات
87- الله يرزقك الزوج اللي يقدرك مخموم القلب الغني بأخلاقه وكرمه وجماله ودينه وخوفه من الله
الله يرزقك من وااااااسع فاضله ويرزقني معاك والله اني دعيتلك وكتبت الدعاء الله يعوضك ويعوضني خير مما نرجو من الأزواج
الحمدلله على كل حال :) - عانيتي كثير بسبب الاختيارات الخطأ
المره الجاية فكري كثير واسألي عن الرجال قبل لا تاخذينه
الله يرزقك باللي يحبك ويملى بيتك ذرية صالحه .. - يا عمري الله يهوون عليك و يرزقك الزوج و الذريه الصالحه
و كلام الناس اعرفه ما يرحم و يقطع القلب
خلي الناس على جنب و عيشي حياتك
اكثري من الاستغفار و تقربي من ربك
الله يعوضك بالجنه افضل هالدنيا - الله يعوض عليك ويرزقك الزوج الصالح
والله حالتك مثل حالتي انا مطلقه مرتين بس الحمد لله على كل حال
الله يعوضك بالزوج اللي يسعدك ويكون سند لك وينسيك همومك كلها - الله يعينج ويسعدج يارب
مواضيع مشابهة
تابعي تجارب أخرى من هذا القسم.