ماتت وعمرها 13 سنه ياناس طفله حرام عليكم خافوا ربكم
يعني متى مداها تسوي شي في حياتها
السلام عليكم ورحمة الله وبركاته
هالموضوع كان ودي انزله من فتره لكن قلت بنتظر لين يدخل شهر رمضان شهر فضيل تجاب فيه الدعوات
عندي لكم قصة صديقتي
صديقتي هذه ماتت من 17 سنه الله يرحمها ويغفر لها
والله كأن خبرها جاني امس
تصدقون سبحان الله يمكن مايمر يوم الا واتذكرها ليه مدري عجزت انساها
يمكن لان خبر وفاتها عرفته بالصدفه او بالحقيقه عرفته فجاءه
كان اول يوم في المدرسه بعد ماخلصت الاجازه كنت ثاني متوسط
وكانت مدرستنا المتوسطه كبيره جدا
بعد ماعرفت وشهو فصلي رحت وجلست في واحد من الكراسي
وانا بالي عندها ابغى اشوف هي بأي فصل
وانا جالسه بالفصل الا واحده من البنات جات عندي وتبغى تعطيني اخبار المدرسه وانا ماني يمها
الا تقولي مادريتي عن (ع) الفلاني اسم صديقتي طبعا
قلت لها لا وش فيها ذاك الوقت اسوء شي خطر في بالي انها نقلت من المدرسه وانا مدري عنها
الا يوم قالت الخبر اللي نزل علي مثل الصاعقه
(ع) ماتت هي واختها بحادث وانتشر الخبر في الجرايد وانتي ماتدرين
شعوري وشهو شعوري مدري كيف اوصفه
كأن شخص كب علي مويه بارده الا ثلج
شهقت شهقه وصحت بااعلى صوتي وقلت لها كذاااااااااابه وانهرت
البنات اجتمعوا علينا وسئلوها وش في قالت مدري بس قلت لها ان وحده من البنات ماتت وقامت تصيح
طبعا هي ماكانت تدري انها صديقتي من ايام الابتدائي
مدري كيف خلص الدوام ذاك اليوم بطوله بعرضه خلص وانا في وادي والناس كلهم في وااادي
بس اتذكر كل مواقفي معها
تذكرت كل شي كل شي وتفاصيل وحكايات مؤلمه عن حياة اهلها
ماودي اذكرها هنا ويمكن اذكرها لكم في موضوع ثاني
كانت صديقتي جمييييييله جدا تعرفون وش يعني الجمال هي كانت رمز الجمال في مدرستنا
كانت كل العيون عليها
سبحان الله جا الموت في لحظه واخذها
ولا كأنها كانت موجوده في هالحياه اصلا
وفي نهاية الدوام اسمع البنات يتكلمون عنها وعن اختها ويقولون اصلا ماكانت صاحيه الله يستر علينا بس
انا كنت بنجن وحده ماتت كيف تقدروا تتكلموا عليها كذا
انا لله وانا اليه راجعون
الله يرحمها ويغفر لها ويوسع عليها في قبرها هي واختها
ويغسلهم بماء الثلج والمطر والبرد
وينقيهم من ذنوبهم وخطاياهم كما ينقى الثوب الابيض من الدنس
لكن اللي جدد أحزاني رحت قبل فتره اصبغ شعري لقيت وحده في المشغل من البنات اللي كانوا معنا بالمتوسطه
وكنا نتكلم عن المعلمات وعن بعض البنات
وشوي الا هي نطت فجاءه على سالفة صديقتي وقالت
أصلا سمعنا كلام عن شباب ومدري كيف استغفر الله بس
على طول سكتها وقلت لها الله يستر علينا وعلى خلقه
البنت ماتت وعمرها 13 سنه
يعني بالله متى مداها تسوي شي في حياتها
13 سنه ياناس طفله حرام عليكم خافوا ربكم
واخر شي تكفون يابنات واللي يرحم والديكم كل وحده تقرا موضوعي تكفون ادعوا لها هي واختها بالرحمه والمغفره
ادعو لهم ربي يتجاوز عنهم ويصفح عنهم ويغسلهم بماء الثلج والمطر والبرد وينقيهم من ذنوبهم وخطاياهم كما ينقى الثوب الابيض من الدنس
يشهد الله اني قريت ردودكم ودعائكم وانا ابكي
سبحان غصه في قلبي وحرقه عليها هي واختها للان قلبي يوجعني عليهم
يارب اسئلك واتوسل اليك يارب كل من ردت في موضوعي
وشاركتنا الدعاء
يارب ارزقها من حيث لاتحتسب وسير لها الدنيا على رضاها وفرج همها
وارزقها باللي تتمناه
ويارب اعطيها خيري الدنيا والاخره
اللهم امييييييييييييين
اللهم اميين
الموضوع مغلق