تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

متابعة النقاش، صفحة 66

شاركي في النقاش

سجلي الدخول لإضافة تعليق.

التعليقات

2,165

  1. @rmal_8

    totta_55
    بنات انا حاسة ان ناس كتيييير مش بتدخل ليه يالا تعالو بقه علشان عايزة اخد رأيكو في حاجة بصو انا قررت اعمل حجامة انا كنت عايزة اعملها بقالي كتييير اوي بس مكنتش اعرف حد بيعملها هنا في مصر ولا اي معلومات عنها ، المهم بالصدفة الباحته جوزي عر…
    توتا تويتى ..
    كيفك ياحبيبتى .. انا معاكى فى الحجامة جدا مفيدة على جميع المستويات لكن لابد ان تتحرى اخصائية فى الحجامة يعنى مش عند اى حد اطلاقا لا لازم لازم واحده تكون فاهمه فيها كويس جدا مش اى حد وانا اعرف انها الافضل لو تتعمل فى ايام معينه فى الشهر العربى واعتقد ان مالهاش علاقة بموضوع البيريود علشان كده انا مش متاكده من كلام الدكتورة دى ونصيحتى انك تعملى سيرش وتقرأى السنه في الحجامة ايه بالظبط علشان لما تدورى على حد تشوفى لو هيطبق السنه يبقى بتفهم ولو لا يبقى كفتجى .. :) ويارب ياحبيبتى يكون وشها حلو عليكى وبعد ما تعمليها تحملى على طول .. وبصى هقوللك رأى تانى بردة .. تشوفى انتى لو هتعملى محاولة للحقن قريب يبقى خلي الحجامة تعمليها قبلها على طول هتفيدك جدا فى وقت زى ده واهى تبقى نوع من الاستعداد للمحاولة الجاية وبأمر الله يكون ليها تأثير فعال

  2. @rmal_8

    المشتاقة لمكة
    بنات واخيرا لقيت دكتور وافق يعملي قيصرية بس والله قعد يبص في الجرح وماقدرش يعلق على الموضوع هو قالي انو حتتعمل قيصرية بالطريقة القديمة يعني عموديةوحيحاول يشيل الجلود بتاعت الجرح اللي مسببة التشوه وقالي ححاول اعدلها على قد ماقدر بس قالي لاز…
    والله انتى قلقتينى بكلامك ده يامشمشة .. بس انتى مفيش قدامك غير انك تتوكلى على الله وربنا هييسر لك الامور والمسكنات مخلتش حد بيحس بوجع ولو ادالك المسكنات بشكل منتظم ومظبوط مش هتحسى بحاجه خالص بأمر الله بس المهم تاخديها بجرعات قريبه بحيث اثر الجرعة ميلحقش يخرج بره جسمك ومتلحقيش تحسى بالوجع.. وكلنا هندعى لك ربنا يكرمك وتولدى بالسلامة وتجيبى احلى هدى فى الدنيا ياحبيبتى .. وبخصوص موضوع الكورتيزون شوشو حبيبتى ردت عليكى ياقلبى وطمنتك وانا فعلا سمعت د عادل اكتر من مرة قال انها مفيهاش اى ضرر وبتتاخد لحد 4 مرات عند الحاجه واكتر منكده مش هيفيد البيبى اساسا

  3. @rmal_8

    ضحى أحمد
    اشتقت اليك , وتوته .. شكرا على الترحيب .. السي في بتاعتي متردده اكتبها لاني اصلا متردده من فترة اشارك في التجمع لاني بحاول انسى .. بس بما اني بدخل معاكم يوميا تقريبا وبما ان الموضوع غصب عني شاغلني فالظاهر ليس امامي غير الاعتراف .. نبد…
    اهلا وسهلا اهلا بيكى شرفتى ياام عتريسة .. ان شاء الله هتتبسطى معانا وهتستفيدى ..
    بس اسمحى لى انا ليا عتاب عليكى لما انتى متابعانا من فترة ليه مشرفتيناش بمشاركتك معانا ؟ وليه من بعيد لبعيد كده .. عموما كل الوقت اللى راح ده هتعوضيه لنا مشاركات حلوة من مشاركاتك الجميلة دى .. ومن هنا ورايح مفيش بعيد لبعيد فى قريب ومعانا وجوة قلوبنا كمان وهنستناكى كلللل يووووووم تيجى تدخلى تدى التمام وترمى السلام وتطمنى على اخواتك وتطمنيهم عليكى ..
    وربنا يبارك لك فى بنوتتك ويحفظها من كل شر يارب ..
    تعليقا على كلامك بخصوص الموقف التانى البايخ ده اللى حصل لبنتك .. الموقف ده وجعنى اوىىىىى ياحبيبتى بجد متتخيليش قد ايه أثر فيا وهو فعلا خبطة على النفوخ وتخيلت نفسى مكانك واحساسى ساعتها اكيد كنت هتدايق جدااا ويمكن كنت هقعد اسح عياط على ابنى .. بس عارفه الاطفال بيحصل منهم كتير اوى بينهم وبين بعضيهم وبيكونوا غدارين على بعض اوى وفى لحظة بيقلبوا وعالم الاطفال ده مفيهوش نظام ولا عدل علشان كده انتى راقبى بنتك كويس فى اوقات اللعب دى علشان تتدخلى فى الوقت المناسب وده حرصا على نفسيتها لانك فى السن بتاعها ده انتى مش بتربى البدن بس انتى بتربى النفس والاحساس وده مهم اوى ..
    بخصوص موضوع التكيس ياحبيبتى انتى جيتى فى المكان المناسب اوى وبما انك متابعه الملف منذ فترة يبقى اكييييييييييييييد عرفتى معلومات عن التكيس كتير واكيد شوفتى تجارب البنات فى الموضوع ده بدات ازاى ووصلت لفين وهنتناقش اكيد فى المسألة دى لما تدخلى اونلاين ...
    لكن برده احب اعرف التحاليل اللى عملتيها والفحوصات بتاعتك اللى خلت التشخيص بتاعك تكيس ..
    ولفت نظرى انك قولتى انك اجهضتى فى التامن .. انا اللى اعرفه بحكم معلوماتى الفقيرة ان الشهر التامن بيكون البيبى فيه كاااامل وممكن جدا يعيش فى حضانه وبيكون طفل طبيعى جدا يعنى ولا اجهاض ولا شئ ..
    وبعد كده متبقيش تحطى كلام مختصر تانى حد قاللك ان نظرنا ضعيف !!
    قولى كل اللى فى نفسك ياحبيبتى ومن هنا ورايح كل اللى جواكى تطلعيه معانا بدون ما تشيلى هم لكتر الكلام ولا قلته

  4. @rmal_8

    ماما1983
    ريموا معاكي حق لازم نشوف تفسير للحكايه ده بس انا عن نفسي اتعاملت زي المصرين في اي تكاليف يمكن لاني سودانيه وبيعتبرونا زي المصرين ويمكن لانهم ما اكتشفوش اصلا اني مش مصريه لان شكلي وكلامي مصري مش عارفه بس جوزي سوداني سودان شكلا ومضموننا هههه…
    ماما ماماتو .. وحشتينى ياحبيبتى انا بشتاق لك كتيرر اوى ياماما لما بتغيبى انا بحبك فى الله اوى وبجد مش هطلب منك تانى انك ترجعى تواظبى معانا .. والله والله بتوحشينى ياماما احلف لك تانى يعنى ..
    بصى ياقمر انا فعلا تخيلت انهم مش حاسبوكى زى الاجنبيات لانك سودانيه وفعلا انتى تفسيرك تمام والسودان فى مصر بيتعاملوا كانهم مصريين تماااام .. بس سارة ربنا يكرمها يارب لفتت انتباهى لموضوع مهم اوى وهو السياحة العلاجية حقيقى النقطة دى كانت غايبه عنى او بمعنى اصح جديدة عليا جدااااا وفعلا ده تفسير مقنع جدا للمسألة المحيرة اللى كنا بندور على اجابة ليها .. وبرررده نحب نعرف اكتر من اى حد بيتابع مع د حسام شخصيا

  5. @zynb_abrahym_1

    اشتقت اليك
    وزة... بصى يا قمراية..... أولا انا مش خبرة أوي بس هاقولك فى حدود اللى كان بيحصل معايا....أولا مش لازم من اول ما نبدأ التنشيط لحد المتابعة نكون كل يوم بناخد حقنة....ده بيبقى حسب الاستجابة....و لازم الطبيب يبدأ بداية خفيفة علشان يقدر يحدد …
    شوشو
    ربنا يطمنك يا حبيبتي
    الغريب إن الدكتورة قالتلي ننشط ومانضيعش وقت
    وقالتلي هانشط مش عشان التبويض ضعيف لكن عشان نزود عدد البويضات وجودتها ومن هنا نزود فرص الحمل
    وكتبتلي على كلوميد من تاني يوم و3 حقن فوستيمون 75
    آخد واحدة اليوم ال5 وال7 وال9
    لكن أنا مش هانشط أصلاً الشهر ده برغم إني اشتريت الكلوميد وأنا جايه
    لكن قررت أكبر
    أحسن برده التكبير ده أحسن وأريح حاجه في الدنيا

تابعي تجارب أخرى من هذا القسم.