خطيبي والرعب الي أنا فيه .............الله يرضى عليكم لا تخلوني ....

فى ناس عندهم ملكه وفى ناس خطبتهم بس بالكلام نفس مصر قرايه الفاتحه كل منطقه وكل قبيله لهم عاداتهم .. المهم حبيبتى لا تفكرين وايد بهل موضوع وحاولى انج تلهين نفسج باشيا ثانيه ترا الوسواس بيدمرج

أول شي اختي انا ما فهمت هل هو صار أو بدر من أهله موقف؟ وترى نصيحه إذا صارت وبدر منهم شي انتي دايماً خليج العاقل وخليج الكبيرة لأنها انتي اللي بيقابلها كل يوم وبيني له انه مب اهتماماتج افتعال المشاكل .. صدقيني حتى لو سوو ما سوو .. بيقول في خاطره هذي مب هامها يعني هي واثقه من نفسها .. وعلى سالفة انه يقولج انتي صح وانا معاج ترى في الخطبه الألسنه رطبه يمكن مره مرتين يحب هالشي منج بس بعدين حتى لو تضايق ما راح تعرفين وانتي بروحج قلتيها لو وقفتي على كل شي ما راح تستمرون.. أهم شي حطي ثقتج في نفسج وفيه وكل شي بيكون تمام

أما إذا انتي كنتي تتوقعين الأسوأ وانه يمكن في يوم تنفسخ الخطبه لاااااا سمح الله!! انتي هل القصد انج تبينه وايد ومقتنعه فيه وخايفه من هالفسخ يعني هذا وسواسج ؟؟ ولا انج خايفه انه صار بينكم حديث وتعامل وخايفه انه بكره يصير غريب عليج؟؟؟؟ ترى إذا الثانيه حلها بسيط انتي لا تعطينه كل شي واللي أقصده لا تعطين كل اللي بخاطرج أمورج الخاصه أمور بيتكم طريقة حياتج !! أما إذا كانت الأولى مخوفتج انج تحبينه وتبينه وخايفه تصير مواقف تفسخ!! ترى كل ما فكرتي فيها قربتيها (الخير يبيله غفله) .. وخليج مرحه وتعاملكم يكون محبب وتذكري انه مثل ما انتي قاعده تكتشفينه في هالفتره هو بعد قاعد يكتشف فيج .. فلا تضيعون هالأيام اللي هي المفروض انها تكون بس مخصصه لكم انكم تتكلمون عن أشياء خارجيه راح تشوشج وتشوشه عن معرفة بعض عدل .. باجر تتزوجون على البركه تنصدمون أنكم ما عرفتوا بعض عدل .. أي اشياء خارجيه انتي بذكاء خليها تمر ولا كأن لها أثر في علاقتكم ..

وربي يوفقج ويعطيج اللي في بالج

السلام عليكم
اولا يا روح قلبي بنات حوا انا اسفه جدا على التاخير ظررروووف "وجوابات"ههههههههههههه
الحين دندوشة وفايلوت الله ما يحرمني منكم ابد فعلا وسواس انا افكر ليل نهار


جزيتم خيرا

لاين يا عمري ان شاء ربي انت اول المعزومات وباقي بنات حوا انا لي غيركم يفرحولي
والله يا اختي انااذا حصل موقف او شي ما احاول اعقد الامور واعديها بس انا احس هالشي فيني انا كل ما يحصل شي افكر صح مو صح لازم ومو لازم هذي مشكلتي لكن والله انا اتغاضى عن اشياء من اخته مثلا والله يشهد ان واحده بس من خواته ضايقتني مافي غيرها وما رديت عليها وعديتها ولا كلمته هو ولا شي من هذا القبيل ابد انا بس اكلمه لما احس ان الشيء يخصنا احنا
والله ما يحرمني منك

تسلمين

رشا طبعا يا حبيبتي عيل شنو لالالا ما كنت تظنين فيني شذي
نوف يا قلبي احنا ما بينا كلام حب ولا شي بس اشلونك الحمد لله واذا في شي برساله على الجوال بس لين الملكة ان شاء الله

تسلمون