شاركي في النقاش

سجلي الدخول لإضافة تعليق.

التعليقات

496
  1. بنااااااااااااااااااااااااااااااااااااااااااااااااااااات نفسيتي زفت في زفت

    وايد احاتي ما اعرف شو اشتري وشو اخلي والدنيا غاليه كل شي غالي
    بنات احس مهري يروح على اشياء تافهه انصحوني شو اسوي وبشو ابدا وشو اخلى كل حد يقولي ابدي وقت التنزيلات اشتري شهر 12 و 1 وانا ما عندي وقت عرسي 22/2 قولولي شو الاشياء الضروريه الي لازم اشتريها
  2. @rose_in_the_desert

    ثـعـلـبـه
    بنااااااااااااااااااااااااااااااااااااااااااااااااااااات نفسيتي زفت في زفت وايد احاتي ما اعرف شو اشتري وشو اخلي والدنيا غاليه كل شي غالي بنات احس مهري يروح على اشياء تافهه انصحوني شو اسوي وبشو ابدا وشو اخلى كل حد يقولي ابدي وقت التنزيلات…
    حبيبتي .. لا تعبين نفسيتج و إن شاء الله كل شي بيكوون أوكي ..

    شوفي حبيبتي اليوم بصراحه في الدواام يلست أفكر وااايد في هذا الموضوع إني ما أبغي أضيع مهري على أشياء ما أحس فيها فقررت أكتب ليست بالأشياء إلي بسويها شوفي حبيبتي بكتبلج الخطه إلي سويتها من الأهم لين المهم

    1- تحجزين الفستان
    2- تحجزين للمكياج و التسريحه
    3- مري شوفي الباقات عشان تحجزين باقه
    4- تبدين تفصلين و بالنسبه لي لأني بعيش مع أهل ريلي و ناس وايد إيون زيارات حق العروس قررت أسويلي ( و هذا الشي يمكن تشترينه بس الكميه تزيد أو تنقص )

    5 مغربيات .... 2 واايد كشخه و 3 بسيطات
    4 مخاوير .... 2 واايد كشخه و 2 عاديات
    5 جلابيات و كلهم كشخه
    10 جلابيات هنديه للإستعمال اليومي في البيت

    4- بعد ما أخلص الأشياء إلي لازم أفصلها أروح أشتري الأشياء الجاهزه مثل

    قمصان النوم .. و بصراحه وحده الله يطول في عمرها تيبلي إياه برخص عشان جيه قررت أبيع للبنات لأنه قوم نعومي و ربعهم قاصين علينا ... ما أسوي دعايه حق عمري بس واايد إنقهرت لما شفت أسعار البنيه و قلت أشتري من عندها لنفسي و بعد أبيع للبنات بفايده قليله عشان الكل يستفيد ..

    طبعا لا تنسين يوم بتسيرين تشترين دوري بالمره بجامات حلوه و رقيقه و ملابس داخليه و إشتري وااايد و جواتي تقريبا بشتري 3 و بشتري 5 مال الحمام أو للبيت العاديات إلي صبوعج تطلع منهم و يكونن مسطح و بشتري لنفسي يوم يمون بعد في ملحقي أو غرفتي و أنا لابسه البجامه النعال إلي فيه فرو بشتري منه 5 تقريبا

    بسويلي عبايتين ساده و وقايه ملونات يمكن 5 أو 6
    بسويلي 3 أطقم عبي و وقايه

    العطوور أهل ريلي ما قصروا يابوا واايد في الزهبه بس خاطري بشتري 3 عطور فرنسيه و دهن عود و مخمريه

    كريمات للجسم



    أتمنى إني أكون فدتج و لو في شي ناقص لاحظتوها خبروني عنهاااا لو سمحتوا حبيباتي
  3. صاحبة الموضوع
    ثـعـلـبـه
    بنااااااااااااااااااااااااااااااااااااااااااااااااااااات نفسيتي زفت في زفت وايد احاتي ما اعرف شو اشتري وشو اخلي والدنيا غاليه كل شي غالي بنات احس مهري يروح على اشياء تافهه انصحوني شو اسوي وبشو ابدا وشو اخلى كل حد يقولي ابدي وقت التنزيلات…
    هلا حبيبتي ريحي نفسيتج وضبطي امورج ولاترصين على عمرج
    يعني قبل العرس بشهر كوني مخلصه زهابج باقلج انج تيبين مخاويرج والشيل والعبي
    وماشاءالله اختي روز ماقصرت .

    شوفي انا عن نفسي مستحيلللللل افصل لفستان عرسي
    باجر احسن وبحط فلوس للفستان والمكياج والتصوير والكوشه
    وبخيط 15 مخوره
    ومغربيتين كشخه وهنتين عاديات
    عشر بدل
    بفصل فستانين لزوم الاعراس والمناسبات
    وثلاث او اربع عبي طقم وخمس شيل عاديه وعباه ساده ووحده مسكره
    بيقبالي الملابس الداخليه والبجايم وقمصان النوم
    خذيلج نعوول وشنط واكسسوارت لشعر ومن هالسوالف
    ومكياااااااج
    واخر شي الذهب
    يعني انتي حطي في بالج كانج بتسافرين لمدة ثلاث شهور بس
    وعقب العرس اكيد بتشرين وبتروحين السوق .
  4. صاحبة الموضوع
    واذا انتي من النوع الي تحبين تكشخين فالبدل فلاتقصرين على عمرج ممكن تاخذين
    اكثر عن عشر بس بشرط تسوين ميزانيه لكل شي .
    عشان مايخلص مهرج وانتي بعدج ماخلصتي مشاريج
  5. @ftaan_algloob

    السلام عليكم
    اشحالكم عرايس الامارات حبيت افيدكم
    ليش ماتروحون مصانع عجمان عندهم قمصان نوم وايد حلوه واسعارهن احلى نفس الموديلات الموجوده في السوق بس ارخص اغلى شي ممكن يوصل اميه في محله اسمه ميره فعلا عنده اشياء حلوه حتى الملابس الداخليه
    وبالنسبه للبدل بعد في مصانع عجمان بس انا يعيبني عندهم التنانير بس القمصان مايعيبني لانه التنانير وايد حلوه ومتنوعه
    بالنسبه للبنات الي اعراسن لين شهر 2 احسن ترين التنزيلات لانه ختيه السنه الي طافت خذت نعول وبدل وفتره قصيره وصارت التنزيلات وطبعا فرق في السعر وندمت لانكن ما بتاخذن شي وايد بتاخذن وايد فبتفرق معاكن
    بالنسبه للمخاوير نصيحه لا تفصلن في بوظبي غاليات في العين احلى بوايد يوفرقن في السعر الي في العين 150 في بوظبي 280 وانا مب بوظبي وافصل في العين في خياط اسمه الشاطي عنده موديلات حلوه واسعاره حلوه
    انشاء الله اكون فدتكن

تابعي تجارب أخرى من هذا القسم.