دكتوره ريهام ارجو الرد
السلام عليكم ورحمه الله وبركاته
ازيك يادكتوره ريهام
انا بجد يادكتوره هموت واخس نفسي اخس بسرعه لان اتقدملي شخص لخطبتي لكن مكنش عاجبه جسمي وعايزني اخس كتير وده من حقه
انا عندي 18 سنه بدرس في الجامعه وطولي 160 ووزني كان من عده شهور تقريبا 98 وقبل رمضان بيومين بدأت رجيم التخفيف في اكلي ووزني كان ساعتها 95 وفعلا ماشيه لحد دلوقتي بس في يوم كلت شريحتين من البرجر مع معلقتين مكرونه وربع رغيف اما فطاري العادي بيبقى 3 معالق ارز مع 4 معالق من الخضار مع العلم ان الخضار النهارده كان بطاطس لكن ما اخدتش غير 3 شرائح فقط اما السحور باكل اما بيضه مع 4 لقمات فول مدمس او بيضتين مسلوقتين مع 1/2 او 1/4 رغيف او بيضه مسلوقه مهروسه مع بطاطسايه مسلوقه صغيره يعني اهم حاجه في نظامي التخفيف مع شرب الاعشاب مثل البردقوش ورجل الاسد والمرمريه وزهره البابونج واغليهم واشربه او الشاي الاخضر او الزنجبيل بالقرفه او شاي الرجيم وباخد سيبوتريم 15جم بعد الفطار وباخد كروماكس اما بحس اني كلت نشويات كتير وده ديما لاني من عشاق الارز والبطاطس وليست مقليه مطبوخه او مسلوقه بس كلت في الايام الاولى من رمضان شرائح بسيطه من البطاطس المقلي في السحور بس الغيته تماما ومنعت المشروبات الغازيه ال كنت مدمناها والشيبسي بردوا والحمد لله بالنسبه للرياضه والمشي مش مداومه بس عملت رياضه حوالي 20 الي 30 دقيقه 3مرات في الاسبوع ال عدى والمشي مش كل يوم بمشي لاني مش بخرج كتير المهم وصلت لحد النهارده ل 92ك بس انا بكل الاكل الموجود بس بقلل كتير يمكن للتلت تربع ما كنت باكل السنين ال فاتت وساعات احس اني مش عايزه افطر او اتسحر بحس بسده النفس وبقول ان ده كويس بشرب ميه وسوائل عشبيه كتير اووووي
كنت حابه اعرف رأي حضرتك في الانظام وايه المحظورات وايه ال مفروض استمر عليه وياريت حضرتك تتكلمي عن الادويه والاعشاب لاني قبل كده كنت بجيب اورلي بس هوه مكلف فمستمرتش عليه رغم اني نزلت عليه حوالي 3 كيلو بدون رجيم واسفه على الاطاله
رمضانيات مع الأخصائية ريهام عبد الخالق
متابعة النقاش، صفحة 186