تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

بندقة
الحمد لله بقي كويس
انتي عاملة ايه في خطوات الحقن؟
ومصر عاملة ايه؟
توفي
جوزك عنده حق
اهدي وعيشي يومين سعيدة وارتبطي برنبا وحاولي متفكريش في حاجة وبعدين ابقي عيدي التحليل وان شاء الله خير
وجملة دكتور عادل معناها معدل النمو بالنسبة لعدد الايام
بوبا
ربنا يشفي باباكي شفاء لا يغادر سقما ويطمنكم عليه ويبارك في عمره يارب
مصرية
ربنا يكتبلكم عمرة ان شاء الله
انا مكانش عندي امل اننا نعرف نعملها رمضان ده والحمد لله فرجت من حيث لانحتسب الحمد لله بس طبعا حنعملها في سواد الليل كالعادة صد رد
كوكر
عودا احمدا
ليه الغيبة الطويلة دي؟
ريمو نيفو
منورين
وصحيح يا نيفو فيه حلمي الامومة كمان
المفروض تكون بتستعد دلوقتي هي كمان
زي بندقة
ربنا يكرمهم ان شاء الله
جارة الوادي
كلام دكتورتك صحيح مليون في المية لان وضعك بغض النظر عن اكتمال الجماع من عدمه كان مصاحبه حالة نفسية اكيد سيئة ودي سبب لوحده يمنع الحمل فاحسن شئ تعمليه انك تنسي موضوع الحمل تمااااااما وتستمتعي بحياتك عشان نفسيتك تهدي وبعد السنة دي تبداي تدوري وبرده من غير ياس لاني وعن تجربة جربته ولقيته مؤزي دنيا وآخرة
واهلا بيكي معانا وفيه في التجمع مغتربات زيك كتير
وان شاء الله تبشرينا بحملك في القريب العاجل
　
　

يالهوي لالالا
متزعليش مني

عشان خاطري
بس للاسف انا التجارب اللي مريت بيها خايفه منها للاسف
معلش استحملوني شويه لحد ماطمن من النبض

وعلى فكره انا كنت بهزر مع اودي

ها لسه زعلانه؟؟؟

يعني انا انبارح جوزي كان مخنوق مني واعدت اصالح فيه
وانهرده ريمو زعلانه وبرده اعده اصالح فيها

خلاص بئه متزعليش
وانهرده ليله فرديه متنساناش في دعواتك
:26:

ياتوفى ياحبيبتى يعنى بعد الكلام الحلو ده ممكن افكر ولا عقلى يصورلى انى ازعل منك !! مش ممكن طبعا انا مش ممكن ازعل منك وعندى استعداد اتحمل فيكى لحد مانتى اللى تزهقى وانتى اكيد عارفه ده ايه رأيك بقه انا عارفه كويس اوى انك طيبه جدا وقلبك ده زى التوفى بالظبط حلو وزى السكر ...
انا مش زعلانه منك والله العظيم زعلانه عليكى اوى اوى الطبع ده هيتعبك فى حياتك كتير اسمعينى فى اللى هقوله لك لانها فرصة اقوللك كلمتين كان نفسى اقوولهم لك من فترة وجت الفرصة
اولا التوتر ده طبعا وانتى عارفه بيأثر على الحمل تأثير كلى وجزئى يعنى فى مراحل متقدمة من الحمل هتلاقى نفسك واحده تانيه عاملة زى المجنونة ومش هيبقى فى حاجه مريحاكى وطبعا الحمل بيكون عامل مساعد بس بما انك عندك استعداد فا هتتعبى اوى ..
ثانيا بالطريقة دى انتى هتتعبى زوجك اللى مهما كان انسان خلوق فا برده راجل واكيد هيجى له يوم ميتحملكيش وهتلاقيه بيتدايق منك ولما تحبى تراضيه هتتعبى اوى علشان تصالحية وساعتها هيكون زهق من الوسوسة دى ..
ولما تولدى بالسلامه هتلاقى ابنك او بنتك فيها نفس التوتر والعصبيه بالاضافة الى ان اكيد الموضوع مش هينتهى بإنتهاء الحمل ولما تطمنى على النونو .. انتى هتبدأى الوسوسة بخصوص النونو وكل تنتوفة هتحصل معاكى بما انه اول بيبى وهتقى خايفه عليه موت وبما انك برده عندك استعداد للقلق هتلاقى نفسك عايشه كابوس مبيخلصش .. وهتبقى برررده متوترة بالشكل ده طيب ليه بقه انا عايزاكى تغيرى الموضوع ده فيكى ومش صعب علشان مصلحتك ومصلحة الحمل والنونو ان شاء الله وعلشان انتى بكرة هتربى طفل لازم تتعلمى تتصرفى معاه كويس بدون توتر ..
وانا عارفه والله يا توفى ان الحمل لما بييجى بعد تعب ومشوار من العلاج بيكون عزيز وبنكون خايفين عليه زى عنينا واكتر ونبقى بنفكر فى كل حاجه بس انتى عندك الموضوع زيادة اوى ياتوفى صح ولا لا .. فهمتينى ياتوفى
ياريت متزعليش من اى كلمه قولتها لك لان ربنا عالم انى بقولها لك من جوايا نصيحه خالصه لمصلحتك ياحبيبتى ومن باب ان الصديق مرآة صديقة