امي قاسيه وتحسدني على مكافاءة الكليه وتسميني البخيله وتغار مني وتهزئني .. انا تعبانه

حبيبتي اول شي ادعو من الله في هذه الليلة المباركة ان يفرج همج ويسعد قلبج بزواج سعيد وان امج ترضى عنج وتعدل بينج وبين خواتج
بس بقول لج على شي
ترا اللي تسويه امج غلط هذا ما نختلف عليه
لكن
عذريها صدقيني حطي لها العذر
تاكدي انها تحبج
وتحبج وايد بس احيانا البنت البكر تنظلم
احيانا مو دايما
يعني الام تحس ان بنتها البكر دوووم هي الكبيرة واللي اصغر منها صغار وتعاملج على هالاساس
فتحس ان تصرفاتج المفروض تكون افضل مما هي عليه حتى لو كانت تصرفاتج ما فيها شي

بتحسين بمعناة كلامي اذا صرتي ام
احيانا الام على حبها لابنائها لكنها يمكن تقسى عليهم بدون ما تحس تاخذها غفلة

ويمكن بعد امج لان عانت من ابوج وقاست بحياتها فهذا خلاها تكون قاسية

يمكن بعد انتي شكليا تشبهين ابوج فتذكريها به وتقسى عليج

نصيحتي لج لا تدعين على امج ابد
اتقي الله فيها

لا تنسي قول الله سبحانه وتعالى : وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا واتبع سبيل من أناب إلي ثم إلي مرجعكم فأنبئكم بما كنتم تعملون ( 15 ) يابني إنها إن تك مثقال حبة من خردل فتكن في صخرة أو في السماوات أو في الأرض يأت بها الله إن الله لطيف خبير

ونصيحة مني
خذي امج في مكان بروحكم وصارحيها بكل اللي بقلبج
سوي مقدمات لها بالبداية قولي لها ان في خاطري شي ودي اقوله واني حزينة بسبته وقولي لها كل اللي بقلبج بس باسلوب حلو مو باسلوب هواش يعني طبعا لا باسلوب معاتب الحبايب
ونزلي كم دمعه
تراها امج لا تستحين ولا شي

وصدقيني يمكن امج تطلع مسويه هذا كله وهي ولا حاسه
احيانا الام ما تحس لان حب ابناءها عندها من البديهيات يمكن بعض الامهات ما تحمل هم انها لازم تثبت لابنائها انها تحبهم لان هذا من المسلمات بالنسبة لها
ومثلما قلت لج الام دايما تشوف بكرها كبير واللي اصغر منه للحين صغااااار

والله يوفقج

وحطي ببالج ان الدنيا كلها ابتلاءات
ومحد منا مرتاح
الا من رحم ربي
مو مرتاح الا المؤمن
لانه مو شايل هم الدنيا
ولانه ذاق حلاوة الإيمان والتقرب إلى الله
وهذا احلى ما بالدنيا
ربي يذوقنا إياه

ولا تنسي
تذكري قصة سيدنا إبراهيم عليه وعلى نبينا السلام
قصته مع ابيه اللي كان بيتبرأ منه ويبي يرجمه
وقارني نفسج معاه
بتحسين ان مشكلتج تافهه يمه صح؟؟

الله يوفقج اختي ويبعد عنج كل سوء

أختي الله يثبتك ياااااااارب وتتزوجين اللي يحبك ويسعدك ولا قد دخل على غيرك

اصبري اختي وتذكري انما يوفى الصابرون اجرهم بغير حساب

ادعي وقومي بالليل وصلي واستغفري وقولي ياهم عندي رب كبييـــــــــــــــــــــــــــــــــــــــــــــــر
كرري دعاء الكرب ( لاإله إلا الله العظيم الحليم لا إله إلا الله رب العرش العظيم لاإله إلا الله رب السموات السبع ورب العرش الكريم )
وكرري ( لاحول ولا قوة إلا بالله العلي العظيم ) وتذكري انها تكشف 99 داء ايسرها الهم ,,,

يارب فرجها على اختنا وانصرها على من عاداها وعوضها بزوجها واولادها يارب وانا وجميع المسلمين اللهم آآآآآآآآآآآميين