مع او ضد السكن مع الحموله و الصريحه تحط السلبيات بكل صراحه

ضد ثم ضد ثم ضد


حتى لو هم عسل وانا عسل ..الا ان كثرة الاحتكاك لابد لابد لابد تجيب مشاااااكل

أكيد ضد هالشي ..

حتى لو هم أحلى من العسل ..

لأنه مافيه أي خصوصيه ..

وتصير العين لك اقوى ..

تشوفين زلاتهم ويشوفون زلاتك .. مما له أثر في النفس ..

بعكس لما تجين وتروحين ضيفه زلاتك أقل ..

ضد السكن معهم لي وحتى لزوجات اخواني
لان العشره الطويله تطلع عيوب الواحد وبالتالي تقل قيمته
ومافيه اي خصوصيه يعني ماتقدرين تطلعين تلبسين تنامين تاكلين على راحتك حتى سوالفك مع زوجك راح تكون محدوده
واذا ام الزوج من النوع اللي يتدخل راح تحاسبكم على كل شي
السلبيات كثيره وزادت في ايامنا هذي اكثر من ايام اول لان ايام اول كل الناس هذا طبعهم اما الحين تغيرت امور كثيره

شوفي يا قلبي موضوع السكن مع الحموله طويل عريض ما نقدر نعمم فيه
لانه لكل زواج ظروفه
مثلا اذا الزوج هو الولد الوحيد وماله غير امه وابوه صعب تقولين له يالله نطلع عنهم
اذا البيت مثلا مليان خوات واخوان وازواجهم يفضل انه الوحده تبعد بعيد تجنبا لاي مضايقات
ومثلا لو الزوج عنده اخوان وخوات وكلهم متزوجين وطالعين ن البيت وما فيه غير امه او ابوه صعب طلعينه من البيت
واذا اضطريتي انج تسكنين في بيت مليان يفضل انه يكون لك جناج خاص للخصوصيه
ما صار بعد هذا نصيب الوحده هنا نجي على اللبس
يعتمد على المجتمع الي انتي فيه مثلا عندنا بالامارات في الغالب صعب انه الوحده تتمشى كذا على راحتها لانه لازم راح تصادف اخو زوج او ولد اخته او او او
فالافضل انها تلبس ساتر وتكون محجبه اذا البيت ما فيه حد غير انتي وزوجك وامه وابوه لبسي الي براحتك بس تحظين في بالك انه البيت الكبير وممكن في اي لحظه احد يطب عليكم خواته اخوانه وهكذا
السلبيات الي الوحده تلاقيها في بيت الحموله ( بعد ما بعمم)
يمكن موضوع الغيره من خوات الزوج او حريم اخوانه وموضوع المنافسه
انعدام الخصوصيه وهذا شي ياثر في الوحده على حسب شخصيتها
وسلامتك