عيدنا كذا وانتم عيدكم وشلون بسرعه ادخلو نسولف

اما عن برنامجنا انا وخواتي حدث ولاحرج ليلة العيد نستلم الشوش وطابور على الاستشوار << ارحم حاله ليلة العيد من كثر ماهو شغال
وبعد ذالتس نكوي ملابسنا ونجهز كل شئ ونبداء بلطخ المكياج على خششنا كود انها تعدل ونعرس << ياربي متى يجي هاليوم
وبعد ذالتس تبداء موالات الوالدة الله يحفظها من سب وشتائم اثر ما وجدته بعد لبسنا من انفجرات دواليب الملابس وغيررررها
وكل ذا كوم واخوي كووووووووووووووووم ثاني
نصحي نصحي نصحي فيييييييييييييييييييييييه حتى نبتسي عند راسه كود انه يحس فينا
ثم تستلمه الوالدة بكاسة الماء وتكبها على راسه
ومن هنا تبداء الحرب تودينا الصلاة وهو يحلف مايودينا وحنا نتوسل اليه ونقوم بتسليمه بعض الرشاوي لعله يحن بحالنا
عااااااد اذا رضى يبداء بالطلبات ابي اترررررررررررررررروش << يخلص الخزان على جسمه وهو مانظف
ابي عقالي ابي غترتي ابي ثوبي ابي عطر وذا النوع ماااحبه يسبب حساسيه وهذا ريحته خياس وذااااا تسنه اشوى وهو لاباس
وبالاخير تبخ امي على ظهرة وهو مرتز بالمراية ويتعذر بالكتمه
والا تعالوا ماعلمتكم فيه تطور صار يحب عطر اودي اللي من العربيه اخير قدرنا نلبي رغبته الشبه مستحيله مع العطورات
<< اموت واعرف وش سبب كرهه للعطورات

ثم نشد رحالنا على مسجد العيد وتعالوا شوفوا المعاناة كل وحدة منا شايله فصتان العيد وراها << اقصد الذيل
والنعول كعب شبرين من تحت والعباه على الراس
وانت وحظتس بالمكان اللي تنزلين منه للمسجد ياتطيجين لك بشوك والادحديرة والاحفرة والاصخور بس على ذالتس ورغب الصعاب بنوصل للمسجد يعني بنوصل له

ثم اذا وصلنا له قمنا نتلفت ونناظر البنات الصغار وهم فرحانين بفصاتين العيد
<< تبون الجد ودي والله اروح اطامر معهم واردح بس خوفي اخوي يشوفني ثم تجيني ام الركب ويخرب مابنيته اقصد ماصلحته ليلة العيد

عاد اذا صلينا نروح لبيت جدتي رحمة الله عليها ونعيد عليها
اماااااااااااااااااا ذا السنه اه من ذاااااا السنه ماهي فيه توفت الله يرحمها ويغفر لها والله بشهر ثمانيه اللي فات مااادري كيف بيكون ذا العيد من دونها الله يجبر كسرنااااااا

والله ماتتصورون قد ايش كانت تحسسنا بطعم العيد

وبعدها نبداء بالمعايدات وندخل لبيت ونطلع من بيت ونرجع لبيتنا المصون ونحنا لانرى الطريق ندور المخدات

وهتسذااااااا هو عيدناااااااااا وسلامتكم

يقولون خير الكلام ماقل ودل واحس اني والله العالم اني ااختصرت الكثير والكثير
بس المرة الجايه نعوضكم << تلايطي

طيب لبسكم لازم جديد مثلنا ولا عادي تلبسون شي ملبوس لان حنا من عاداتنا بالعيد لازم جديد لاني عندي قناعه ان العيد اهم من المناسبات الي نشتريلها جديد وغالي ونهمل العيد فعادي تلاقيني بالمناسبات اعيد على لبسي لما العيد لا لانه فرحت المسلمين

ياحليلكم حنا الكبده والكلاوي بس لعيد الاضحى كنه حرام ناكله بعيد الفطر بس ذكرتينا نسويه هالسنه ومشكوره على المشاركه

حلو يكونون اهلك واهل زوجك قرايب عشان الكشخه وحده مو مرتين