صديق ولدي من عائلة معروفة أبوهـ لعب عليه ونسب عائلتهم لقبيلة معروفة وهم مو قبائل :(

السلام عليكم ورحمة الله وبركاته

يا اخواتي انا ابدا مو من النوع العنصري او المهتمة جدا بامور القبلية او غيرها
كلنا من طين واحد ولافرق بين عربي ولا اعجمي الا بالتقوى
بس والله من جد حز بخاطري موضوع صديق ولدي والموقف الي تعرض له من اصدقائه
في الحارة كلهم ضايقوهـ وسمعوه ابشع الاهانات لانه قالهم انه من قبيلة معروفة ومع
التحقيق معه من هالاولاد ومن اهاليهم تبين انه مو قبيلي وياقلبي الولد قالهم ان ابوهـ
هو الي قال انهم قبائل وانه ماله ذنب يعني الولد من يوم طلع عالدنيا وهو يحسب نفسه
قبيلي طيب ليش ابوهـ كذب عليه ؟؟
الاب لابد ان يكون قدوة لاولاده يعلمهم الصدق والصراحة ....
وش راح يكون موقف الولد من ابوه بعد هالكذبة الكبيرة !!!!!!!!!!!!!
والله الولد المسكين ماراح يصدق ابوه بعد هالكذبة وهالموقف الي تعرض له
وانا اعتقد انه مايجوز للاب انه ينسب نفسه لقبيله معينة وهو من الاساس مو منها
وانه المفروض صارح اولاده وعلمهم بالحقيقة لانه لابد انه في يوم من الايام راح يكتشفون الحقيقة
وهو بنفسه راح يتعرض للسخرية من قبل اولاده ومن قبل الناس برضو ..
لاحول ولاقوة الابالله العلي العظيم ..

على فكرة الولد حالته النفسية متدهورة على حسب كلام ولدي
وولدي جدا متعاطف معه بس اولاد الحارة ماعاد صارو يبغونه بعد هاللي صاااار !!!

49 تعليق 4,790 مشاهدة

شاركي في النقاش

سجلي الدخول لإضافة تعليق.

التعليقات

45
  1. وش الي رجع الجاهليه القبليه الي تركها الاسلام انا اشوف الناس ارجعوا لعادات الجاهليه لا حول ولا قوة الابالله
  2. @mdmn_khltat_2

    حببي رسول الله
    وش الي رجع الجاهليه القبليه الي تركها الاسلام انا اشوف الناس ارجعوا لعادات الجاهليه لا حول ولا قوة الابالله
    استغفر الله
    والله انهم فاضيين ينبّشون قبيلي ولا غيره
    وبعدين يمكن الاب ماكذب بس الولد حاس شوي
    سواء كذب الاب ولا ماكذب انا مااشوف انو موقف قوي لدرجة انو الولد ماينسى
    واذا عالمواقف وهبال الاولاد لسا لليله طويييل ,, لانو الشباب دايم مزحهم وتعليقاتهم ترفع الضغط
    يختي احس الوضع عااااتي مايستاهل شي :35:

تابعي تجارب أخرى من هذا القسم.