اسمحيلي بسألك
كيف أقنعك وجود الشباب بالأسواق رغم انك كنت ممانعه ؟؟ يعني تبغينا نقلد هالدول اللي رحتي لها واعجبتك وبس ؟!
لازم الواحد يكون عنده ثقه بمبدأه ويعرف هو يسوي كذا ليش عشان لا يعتقد انه كل ما الدنيا كانت ( فري ) كان الوضع أحسن
ثانيا: وإن إن إن إن إن إن شفنا انه عادي يدخلون الشباب يعني نقوم نسوي حمله تشجيعيه لهم عشان يدخلون
ثالثا : منطقيا يفترض انك تجيبي النظام ذا اللي تقولين عنه بالأول وبعدين دخليهم !
رابعا : المحلات اللي بالمجمعات فيه أكثر منها بالشوارع العامه وتلاقين المحل الواحد له اكثر من فرع
خامسا : يوم تقولين البنات هم يلفتون النظر فعلا هذي صدقتي فيها ولأنهم كذا فهم يبعدون الشباب من أصله
وقضية المتزوجين هو على اساس جاي مع زوجته فطبيعي ما يقدرون يمنعونه بما أن اللي يبيعون رجال
وبما أنك منقهر من اللي يغازل وحرمته ماهي لمه واذا جات سوى فيها مؤدب فهم خففوا عليك القهر عشان لا تشوفين واحد ماهو متزوج اصلا يغازل وهو مهو حاسب لحساب احد اصلا
فعشان كذا حنا نقولهم سووا مجمعات نسائيه مغلقه وريحونا من اللي متزوج واللي ماهو متزوج
<<< فهذا من باب اولى نسوي حمله عشانه
اما سالفه انه الشاب يعاقب بالسوق عشان يرتدع الباقيين فهذا يصير ... بس في الأماكن اللي تجيها الهيئه << الله يديمها نعمه علينا
والقضيه الكبرى اللي حبيت أقولها
قاعده ( كل ممنوع مرغوب ) أحس ذا مو مكانها
للمعلوميه قبل يالغلا لا تسوين حملتك فيه ناس بالدول الغريبيه ( يمكن اللي زرتيها : ) قالوا أن الاغتصاب عندهم زاد والسبب التفلت اللي عندهم لان الشباب شبعوا من المناظر ووو الحركات الوصخه.... فما عاد فيه شي يرضيهم الا الاغتصاب !
<< سمعتها من الشيخ محمد العوضي
واذا أنت كنت تشوفين عندنا التحرشات أكثر من الدول الثانيه فقارني حالات الايدز
هذا ما يعني انه ذولا احسن ولا ذولا احسن لا
بس الفرق
ان حنا بأول الطريق فالرجوع أسهل
هم ترى قالوا مثل كلامنا ذا قبل كل ممنوع مرغوب وضحكوا على انفسهم بشويه فلسفات لين ماحسسوا انفسهم ان الدين واوامر الشرع هي السبب فغطوا على عيونهم وما بحثوا عن الاسباب الحقيقيه
تدري ليش التحرشات تشوفينها
لأنه فيه إثاره من الأصل إثاره من كل جانب التلفزيون الشارع
ومافي مايكفل الغريزه من علاقه زوجيه شرعيه !
وحنا ولله الحمد بما اننا مازالت قناعتنا بأن الحجاب الصحيح هو نجاة المجتمع ونحرص على حفظ البصر وحتى في جدالنا نؤمن ايمان تام انه هو البوابه فعشان كذا كان صراعنا لا يتعدى ( المغازل والتحرشات )<<< وهي ماهي بهينه لكن حتى مانقول ان المنع هو سبب لها
ونؤمن بأن العوده الى الشرع هي الحمايه الحقيقه ماهو فتح الممنوع عشان يصير اللي اكبر منه مرغوب !!
<<< الاخير هذا مايتعلق بقاعده كل ممنوع مرغوب
اللي يبغى فعلا يلاقي حل
يسوي حمله للحجاب الشرعي
يسوي حمله لمجمعات كامله نسائيه مغلقه
يسوي حمله لمساعده الشباب على الزواج وتوظيفهم
يسوي حمله لتوعيه الشباب وتوجيههم
حملة الدفاع عن الشباب والسماح لهم بدخول الاسواق بمفردهم
متابعة النقاش، صفحة 3