ماما قدر الله وماشاء فعل يا حبيبتي
بس والله برافو عليكي غنك سمعتي كلام جوزو
ربنا يرزقك يا ماما يارب من واسع كرمه وفضله يارب
والحمد لله إن الدكتور عادل ريحك من حيرت علاج الأندو
إنت كده عرفتي طريقك في تكرار العمليات
بس أنا رأيي خدي فترة راحه شويه وأنا بقولك كده مقصدش راحه لجسمك من العلاج لألألأ أنا عايزاكي تاخدي راحه لمخك من التفكير
بصي يا ماما أنا ملاحظه إنك مخك بيكلم بعضه كتير قوي وبيتعبك معاه في موضوع العلاج والاساليب ووووووو
هو ده صح طبعا إنك تدوري على علاج لحالتك بس انا حاساكي تعبتي
فعايزاكي تاخدي أجازه من التفكير خالص لافي عمليه ولا علاج ولا تدوري على بروتوكولات جديده
شهر بس أو شهرين يمكن لما ترتاحي شويه وجسمك يرتاح الدنيا تتظبط عندك إن شاء الله
وبعدين على فكره قد ما زعلت على فشل العمليه قد ما فرحت إن الحمد لله بقيتي توصلي لمرحلة النقل وتنقلي فعلا ده لوحدها نعمه إحنا كنا فين وبقينا فين الحمد لله الحمد لله صحيح المره ده الجنين ضعيف المره الجايه يبقى قوي
صح ولا إيه
ربنا يكرمك يا ماما يارب ويهديكي لكل الخير بإذن الله
تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17
متابعة النقاش، صفحة 205